ရန်ကုန်ကွန်ပျူတာ တက္ကသိုလ်၏ ဒုတိယ အကြိမ်မြောက် အိုင်တီ နည်းပညာဆိုင်ရာ ဆွေးနွေး ဖလှယ်ပွဲ (UCSY IT C

Untitled-.jpg

ရန်ကုန် ကွန်ပျူတာတက္ကသိုလ်၏ ဒုတိယအကြိမ်မြောက် UCSY IT Camp ကို ၂၀၁၅ ခုနှစ် ဇန်န၀ါရီလ ၂၁ ရက်တွင် ကျင်းပပြု လုပ်မည်ဖြစ်ကြောင်း သိရသည်။

UCSY IT Camp မှာ အိုင်တီနည်းပညာ တိုးတက်ဖွံ့ဖြိုးရေးကို ရှေးရှုသဖြင့် ပညာရှင်များမှ အိုင်တီနည်းပညာနှင့် သက်ဆိုင်သော ခေါင်းစဉ်များကိုသာ ဆွေးနွေးကြမည်ဟု သိရသည်။ ထို့ကြောင့် UCSY IT Camp သို့ အိုင်တီနည်းပညာရှင်များ၊ နည်းပညာကျောင်းသား/သူများ၊ နည်းပညာကို စိတ်ဝင်စားသူများ အားလုံး တက်ရောက်နိုင်မည် ဖြစ်ပြီး တက်ရောက်လိုသူများ အနေဖြင့် ucsy it camp ဝက်ဘ်ဆိုက် ဖြစ်သည့် http://www.ucsyitcamp2015.org တွင် အွန်လိုင်း registration ဖြင့် ကြိုတင် စာရင်းပေးသွင်းခြင်းဖြင့် လည်းကောင်း၊ ပွဲနေ့တွင် offline registration ဖြင့် လည်းကောင်း တက်ရောက်နိုင်မည်ဟု သိရသည်။ Registration ပြုလုပ်သူများအနေဖြင့် UCSY IT Camp မှပေးသာ မေတ္တာလက် ဆောင်များနှင့် lucky draw များကို ရရှိနိုင်မည် ဖြစ်သည်။ Registration  နှင့် ပက်သက်သောသတင်းများအပြင် UCSY IT Camp နှင့် ပက်သက်သည့် သတင်းများကို  UCSY IT Camp Facebook Page ဖြစ်သည့် https://www.facebook.com/ucsy.it.camp တွင် ဝင်ရောက်ကြည့်ရှုနိုင်မည် ဖြစ်သည်။

UCSY IT Camp တွင် Speaker ၅၀  မှ အိုင်တီနည်းပညာနှင့် ဆိုင်သော ခေါင်းစဉ်များဖြင့် ဦးဆောင် ဆွေးနွေးကြမည် ဖြစ်ပြီး Speaker များမှာ ကွန်ပျူတာ တက္ကသိုလ်မှာ ကျောင်းသား၊ ကျောင်း သူ၊ဆရာ/ဆရာမများနှင့် ပြည်တွင်း၊ ပြည်ပမှ IT ပညာရှင်များ ဖြစ်သည်။  ပထမအကြိမ် ကျင်းပ ပြုလုပ်ခဲ့သည့် UCSY IT Camp တွင် Speaker List အား Notice Board တွင်  ကပ်ခဲ့သည့် အတွက် ပွဲတက်ရောက်သူများအနေဖြင့် Notice Board သို့ သွားရောက် ကြည့်ခဲ့ရကြောင်း၊ ယခုနှစ်တွင် Speaker List အား Notice Board တွင် သာမက Apk အနေဖြင့် ထုတ်ပေး မည်ဖြစ်ကြောင်း သိရသည်။ ထို့ကြောင့် ပွဲတက်ရောက်သူများ အနေဖြင့် Speaker Title, Name, Organization, Time, Room, Title Description အစရှိသည်တို့ ကို Apk မှ တစ်ဆင့် ကြည့်ရှုနိုင်မည် ဖြစ်သည်။

တက္ကသိုလ်ကျောင်းသား/သူများ၏ အိုင်တီနည်းပညာဆိုင်ရာ ဗဟုသုတများ တိုးတက်ဖွံ့ဖြိုးလ စေရန် ရည်ရွယ်၍ ပထမဆုံး အကြိမ် UCSY IT Camp အား ၂၀၁၄ ခုနှစ်  ဇန်န၀ါရီလ ၂၄ ရက် က အောင်မြင်စွာ ကျင်းပခဲ့ပြီး ပြည်တွင်း၊ ပြည်ပမှ ပညာရှင်များပါဝင် ဆွေးနွေးခဲ့ကြကြောင်း သိရသည်။