TÜV Rheinland Smartphone Reliability Verification စစ်ဆေးမှုစံသတ်မှတ်ချက်များကိုအောင်မြင်ထားသည့် ပထမဆုံး realme ၏ 7 Series စမတ်ဖုန်းသစ်များ

ယနေ့တိုးတက်ပြောင်းလဲလာသည့် လူ့အဖွဲ့အစည်းတွင် စမတ်ဖုန်းများသည် လူအများအတွက် အရေးအကြီးဆုံး အသုံးအဆောင်ပစ္စည်းဖြစ်လာခဲ့ပြီး လူတစ်ဦးနှင့်တစ်ဦး အပြန်အလှန်ဆက်သွယ်ပြောဆိုခြင်းနှင့် ပြောင်းလဲနေသည့်ကမ္ဘာ့အခြေအနေများကိုနားလည်နိုင်စေမည့် ပြတင်းပေါက်သဖွယ်ဟုလည်း ဆိုနိုင်မည်ဖြစ်သည်။ စမတ်ဖုန်းများက လူတိုင်းအတွက်အလွန်ပင်အရေးကြီး လှသည့် ဒေတာအချက်အလက်များစွာကို သယ်ဆောင်ထားခြင်းဖြစ်ပြီး မိုဘိုင်းလောကတွင် နည်းပညာများစွာ မြန်ဆန်တိုးတက်လာခြင်းနှင့်အတူ စမတ်ဖုန်းများတွင် ပိုမိုကောင်းမွန်သည့် လုပ်ဆောင်ချက်များကို ထည့်သွင်းပေးထားခြင်းဖြစ်သည်။ စမတ်ဖုန်းတစ်လုံး၏မူလအနှစ်သာရမှာ ဆက်သွယ်ရေးအသုံးအဆောင် ပစ္စည်းတစ်ခုဖြစ်သည်နှင့်အညီ ကြာရှည်ခံစိတ်ချယုံကြည်ရစေရန်မှာလည်း အလွန်ပင်အရေးကြီးလျက်ရှိသည်။ သို့ရာတွင် စမတ်ဖုန်းတစ်လုံးကို နေ့စဉ်အသုံးပြုရာတွင် များစွာသောအသုံးပြုမှုပုံစံများပါဝင်နေကြမည်လည်း ဖြစ်ရာ၊ ထို့အတွက်ကြောင့်ပင် စမတ်ဖုန်းတစ်လုံး၏ယုံကြည်စိတ်ချရသည့်အပိုင်းမှာ ပိုမိုရှုတ်ထွေးခက်ခဲလာခြင်း ဖြစ်သည်။

စတင်တည်ထောင်သည့်အချိန်မှစ၍ realme အနေဖြင့် အရည်အသွေးမြင့်မားပြီး ခေတ်ရေစီးကြောင်းကို ဦးဆောင်စေမည့်ထုတ်ကုန်များကို ထုတ်လုပ်ရန်ရည်သန်လုပ်ဆောင်ခဲ့ခြင်းဖြစ်သည်။ နိုင်ငံတကာဈေးကွက် ၅၉ခုတွင် နေရာယူလုပ်ကိုင်နေသည့် နိုင်ငံတကာစမတ်ဖုန်းအမှတ်တံဆိပ်ဖြစ်သည့်အားလျော်စွာ realme မှာ ၎င်းတို့၏ပထမဆုံးထုတ်လုပ်လိုက်သောထုတ်ကုန်မှစတင်ကာ တင်းကျပ်သည့်စိတ်ချယုံကြည်ရသောစံနှုန်းများကို ချမှတ်ထားခြင်းဖြစ်သည်။

ထိပ်တန်းနိုင်ငံတကာနည်းပညာပိုင်းပံ့ပိုးကူးညီပေးသည့်အဖွဲ့အစည်းတစ်ခုဖြစ်သော TÜV Rheinland က ၎င်းတို့စတင်တည်ထောင်ခဲ့သည့် ၁၈၇၂ ခုနှစ်မှစတင်ကာ လူသားများ၊ ပတ်ဝန်းကျင်နှင့် နည်းပညာတို့အကြား အပြန်အလှန်လုပ်ဆောင်ခြင်းမှထွက်ပေါ်လာသည့် စိန်ခေါ်မှုများအတွက် လုံခြုံအန္တရယ်ကင်းပြီး ကြာရှည်စွာ သုံးစွဲနိုင်စေမည့် ဖြေရှင်းချက်များကို ထောက်ပံ့ကူညီပေးနိုင်စေရန် အခြေပြုလုပ်ဆောင် လာခဲ့ခြင်း ဖြစ်သည်။ စစ်မှန်ပြည့်ဝပြီးအမှီအခိုကင်းသော အရည်အသွေးထောက်ခံချက်များကို ရာနှင့်ချီသောထုတ်ကုန် အမှတ်တံဆိပ်များနှင့် သောင်းနှင့်ချီသောထုတ်ကုန်များအတွက် စစ်ဆေးပေးအပ်နေခြင်းဖြစ်ပြီး သက်ဆိုင်ရာစက်မှုနယ်ပယ်၏ထုတ်ကုန်များ အရည်အသွေးပိုင်းဆိုင်ရာတိုးတက်စေရန် တွန်းအားပေးကူညီနေခြင်းလည်းဖြစ်သည်။ လက်တွေ့ကျသောစစ်ဆေးလုပ်ဆောင်ချက်တွင် TÜV Rheinland က ကြွယ်ဝလှသည့်အတွေ့အကြုံများစွာကိုပေါင်းစပ်ထားခြင်းဖြစ်သည်။

စမတ်ဖုန်းများ၏စိတ်ချယုံကြည်ရသော အချက်ကို ပူးပေါင်းမြှင့်တင်စေရန် realme က အထင်ကရအဖွဲ့အစည်း TÜV Rheinland ကိုဖိတ်ကြားပြီး စမတ်ဖုန်းအရည်အသွေးနှင့်စိတ်ချယုံကြည်မှုအတွက် စမ်းသပ်ထားသောစံနှုန်းသတ်မှတ်ချက်များကို ဆွေးနွေးတိုင်ပင်လုပ်ဆောင်ကာ ဖန်တီးချမှတ်ထားခြင်းဖြစ်သည်။ TÜV Rheinland Smartphone Reliability Verification (စမတ်ဖုန်းတစ်လုံး၏စိတ်ချယုံကြည်မှုအပိုင်းစစ်ဆေးသတ်မှတ်ခြင်း) တွင် နေ့စဉ်အသုံးပြုခြင်း၊ အစိတ်အပိုင်းများ၏စိတ်ချယုံကြည်ရမှုနှင့် အလွန်ပြင်းထန်သည့်ဝန်းကျင်အခြေအနေဟူသည့် ကဏ္ဍ ၃ရပ်ပါဝင်ထားခြင်းဖြစ်သည်။ အဆိုပါစစ်ဆေးချက်တွင် ပြုတ်ကျမှုစစ်ဆေးခြင်း၊ ဟောင်းနွမ်းဆွေးမြည့်မှုအပိုင်းစစ်ဆေးခြင်း၊ အမြင့်ဆုံးနှင့် အနိမ့်ဆုံးအပူချိန်ပိုင်းဆိုင်ရာစစ်ဆေးခြင်း၊ အမြင့်ဆုံးနှင့် အနိမ့်ဆုံးစိုထိုင်းမှုဆိုင်ရာစစ်ဆေးခြင်း၊ လျှပ်စီးအားပြောင်းလဲမှုဆိုင်ရာစစ်ဆေးခြင်း၊ ခလုပ်များ၏သက်တမ်းပိုင်းကိုစစ်ဆေးခြင်း၊ တည်ငြိမ်သောလျှပ်စစ်စီးမှုဆိုင်ရာစစ်ဆေးခြင်း အစရှိသည်တို့ပါဝင်ထားသည်။ အထင်ကရဈေးကွက်အားလုံးနှင့် သက်ဆိုင်ရာစက်မှုနယ်ပယ်၏ စံနှုန်းသတ်မှတ်ချက်များအားလုံးရှိ သုံးစွဲသူအဆင့်လျှပ်စစ်ထုတ်ကုန်များ၏ စိတ်ချယုံကြည်ရသည့်စံနှုန်းများကို ရည်ညွှန်းကိုးကားပြီးနောက် TÜV Rheinland Smartphone Reliability Verification တွင် အကြီးစားစမ်းသပ်စစ်ဆေးခြင်း ၂၂ခုနှင့် အသေးစားစမ်းသပ်စစ်ဆေးခြင်း ၃၈ ခုတို့ပါဝင်ထားခြင်းဖြစ်သည်။ TÜV Rheinland ၏ စိတ်ချယုံကြည်ရသောစံနှုန်းသတ်မှတ်ချက်အသစ်အရ ထုတ်ကုန်၏ယုံကြည်စိတ်ချရမှုအပိုင်း သာလွန်တိုးတက်ကောင်းမွန်စေရန် ရှိရင်းစွဲအရည်အသွေးစမ်းသပ်စစ်ဆေးခြင်းကို အဆင့်မြှင့်တင် ချိန်ညှိထားခြင်းဖြစ်ပြီး realme ၏စမတ်ဖုန်းများကို သုံးစွဲမှုအပိုင်းသာလွန်စေရန်သာမက သုံးစွဲမှုအပိုင်း ကြာရှည်ခံနိုင်စေရန်ပါ လုပ်ဆောင်ထားခြင်းဖြစ်သည်။ ထို့အတွက်ကြောင့် realme စမတ်ဖုန်းသုံးစွဲသူများ အနေဖြင့် ထိပ်တန်းအဆင့်မြင့်နည်းပညာနှင့် ခေတ်ရှေ့ပြေးထုတ်ကုန်ဒီဇိုင်းတို့က ယူဆောင်ပေးထားသည့် အနှစ်သာရကို အကောင်းဆုံးခံစားရစေမည်ဖြစ်သည်။