ITPEC (FE) Exam Preparation သင်တန်းဖွင့်လှစ်မည်

သတင်းအချက်အလက်နှင့် ဆက်သွယ်ရေးနည်းပညာဖွံ့ဖြိုးတိုးတက်ရေးအတွက် မြန်မာနိုင်ငံ ကွန်ပျူတာအသင်းချုပ် ဦးဆောင်မှုဖြင့် မြန်မာနိုင်ငံကွန်ပျူတာပညာရှင်အသင်းမှ ITPEC(FE) Exam Preparation သင်တန်း ဖွင့်လှစ်မယ်လို့သိရပါတယ်။

Fundamentals Information Technology Engineer Examination (FE) စာမေးပွဲဟာ အိုင်တီဆိုင်ရာ အခြေခံဗဟုသုတရှိပြီး အိုင်တီနဲ့သက်ဆိုင်တဲ့လုပ်ငန်းတွေမှာ တာဝန်ထမ်းဆောင်သူတွေ အတွက် ရည်ရွယ်စစ်ဆေးတဲ့စာမေးပွဲ ဖြစ်ပါတယ်။ သင်တန်းကို မတ် ၇ ရက်၊ ၈ ရက်၊ ၁၄ ရက်၊ ၁၅ ရက်၊ ၂၁ ရက်၊ ၂၂ ရက်၊ ၂၈ ရက်၊ ၂၉ ရက်၊ ဧပြီ ၄ ရက်နဲ့ ၅ ရက်တွေမှာ ဖွင့်လှစ်သင်ကြားပေးသွားမှာ ဖြစ်ပြီး သင်တန်းချိန်ကတော့ နံနက် ၉ နာရီမှ ၅ နာရီခွဲ အထိဖြစ်ပါတယ်။

သင်ကြားမယ့် ဘာသာရပ်တွေကတော့ Computer System, OS, Data Structure, Algorithm, Program Design, Operation Research, Accounting & Application, Network and Security, Java, Strategy & Management, Database, System Development and System Operation Maintenance (Question Oriented Approach တို့ဖြစ်ပါတယ်။

တက်ရောက်လိုသူတွေအနေနဲ့ ဖေဖော်ဝါရီ ၇ ရက် မှစတင်ကာ စာရင်းပေးသွင်းနိုင်ပြီး သင်တန်းကြေးမှာ ၃၀,၀၀၀ ကျပ် ဖြစ်ပါတယ်။အသေးစိတ်ကို မြန်မာနိုင်ငံကွန်ပျူတာအသင်းချုပ် (MCF)၊ ဖုန်း-၆၅၂၃၀၇၊ ၀၁-၂၃၀၅၂၃၃၊ MCPA ဖုန်း-၆၅၂၂၇၆၊ ၀၉၅၀၆၇၁၆၈ ကိုဆက်သွယ်မေးမြန်းနိုင်ပါတယ်။

-သန္တာ