Android ဖန်တီးရှင် အန်ဒီရူဘင်က Essential ဖုန်းသစ်ကို အမြည်းမိတ်ဆက်

Android ကိုပူးတွဲဖန်တီးတဲ့ အန်ဒီရူဘင်က Essential ရဲ့မျိုးဆက်သစ် စမတ်ဖုန်းကို မိတ်ဆက်ခဲ့ပါတယ်။

Essential ဖုန်းသစ်တွေက ရှည်မျောမျော ပုံစံဖြစ်ပြီး အနံလည်းကျဉ်းပါတယ်။ Android အခြေခံ UI အသစ်ကို အသုံးပြုထားဖွယ်ရှိပါတယ်။ အန်ဒီရူဘင်ကတော့ software နဲ့ပတ်သက်ပြီး မထုတ်ပြန်ခဲ့ပါဘူး။

ပုံထဲမှာဖော်ပြထားတဲ့ map app က Google Maps နဲ့မတူဘဲ ကတ်တွေကို scroll လုပ်ရတဲ့ interface ကို အခြေခံထားပါတယ်။

မျိုးဆက်သစ် Essential ဖုန်းသစ်မှာပါဝင်တဲ့ ကျောဘက်ကင်မရာက ကြီးမားပြီး sensor တစ်ခုပဲ ပါဝင်လာပါတယ်။ ကင်မရာအောက်ဘက်မှာ fingerprint sensor ထည့်သွင်းထားပါတယ်။ ဖုန်း display အတွင်းမှာလည်း selfie ကင်မရာကို ထည့်သွင်းထားပါတယ်။ Essential ဖုန်းသစ်နဲ့ပတ်သက်တဲ့ အချက်အလက် အသေးစိတ်ကို မကြာခင်မှာ ထုတ်ဖော်မိတ်ဆက်ဖွယ်ရှိပါတယ်။

စိုးထက်
Ref: GSMArena