iPhone 8 နှင့် 8 Plus အတွက် အကောင်းဆုံး ဓာတ်ပုံ app တွေ ရွေးချယ်ခြင်း

Apple ရဲ့ iPhone 8 နဲ့ 8 Plus မှာ စွမ်းဆောင်ရည်မြင့်မားတဲ့ ကင်မရာတွေ ပါဝင်ပါတယ်။ 8 Plus မှာ dual-lens system ကို
အသုံးပြုထားပြီး ၎င်းရဲ့ secondary lens က Protrait Mode သစ်ကနေ တစ်ဆင့် ထူးကဲကောင်းမွန်တဲ့ ဓာတ်ပုံတွေကို ရိုက်ကူးပေးနိုင်ပါတယ်။ iOS မှာပါဝင်တဲ့ native Camera app ဟာ စွမ်းဆောင်ရည် ကောင်းမွန်ပေမယ့် iOS 10 ကစပြီး third party app developer များအတွက် RAW ဓာတ်ပုံရိုက်ကူးနိုင်မယ့် အထောက်အပံ့ ပါဝင်လာတာကြောင့် ဓာတ်ပုံရိုက်ကူးသူများက ၎င်းတို့ရဲ့ မိုဘိုင်းကင်မရာတွေနဲ့ အကောင်းဆုံးဓာတ်ပုံတွေကို ရိုက်ကူးနိုင်စေမှာ ဖြစ်ပါတယ်။

၎င်းကို ISO, exposure, white-balancing အထောက်အပံ့နဲ့ ပေါင်းစပ်ခြင်းဖြင့် third-party ကင်မရာ app တွေက ဓာတ်ပုံနဲ့ ဗီဒီယို တွေကို အကောင်းဆုံး ရိုက်ကူးပေးနိုင်ပါလိမ့်မယ်။

Photography အတွက်

ProCam 5

Professional Camera တစ်လုံးနီးပါးအတိုင်း iPhone 8, iPhone 8 Plus တွေနဲ့ ဓာတ်ပုံရိုက်ကူးလိုသူများအတွက် အသုံးဝင်မယ့် App တစ်ခုဖြစ်ပါတယ်။ ဒီ App မှာ ဓာတ်ပုံရိုက်ကူးရန်အတွက် Settings ပေါင်းများစွာ ပါဝင်တဲ့အပြင် Shooting Mode များစွာကိုလည်း ထည့်သွင်း ပေးထားပါတယ်။ iPhone 5s နဲ့နောက်ပိုင်း Device တွေမှာလည်း ထည့်သွင်း အသုံးပြုနိုင်ပြီး iPhone 7 အထက်ဖုန်းတွေ အတွက်ဆိုရင် 4K Ultra ဟာ HD Video တွေကိုလည်း ရိုက်ကူးနိုင် မှာဖြစ်ပါတယ်။

Proshot

Rule of third အတွက် Grid line တွေပါဝင်မယ်။ ဓာတ်ပုံရဲ့ အချိုးအစားတွေ ပြုပြင်နိုင်မယ်။ RAW ဖိုင်တွေ ထုတ်နိုင်မယ်။ White balance ချိန်ညှိနိုင်မယ်။ Exposure ကို လိုသလို ချိန်ညှိနိုင်မယ်။ Shutter speed setting တွေပါဝင်နေမယ်ဆိုရင်တော့ အဲဒီ App ကလည်း နာမည်ကြီး Proapp ပဲဖြစ်ပါတယ်။ App ထဲမှာ ပါဝင်တဲ့ စနစ်တွေ လုပ်ဆောင်ချက်တွေဟာ ဓာတ်ပုံရိုက်ဖို့ စိတ်ကူးထဲမှာ ပုံဖော်ထား တဲ့အတိုင်း ဖန်တီးနိုင်ဖို့ Function အများအပြား ထည့်ပေးထားတာကို တွေ့ရပါတယ်။ ဓာတ်ပုံ Theory တွေအတိုင်း ဖန်တီးရိုက်ကူးနိုင်အောင် အကူအညီကောင်းကောင်း ပေးနိုင်ပါတယ်။

Screen ပေါ်မှာတင် တစ်ချိန်တည်း ချိန်ညှိမှုတွေ ပြုလုပ်နိုင်အောင် live histogram ကို အထောက်အပံ့ပေးထားပြီး ဓာတ်ပုံရိုက်ကူးမယ့် အချိန်မှာဖြစ်နေတဲ့ မှောင်နေခြင်း၊ လှုပ်ရှားနေတဲ့ ပုံရိပ်စတာတွေကို ရိုက်ကူးနိုင်ဖို့ Function တစ်ခုလည်း ထည့်ပေးထားပါတယ်။ ရိုက်ကူး ထားတဲ့ ဓာတ်ပုံတွေကို EXIF Data အနေနဲ့ သိမ်းဆည်းနိုင်ပြီး မိုဘိုင်းဖုန်းတွေထဲမှာ ထည့်သွင်းထားသင့်တဲ့ App တစ်ခုပဲဖြစ်ပါတယ်။ ဘာလို့လဲဆိုတော့ IOS, Andriod, Windows OS ကဲ့သို့သော Platform အစုံမှာ ထည့်လို့ရတဲ့ တစ်ခုတည်းသော App ဖြစ်လို့ပါပဲ။

Camera+

Camera+ ထွက်တာ နှစ်အတော်အတန်ကြာခဲ့ပြီဆိုပေမယ့် iOS

ကင်မရာ App တွေထဲမှာတော့ အကောင်းဆုံး ဖြစ်နေသေးတာ အခု အချိန်အထိပါပဲ။ Professional ဓာတ်ပုံတွေကို ရိုက်ကူးနိုင်လောက်တဲ့ အဆင့်ထိဖြစ်အောင် စနစ်တွေ ထည့်ပေးထားတဲ့ App တစ်ခုလည်း ဖြစ်ပါတယ်။ ပုံစံဒီဇိုင်းကလည်း Apple ကထုတ်တဲ့ ထုတ်ကုန်တွေ လို ရိုးရှင်းပြီး သုံးရလွယ်တဲ့ interface မျိုးဖြစ်အောင် ဖန်တီးပေးထား ပါတယ်။

App မှာပါဝင်တဲ့ များပြားလှတဲ့ Function တွေထဲက အသုံး များမယ့် Fucntion တွေကတော့ Filter တွေ ထည့်ရိုက်တာ HDR စနစ် ထပ်ပေါင်းထည့်ခြင်း၊ Focus ချိန်ညှိခြင်း၊ exposure control နဲ့ ရိုက်နေတဲ့အချိန်မှာ ချိန်ညှိနိုင်တဲ့စနစ်၊ အလင်းရောင် ပိုပေးနိုင်ခြင်း နဲ့ ရိုက်ပြီးတဲ့ အချိန်မှာ ချက်ချင်းပဲပြန်ကြည့်နိုင်မယ့် Viewer စနစ်တွေ ပါဝင်တာကို တွေ့ရပါတယ်။ အခုလို manual စနစ်တွေသုံးပြီး ရိုက် ကူးလိုက်တဲ့ အချိန်မှာထွက်လာတဲ့ ဓာတ်ပုံတွေဟာ ရိုးရိုးတန်းတန်း ရိုက်လိုက်တဲ့ ပုံထွက်အများကြီး ကွာခြားသွားအောင် Camera+ က ဖန်တီးပေးနိုင်ပါတယ်။

Editing အတွက်

Snapseed

ဖုန်းထဲက ဓာတ်ပုံတွေကို Edit လုပ်ဖို့ အကောင်းဆုံး App တွေထဲမှာ ပါဝင်တဲ့ App တစ်ခုပဲဖြစ်ပါတယ်။ သုံးစွဲရတာလည်း လွယ်ကူပြီးတော့ မိမိရိုက်ကူးထားတဲ့ ဓာတ်ပုံတွေကို အကောင်းဆုံးသော ဓာတ်ပုံတွေ ကိုဖြစ်အောင် ပြုပြင်နိုင်တဲ့ Editing tool တော်တော်များများ ပါဝင်တာကို တွေ့ရပါတယ်။ ပုံတွေကို အလင်းအမှောင်တွေချိန်တာ၊ အရောင်ချိန်တာ၊ ပြတ်သားအောင် ပြုပြင်တာတွေနဲ့ ဓာတ်ပုံတွေ Crap ဖြတ်တောက်တဲ့အခါမှာ အကောင်းဆုံးသုံးနိုင်တဲ့ App လည်း ဖြစ်ပါတယ်။ Filter ပေါင်း ၁၄ မျိုးကို ကြိုက်နှစ်သက်သလို ရွေးချယ် သုံးစွဲနိုင်ပါ တယ်။

Lightroom

Lightroom မှာ RAW ဓာတ်ပုံရိုက်ကူးနိုင်မယ့် အထောက်အပံ့ပါဝင်ပြီး Creative Cloud account နဲ့ sync လုပ်နိုင်ပါတယ်။ Creative Cloud ကို သုံးစွဲသူများဟာ ထုတ်ကုန်အားလုံးရှိ Lightroom app အားလုံးမှ import လုပ်နိုင်သလို edit လုပ်ထားသမျှကိုလည်း sync လုပ်နိုင်ပါတယ်။

TouchRetouch

မိုဘိုင်းဖုန်းနဲ့ ရိုက်လိုက်တဲ့ ဓာတ်ပုံတွေထဲမှာ မလိုအပ်တဲ့ အရာဝတ္ထုလေးတွေ ပါသွားတာကို ဖယ်ရှားဖို့ အကောင်းဆုံးနဲ့ အလွယ်ကူဆုံး သုံးနိုင်မယ့် app တစ်ခုပဲဖြစ်ပါတယ်။ မိမိဖျက်လိုတဲ့ အရာဝတ္ထု ပေးမှာ လက်ချောင်းတွေနဲ့ ဝိုင်းလိုက်ရင် အနီရောင် Selection
တစ်ခုပေါ်လာမှာ ဖြစ်ပါတယ်။ ဒီလိုပေါ်လာရင် Start ဆိုတဲ့ Tap ကို နှိပ်လိုက်တာနဲ့ ကိုယ်ဖယ်ရှားချင်တဲ့ အရာဝတ္ထုကို အလိုအလျောက်
ဖယ်ရှားပေးသွားမှာဖြစ်ပြီး ဘေးနားမှာရှိတဲ့ area က အရောင်တွေ၊ အရာဝတ္ထုတွေနဲ့ တစ်သားတည်းဖြစ်သွားအောင် ပြုလုပ်ပေးသွားမှာပါ။

SKRWT

ဒီ app က distrotion ဖြစ်နေတာတွေကို အကောင်းဆုံး ချိန်ညှိ ပေးနိုင်အောင် ကူညီပေးမယ့် app ဖြစ်သလို ဓာတ်ပုံပညာမှာ line
တွေရဲ့ ထူးခြားမှုတွေကို အကောင်းဆုံး ချိန်ညှိနိုင်မယ့် app တစ်ခုပဲဖြစ်ပါတယ်။ အဆောက်အဦ ဓာတ်ပုံတွေ တံတားတွေကို အကောင်း ဆုံး တည့်မတ်ပေးနိုင်မှာဖြစ်သလို အလိုအလျောက်လည်း Crop လုပ်ပေးမှာပဲ ဖြစ်ပါတယ်။ ဓာတ်ပုံပညာမှာ line တွေရဲ့ တည့်မတ်မှုက အထူးအရေးကြီးတာကြောင့် ဒီ app က ကောင်းကောင်း အထောက်အပံ့ ပေးနိုင်အောင်နဲ့ အလွယ်ကူဆုံး သုံးနိုင်အောင် ဖန်တီးနိုင်မှာပါ။

Superimpose

ဓာတ်ပုံပညာနဲ့ မသက်ဆိုင်ပေမယ့် ဓာတ်ပုံတွေကို Creation အကောင်းဆုံးလုပ်နိုင် App တစ်ခုပဲဖြစ်ပါတယ်။ ဓာတ်ပုံတွေမြောက်မြား စွာကို ပေါင်းစပ်ပြီး အကောင်းဆုံးသော ဖန်တီးထားတဲ့ ဓာတ်ပုံတစ်ပုံရရှိ လာအောင် ဖန်တီးနိုင်တာကို တွေ့ရပါတယ်။ ဖန်တီးမှုတစ်ခုကို ပြုလုပ်တဲ့အခါမှာ App မှာပါဝင်တဲ့ Layer တွေ Masking တွေနဲ့ အလွယ်တကူ ရင်းနှီးမှုမရှိနိုင်ပေမယ့် ဓာတ်ပုံတစ်ပုံကို ဖန်တီးနေရင် မိနစ်အနည်းငယ်ကြာတဲ့အချိန်မှာ တကယ့်ကို ကျွမ်းကျင်အဆင့် ရောက် သွားနိုင်ပါတယ်။

Video ရိုက်ကူးမှုများအတွက်

Filmic Pro

Filmic Pro ကို dual lens system ပါဝင်တဲ့ 7 Plus မှာ အသုံးပြုတဲ့အခါ wide, tele နဲ့ selfie lens တွေအကြား လျင်မြန်စွာ ပြောင်းလဲအသုံးပြုနိုင်ပါတယ်။ ဒါ့အပြင် ဗီဒီယိုရိုက်ကူးမှုများအတွက် အသေးစိတ်ကျတဲ့ control တွေကိုလည်း Filmic Pro မှာ ထောက်ပံ့ ပေးထားပါတယ်။

MAVIS

MAVIS မှာ Filmic Pro လိုမျိုး manual control တွေ ပါဝင်သလို Focus Peaking နဲ့ Viewfinder Visualizations တို့လည်း ပါဝင်ပါတယ်။ Focus Peaking နဲ့ Viewfinder Visualizations တို့ဟာ pro-camera configuration များဖြစ်ပါတယ်။

-စည်သူ