Bitcoin mining ထုတ်ကုန်တွေအတွက် ချစ်ပ်ကို Samsung ဖန်တီးခဲ့

Samsung ရဲ့သတ္တုပုံလောင်း စက်ရုံဟာ Bitcoin mining ထုတ်ကုန်ကို ဖန်တီးနေတယ်လို့ သိရပါတယ်။ Samsung ဟာ Bitcoin mining ထုတ်ကုန်တွေမှာ ပါဝင်တဲ့ ASIC (Application-Specific Integrated Circuit) ချစ်ပ်အတွက် ဒီဇိုင်းပိုင်းကို မနှစ်က အပြီးသတ်လုပ်ဆောင်ခဲ့ပြီး ဒီလအတွင်း အမြောက်အမြား ထုတ်လုပ်ခဲ့တယ်လို့ The Bell ကဖော်ပြခဲ့ပါတယ်။ အဲဒီ ASIC ချစ်ပ်တွေကို တရုတ်နိုင်ငံအတွင်းက အမည်မသိကုမ္ပဏီတစ်ခုဆီ ပေးပို့ခဲ့ပါတယ်။

ကုမ္ပဏီရဲ့ သတ္တုပုံလောင်းစက်ရုံမှာ ASIC ချစ်ပ်အရေအတွက် အနည်းငယ်ပဲ ထုတ်လုပ်ခဲ့တယ်လို့ Samsung Securities ကလေ့လာဆန်းစစ်သူတစ်ဦးက ပြောခဲ့ပါတယ်။ ဒါကြောင့် အခြားချစ်ပ်တွေရဲ့ ထုတ်လုပ်မှုကို မထိခိုက်ဘူးလို့ သိရပါတယ်။

Bitcoin mining ထုတ်ကုန်တွေအတွက် ချစ်ပ်ထုတ်လုပ်မှုကနေ Samsung ဟာ အမြတ်အစွန်းများစွာ ရရှိနိုင်ပါတယ်။ Bitmain ဟာ Bitcoin mining hardware တွေထုတ်လုပ်နေကျ အကြီးမားဆုံး ကုမ္ပဏီတွေထဲက တစ်ခုဖြစ်ပါတယ်။ Bitmain ဟာ TSMC ကနေ ရရှိတဲ့ AntMiner ချစ်ပ်တွေကို အသုံးပြုပြီး Bitcoin miner ထုတ်ကုန်တွေကို ဖန်တီးနေပါတယ်။

ဒါ့အပြင် Samsung ဟာ GDDR6 ချစ်ပ်တွေကို စတင်ထုတ်လုပ်နေပါတယ်။ GDDR6 ချစ်ပ်တွေဟာ GPU အခြေခံ cryptocurrency တွေကို mining လုပ်ရာမှာ အသုံးဝင်ပါတယ်။

စိုးထက်
Ref: GSMArena