Scan ဖတ်ထားသည့်စာရွက်များကို စာသားအဖြစ်ပြောင်းလဲနိုင်သည့် OCR စနစ် ဓာတ်ပုံအချို့မှ လွဲ၍အတော်များများအဆင်ပြေဟုဆို

Scan ဖတ်ထားတဲ့စာရွက်တွေကို စာပြန်ရိုက်စရာမလိုဘဲ Google အသုံးပြုပြီး စာသား အဖြစ်ပြောင်းလဲနိုင်တဲ့ OCR စနစ်မှာ ဓာတ်ပုံအချို့ကလွဲရင် မြန်မာလိုရာနှုန်းပြည့်နီးပါး မှန်ကန်တယ် လို့အသုံးပြုသူအချို့ကပြောပါတယ်။

Optical character recognition (Optional character reader) ဆိုတာဟာ Scan ဖတ်ထားတဲ့ လက်ရေးစာ၊ ဓာတ်ပုံရိုက်ထားတဲ့စာအချက်အလက်တွေကို စာသားတွေ အဖြစ် ပြောင်းလဲ ပေးတာဖြစ်ပါတယ်။ ဘာသာစကားပေါင်း ၁၀၀ ကျော်ထောက်ပံ့ထားတဲ့ အထဲမှာ မြန်မာနိုင်ငံလည်းပါဝင်ခဲ့တာလို့သိရပါတယ်။ “ဓာတ်ပုံကျတော့ Perspective ကြောင့် မရနိုင်ဘူးလို့ပြောတယ်ဗျ၊ Scan မှပဲ အဆင်ပြေမယ်တဲ့” ဟု ကွန်ပျုတာပညာရှင် ဦးဇော်သူရိန်ထွန်းက ပြောပါတယ်။

OCR ကိုအသုံးပြုဖို့ drive.google.com ကို အရင်သွားပြီး New ထဲက File upload နေရာမှာဝင်ကာ Scan ဖတ်ထားတဲ့ဖိုင်ကိုရွေးချယ်ပြီး upload ပြုလုပ်ရမှာဖြစ်ပါတယ်။ upload ပြီးတာနဲ့ ဖိုင်ကို Right Click နှိပ်ပြီး Open with ကနေ Google Docs ကိုရွေးဖွင့်ရမှာဖြစ်ပါတယ်။ ပွင့်လာတဲ့အခါ စာမျက်နှာ နှစ်ခုတွေ့ရမှာပါ။ ပထမစာမျက်နှာကတော့ Scan ဖတ်ထားတဲ့စာမျက်နှာဖြစ်ပြီး ဒုတိယစာမျက်နှာက တော့ Scan ထဲမှာပါဝင်တဲ့စာတွေကို စာသားအဖြစ်ပြောင်းလဲပေးတာဖြစ်ပါတယ်။ အဲဒီစာသားတွေကို ကော်ပီကူးယူပြီး ဖောင့်ပြောင်းလဲမြင်နိုင်မှာဖြစ်ပါတယ်။ စာသားအများစုက မှန်ကန်နေတာတွေ့ရတယ် လို့အသုံးပြုသူတွေကဆိုပါတယ်။
“Facebook မှာတွေ့လို့စမ်းကြည့်တာ တော်တော်လေး အဆင်ပြေပါ တယ်၊ Scan ဖတ်ပြီးသားစာရွက်တွေကို စာပြန်ရိုက်စရာမလိုတော့ဘူး၊ ဖောင့်လေးတွေ တော့လိုက်ချိန်ပြီး ပြောင်းပေးရတာပေါ့” ဟု ရန်ကုန်ကွန်ပျုတာတက္ကသိုလ်ကျောင်းသား ကိုသန်းထိုက် ၀င်းကပြောပါတယ်။