စာနယ်ဇင်းသမားများ အတွက် Erasmus Mundus Scholarships

Mundus.jpg

မြန်မာနိုင်ငံသားများ အနေဖြင့် Category A ပညာသင်ဆုကို လျှောက်ထားနိုင်သည်။ Journalism, Media and Globalisation စသည့် ဘာသာရပ်များ သင်ကြားနိုင်ကာ ဥရောပကော်မ ရှင်မှ ထောက်ပံ့ပေး အပ်မည် ဖြစ်သည်။ ပညာသင်ဆု ရရှိပါက ပထမနှစ်ကို ဒိန်းမတ်နိုင်ငံ Aarhus University နှင့် Danish School of Media and Journalism ကျောင်းတွင်လည်းကောင်း၊ ဒုတိယနှစ်ကို အခြားဥရောပ ပါတနာလေး ခု ဖြစ်သည့် University of Amsterdam, The Netherlands, City University, London, UK, University of Hamburg, Germany and Swansea University, UK အနက်မှ တစ်ခုတွင်လည်းကောင်း ပညာ သင်ကြားရမည် ဖြစ်သည်။ ပထမနှစ် ဒုတိယ ပညာသင်ကာလတွင်လည်း ဥရောပပြင်ပပါတနာ တက္ကသိုလ်တစ်ခုခု၏ ပရိုဂရမ်တွင် ပါဝင်ခွင့်လည်း ရရှိမည်ဖြစ်သည်။

Mundus Journalism Master သည် နှစ်နှစ်တာ ပရိုဂရမ်ဖြစ်ပြီး နိုင်ငံအများအပြားမှ အသိအမှတ် ပြုထားသော ဒီဂရီပရိုဂရမ် ဖြစ်သည်။ ကမ္ဘာလုံးဆိုင်ရာ စိန်ခေါ်မှုများအား စိစစ်ခွဲခြားမှုနှင့် သတင်းပေးပို့ခြင်းအတွက် ခိုင်မာသော ဖောင်ဒေးရှင်းပရိုဂရမ် ဖြစ်သည်။ သတင်းသမားများ၏ ကျွမ်းကျင်မှုစွမ်းရည်များကို တည်ဆောက်၍ သတင်းစာပညာ၊ မီဒီယာပညာနှင့် လူမှုသိပ္ပံပညာများကို သင်ကြားရမည် ဖြစ်သည်။ တက္ကသိုလ်များနှင့် မီဒီယာအဖွဲ့အစည်းများက ပရိုဂရမ်တွင် အတူတကွ ပါဝင်မည် ဖြစ်သည်။ အွန်လိုင်းမှတစ်ဆင့် လျှောက်ထားရ မည်ဖြစ်၍ နောက်ဆုံးထား ပေးပို့ရမည့် ရက်စွဲမှာ ၂၀၁၅ ခုနှစ် ဇန်နဝါရီ ၁၀ ရက် ဖြစ်သည်။

ပညာသင်ဆု အမျိုးအစားများ

Erasmus Mundus Scholaships၂၀၁၂ ခုနှစ်မှ ၂၀၁၆ ခုနှစ် အတွင်း ပရိုဂရမ်သို့ ဝင်ရောက်သော ကျောင်းသား၊ ကျောင်းသူများအား ပညာသင်ဆုပေးအပ်ခြင်း ဖြစ်သည်။ Category A နှင့် B ခွဲထားသည်။ မြန်မာနိုင်ငံသားများသည် Category A နှင့် အကျုံးဝင်သည်။ ၂၀၁၅-၁၇ ပရိုဂရမ် အတွက် ပညာသင်ဆု ရရှိပါက ယူရိုငွေ ၄၈,၀၀၀ ရရှိမည် ဖြစ်သည်။ Erasmus+ Stipends Mundus Journalism Students ပညာသင်ကာလအတွင်း ပညာသင်ဆု၊ ထောက်ပံ့ရန်ပုံငွေ မရခဲ့သော ကျောင်းသားများ အားလုံး မာစတာအတန်း ဒုတိယ နှစ်တွင် လျှောက်ထားနိုင် သည်။ ထောက်ပံ့ကြေး တစ်လ ယူရိုငွေ ၂၃၀ ဖြင့် ၁၀ လစာ ဖြစ်သည်။

လျှောက်ထားနိုင်သူများ

Mundus Journalism အတန်းမစမီ တက္ကသိုလ်ဒီဂရီ တစ်ခုခု ရရှိထားသူ ဖြစ်ရမည်။ Erasmus Mundus မာစတာပရိုဂရမ် တစ်ခုခုတွင် ပညာသင်ဆုရရှိထားသူများ ထပ်မံလျှောက်ထားခွင့် မရှိပါ။ Erasmus Mundus မာစတာ ပညာသင်ကြားနေစဉ်အတွင်း အခြားအဖွဲ့အစည်းများမှ ထောက်ပံ့ကြေးများ ထပ်မံရယူခွင့်မရှိပါ။

ရွေးချယ်မည့် စံနှုန်းများ

ပညာရေးနောက်ခံ လျှောက်ထားသူ၏ ပညာရေးစွမ်းရည်များ၊ ပြီးခဲ့သည့် ပညာရေး နောက်ခံများ၊ ထောက်ခံစာများအပေါ် မူတည်သည်။ သတင်း အတွေ့အကြုံ-လျှောက်ထားသူ၏ ကိုယ်ရေး အကျဉ်း၊ ထောက်ခံစာ များပေါ်တွင် မူတည်သည်။

တက်ကြွမှု -လျှောက်ထားသူ၏ ကိုယ်ရည်ကိုယ်သွေး၊ စိတ်ပါဝင်စားမှုနှင့် စိတ်အားထက်သန်မှုကို ကောင်းစွာ ဖော်ပြနိုင်ပြီး သက်ဆိုင်သော စွမ်းရည်များ ရှိရမည်။ ဘဝအတွေ့ အကြုံ- လျှောက် ထားသူ၏ ကိုယ်ရေးအကျဉ်း၊ ထောက်ခံစာများပေါ် မူတည်သည်။ အဖွဲ့အစည်းဆိုင်ရာ စွမ်းရည်များ၊ ဘာသာစကား စွမ်းရည်များ၊ နိုင်ငံတကာ အတွေ့အကြုံများ၊ ယဉ်ကျေးမှု ရိုးရာ နားလည် သဘောပေါက်မှုများကို လေ့လာ အကဲဖြတ်သွားမည် ဖြစ်သည်။ အင်္ဂလိပ်ဘာသာစကား စွမ်းရည်- လျှောက်ထားသူများသည် IELTS 7.0 အနည်းဆုံး ရရှိထားရမည်။ IELTS ရမှတ်ကိုသာ လက်ခံမည် ဖြစ်သည်။

ပညာသင်ဆုအတွက် အသေးစိတ်စုံစမ်းနိုင်မည့် လိပ်စာ

Mundusjournalism.com/admissions