၂၀၁၅ခုနှစ်လွတ်လပ် ခြင်းနှင့် ခေါင်းဆောင်မှု ဆိုင်ရာ ဖိုရမ်သို့ တက်ရောက်ခွင့် လျှောက်ထားနို

ဂျော့ဒဗလျူဘုရှ် တက္ကသိုလ်မှ ပြုလုပ်သော လွတ်လပ်ခြင်းနှင့် ခေါင်းဆောင်မှုဆိုင်ရာ ဖိုရမ်သို့ တက်ရောက်ခွင့်ကို မြန်မာနိုင်ငံတွင် အခြေချ နေထိုင်လျက်ရှိသူများနှင့် ထိုင်းမြန်မာနယ်စပ်တွင် အခြေချ နေထိုင်သည့် မြန်မာနိုင်ငံသားများ လျှောက်ထားနိုင်ကြောင်း bushcenter.org တွင် ဖော်ပြထားချက် အရ သိရသည်။

ဘုရ်ှတက္ကသိုလ်၏ လွတ်လပ်ခြင်းနှင့် ခေါင်းဆောင်မှုဆိုင်ရာ ဖိုရမ်၏ ရည်ရွယ်ချက်မှာ ဒီမိုကရေစီသို့ ကူးပြောင်းနေသည့် နိုင်ငံများတွင် အရည်အချင်းနှင့် အသိပညာပြည့်ဝသော ခေါင်းဆောင် ငယ်များ ပေါ်ထွက်လာစေရန် ဖြစ်ကြောင်း ဝက်ဘ်ဆိုက်တွင် ဖော်ပြထားသည်။ အဆိုပါပရိုဂရမ်တွင် လျှောက်ထားသူများကို လွတ်လပ်သော စီးပွားရေးဈေးကွက်နှင့် လစ်ဘရယ်ဒီမိုကရေစီ အခြေခံ သဘောတရား၊ အခြား ဒီမိုကရေစီကူးပြောင်းမှုများမှ ပို့ချချက်များ အပြင် ခေါင်းဆောင်မှုနှင့် စီမံခန့်ခွဲမှုစသည့် ပညာရပ်နယ်ပယ်များကို အဓိက ပို့ချသင်ကြားပေးသွားမည် ဖြစ်ကြောင်း သိရသည်။

အဆိုပါ ဘာသာရပ်များကို ၁၂ လ ကျော်ခန့် သင်ကြားပေးမည် ဖြစ်ပြီး ပရိုဂရမ်အတွင်း ရွေးချယ်ခံရသောသူများသည် အမေရိကန်နိုင်ငံတွင် ရက်သတ္တပတ်သုံးပတ်ခန့် သင်တန်းများ တက်ရောက် ရမည် ဖြစ်သည်။ ၎င်းသင်တန်းများသို့ လူသိများသော ဧည့်သည်တော်များ လာရောက်ကာ အရည်အချင်းပြည့်ဝသည့် ခေါင်းဆောင်ငယ်များကို ကိုယ်ပိုင်အတွေ့အကြုံများ သင်ကြားပြသပေး သွားမည် ဖြစ်သည်။ အမေရိကန်နိုင်ငံသို့ သွားရောက်ရာတွင် ကျသင့်သည့် လေယာဉ်ခ၊ တည်းခိုရာနေရာနှင့် အစား အသောက်များကို ဂျော့ဒဗလျူဘုရှ် တက္ကသိုလ်မှ ကျခံပေးသွားမည်ဖြစ်သည်။

၎င်းပရိုဂရမ်ကို အသက် ၂၅ နှစ်နှင့် ၄၅နှစ်ကြားရှိသူများ လျှောက်ထားနိုင်ကာ အင်္ဂလိပ်ဘာသာစကားကို ကျွမ်းကျင်လည်ပတ်စွာ ပြောဆိုနိုင်ရမည် ဖြစ်သည်။ ထို့ပြင် လူမှုအဖွဲ့အစည်း ကဏ္ဍများဖြစ်သော ပြည်သူ့ အကျိုးပြုလုပ်ငန်း၊ အများပြည်သူဆိုင်ရာ ဝန်ဆောင်မှု၊ မီဒီယာ၊ ဥပဒေနှင့် ပညာရေးကဏ္ဍအတွင်း ဝင်ရောက်လုပ်ကိုင် လျက်ရှိသူများ လျှောက်ထားနိုင်ပြီး အသေးစိတ်သိရှိလိုပါက humanfreedom@bushcenter.org သို့အီးမေးလ်ပို့၍ ဆက်သွယ်မေးမြန်းနိုင်မည် ဖြစ်သည်။

လျှောက်ထားလိုသူများ အနေဖြင့် http://www.bushcenter.org/liberty-and-leadership-forum/application-and-program-details တွင် လျှောက်ထားနိုင်သည်။