AirPods Pro 2 ဓာတ်ပုံ ထွက်လာ

Apple ဟာ AirPods မော်ဒယ်သစ်ကို နှစ်ကုန်မှာ မိတ်ဆက်ဖို့ ရှိနိုင်ပါတယ်။ AirPods ဟာ၂၀၁၉ ခုနှစ်ကတည်းက မော်ဒယ်အသစ် မထွက်တာ ဖြစ်ပါတယ်။

အခုဆိုရင် ပေါက်ကြားထွက်လာတဲ့ သတင်းနဲ့ ပုံအရ AirPods Pro ကတော့ ထွက်ရှိဖို့ နီးလာပါပြီ။

Apple ထုတ်ကုန်သစ် သတင်းတွေ ဖော်ထုတ်သူတစ်ဦးကတော့ AirPods Pro မော်ဒယ် ၂ မျိုးထဲက တစ်မျိုးရဲ့ အတွင်းပိုင်းကို ဖော်ပြထားတဲ့ပုံကို Twitter မှာတင်ထားပါတယ်။

Twitter သုံးစွဲသူ Mr. White ဖော်ပြချက်အရ AirPods Pro ကတော့ မတူညီတဲ့ အရွယ် ၂ မျိုးနဲ့ ထွက်လာပါမယ်။ မော်ဒယ် ၂ မျိုးစလုံးမှာတော့ W2 ချစ်ပ်ပါဝင်လာပါတယ်။

Patently Apple ကတော့ AirPods မူပိုင်ခွင့် ပုံတစ်ခုကို ဝေမျှခဲ့ပါတယ်။ အဲဒီ AirPods မှာ body input ပါဝင်တယ်လို့ Apple ကဖော်ပြထားပါတယ်။ ဆိုလိုတာကတော့ မျက်နှာကို ထိတွေ့တာနဲ့ သွားကြိတ်တာ စတဲ့ အပြုအမူနဲ့ ‌AirPods အသစ် လုပ်ဆောင်ချက်တွေကို စေခိုင်းနိုင်ပါတယ်။

-စိုးထက်
Ref: Creativebloq

»»» အင်တာနက်ဂျာနယ်ကတင်ဆက်နေတာတွေကို Internet Journal Messenger Bot ဖြစ် ဒီနေရာ ကနေလည်းရယူဖတ်ရှုနိုင်ပါတယ် «««