မြန်မာ့စာတိုက်လုပ်ငန်း ဝန်ဆောင်မှုသစ် စတင်ပြုလုပ်

10891482_10203818345238929_4685071577345164163_n.jpg

မြန်မာ့စာတိုက်လုပ်ငန်းက ဝန်ဆောင်မှုသစ် တစ်ရပ်ကို စတင်ပြုလုပ်လိုက်ကြောင်း သတင်းရရှိသည်။

အိမ်တိုင်ရာရောက် ဝန်ဆောင်မှုကို ဆောင်ရွက်လိုက်ခြင်းဖြစ်ကြောင်း၊ ရန်ကုန်မြို့နှင့်တောင်ကြီးမြို့တို့မှ မှာယူနိုင်မည် ဖြစ်ကြောင်း သိရသည်။ အဆိုပါ ဝန်ဆောင်မှုကို ၂၀၁၅ ခုနှစ် ဇန်နဝါရီလ ၁ ရက်မှ စတင် ဆောင်ရွက်လိုက်ခြင်းဖြစ်ကြောင်း ရန်ကုန်စာတိုက်ကြီးမှ သိရသည်။

အဆိုပါ Hometown Product Delivery ဝန်ဆောင်မှုမှာ ရှမ်းပြည်နယ် တောင်ကြီးမြို့မှ ပဲပုပ်၊ မုန်ညင်းချဉ်၊ ကြက်သွန်ချဉ်၊ ဆီတို့ဟူး၊ ခေါပုပ် စသည့် အစားအစားများကို လည်းကောင်း၊ ရန်ကုန်မြို့မှ မုန့်ဟင်းခါးခြောက်၊ ပုဇွန်ခြောက်၊ ငါးခြောက်များ၊ ဂျေဒိုးနပ် စသည့် အစားအစာများကို လည်းကောင်း မှာယူနိုင်မည်ဖြစ်သည်။

ရန်ကုန်စာတိုက်ကြီး ဖုန်း-၀၁ ၃၈၀၂၅၇ ၊ တောင်ကြီးစာတိုက်ကြီး ဖုန်း- ၀၈၁- ၂၁၂၁ ၅၀၆ သို့ ဆက်သွယ် မှာယူရမည်ဖြစ်ကြောင်း၊ ယနေ့ပို့ မနက်ဖြန်အရောက် စနစ်ဖြင့် ဆောင်ရွက်ပေး မည် ဖြစ်ကြောင်း ရန်ကုန်စာတိုက် ကြီးမှ မေးမြန်းသိရှိရသည်။ မြန်မာ့စာတိုက်လုပ်ငန်း၏ တန်ဖိုးမြှင့် (Value Added Service) ဝန်ဆောင်မှုတစ်ရပ် အနေဖြင့် ဆောင်ရွက်ခြင်းဖြစ်သည် ဟုဆိုသည်။