HND ပြီးရင် ဘာလုပ်မလဲ . . . .

HND-students.jpg

ယနေ့ခေတ်ကာလတွင် ပညာရေးအခွင့်အလမ်းများ တိုးတက် ထွန်းကားလာသည်နှင့်အမျှ မြန်မာနိုင်ငံတွင် နိုင်ငံခြားမှ ပေးအပ်သောဘွဲ့၊ ဒီဂရီများ၊ သင်တန်းကျောင်းများလည်း ဖွင့်လှစ် လာသောကြောင့် မြန်မာကျောင်းသား၊ ကျောင်းသူများအတွက် ရွေးချယ်မှုများ ပိုမိုစုံလင်လာပြီဖြစ်သည်။ ယင်းကဲ့သို့ ပြည်ပမှပေးအပ်သော ပညာရေးဆိုင်ရာ ဘွဲ့လက်မှတ်များထဲမှ HND ဟုခေါ်သော (Higher National Diploma) သည် ကျောင်းသား၊ ကျောင်းသူများအကြား ရေပန်းစားလျက်ရှိနေသည်။

HND Qualification သည် ယူကေ၏ ပညာရေးအဆင့် တိုင်းတာမှု Qualifcation and Credit Framework (QCF) အရ Level 5 တွင်ရှိသော Vocational Education အမျိုးအစားဖြစ်သည်။ Vocational Education ဆိုသည်မှာ လက်တွေ့ဆန်သော သင်ကြားမှုများနှင့် လုပ်ငန်းခွင်ဝင်ရန် ဦးစားပေး သင်ကြားပေးသော အသက်မွေးဝမ်းကျောင်း ပညာရေးကို ဆိုလိုသည်။ မြန်မာကျောင်းသား၊ ကျောင်းသူများအတွက် မေးစရာ ရှိလာသည်မှာ “HND ပြီးရင် ဘာလုပ်မလဲ” ဆိုသည်ပင်။ ဘွဲ့ရရှိရန် နောက်ဆုံး ပညာသင်နှစ်ကို နိုင်ငံတကာ အတွေ့အကြုံတွေ ရအောင်နိုင်ငံခြား တက္ကသိုလ်တွင် သွားတက်ရောက်မည်လား သို့မဟုတ် ပြည်တွင်း၌ပင် တက်ရောက်မည်လား ရွေးချယ်ကြရသည်။ HND တက်ရောက်သော ကျောင်းသား၊ ကျောင်းသူ အများစုမှာ နောက်ဆုံးနှစ် ကို နိုင်ငံခြားသို့ ကူးပြောင်းရန် ရည်ရွယ်ကြသည်။ ထို့ကြောင့် နိုင်ငံခြားသို့ သွားရောက်ပညာသင်ကြားသော လူငယ်များရှိသကဲ့သို့ မိမိ၏ Budget ၊ လူမှုရေးအကြောင်းအရာများပေါ် မူတည်ပြီး မြန်မာနိုင်ငံ၌ပင် နောက်ဆုံးနှစ် တက်လိုက်ရသောသူများလည်း ရှိသည်။

နိုင်ငံခြားတွင် ပညာသင်ကြားသည်ဆိုသည်မှာ ဘွဲ့ရရုံတစ်ခုတည်း မဟုတ်ပေ။ အဆင့်မြင့် သင်ကြားမှု၊  သင်ယူမှုပုံစံများနှင့် တကွ ပိုက်ဆံနှင့် ပေးဝယ်၍မရသည့် အတွေ့အကြုံ၊ ဗဟုသုတ၊ လူမှုပေါင်းသင်း ဆက်ဆံရေး၊ ပြီးလျှင် အရေးကြီးဆုံးဖြစ်သည့် မိမိတို့၏ ဘ၀အတွက် ကိုယ့်ခြေထောက်ပေါ်ကိုယ် ရပ်တည်နိုင်မှု အတွက်လည်း ပါဝင်သည်။ မည်သို့ပင် ဆိုစေကာမူ နိုင်ငံခြား တွင် ကျောင်းသွားတက်သည့် ရည်ရွယ်ချက်များမှာ ကွဲပြားသလို အကျိုးကျေးဇူးလည်းများနိုင်သည်။

ပထမဦးဆုံးအနေဖြင့် အင်္ဂလိပ်စကားပြော နိုင်ငံများဖြစ်သည့် အလျောက် ဘာသာစကားပြောဆိုမှုပိုင်း ဆိုင်ရာများမှာ စာသင်ခန်းအတွင်း၌သာ မဟုတ်ဘဲ နေ့စဉ် လူနေမှုဘဝနှင့် တိုက်ရိုက် ချိတ်ဆက် နေသောကြောင့် လေ့လာ သင်ယူမှုကို ပိုပြီး မြန်ဆန်စေနိုင်ခြင်းဖြစ်သည်။ နိုင်ငံတကာမှ ကျောင်းသား၊ ကျောင်းသူများ စုဝေးတက်ရောက်ရာ နေရာဖြစ်သောကြောင့် နိုင်ငံတကာမှ ကွဲပြားခြားနားသော ယဉ်ကျေးမှုများ၊ ရိုးရာဓလေ့ထုံးတမ်း အစဉ်အလာများ၊ အစားအစာနှင့်တကွ လူနေမှုအကျင့်စရိုက်များကိုပါ တစ်နေရာတည်းတွင် သိရှိစေနိုင်သည်။  ထို့အပြင် နိုင်ငံအစုံမှ ကျောင်းသား၊ ကျောင်းသူများနှင့် သိရှိခွင့်ရသည့်

အတွက် မိမိ၏ လူမှုကွန်ရက်ကို ပိုမိုဖြန့်ကြက်နိုင်ကာ Networking ကောင်းပြီး အလုပ်အကိုင် အခွင့်အလမ်းများလည်း ပိုမိုတွင်ကျယ်စေမည် ဖြစ်သည်။ Term တစ်ခုပြီးဆုံး၍ ကျောင်းခဏပိတ်ချိန် (Semester Break) များတွင်လည်း မိမိတက်ရောက်နေသော မြို့၏ပတ်ဝန်းကျင်ကို သွားရောက်ကာ ဒေသန္တရ ဗဟုသုတ ရရှိစေရန် လေ့လာခရီးများထွက်ခြင်း၊ တချို့သော တက္ကသိုလ်များတွင် Field Trip ထွက်ခြင်းများကိုလည်း သင်ရိုးညွှန်းတမ်းများအတွင်း ထည့်သွင်းရေးဆွဲလာကြတာကို တွေ့ရမည်ဖြစ်သည်။

HND Qualification သည် ယူကေမှ အသိအမှတ်ပြုထားသော လက်မှတ်ဖြစ်သောကြောင့် ယူကေရှိ တက္ကသိုလ် အများစု၏  နောက်ဆုံးနှစ် (Top up) ကို တက်ရောက်ခွင့်ရှိသော်လည်း အချို့သော တက္ကသိုလ်များတွင်မူ ဒုတိယနှစ်မှ စတင်ဝင်ရောက်ရကာ ဘွဲ့ရရန် ၂ နှစ် တက်ရောက်ရသည်။ HND ပြီးဆုံးသွားပါက ယူကေအပြင် အခြားသော နိုင်ငံများဖြစ်သည့် စင်ကာပူ၊ မလေးရှား၊ သြစတြေးလျ၊ နယူးဇီလန်၊ ကနေဒါ၊ အမေရိကန် စသည့်နိုင်ငံများရှိ ကျောင်းများတွင်လည်း Credit Transfer လျှောက်ထားနိုင်သည်။

မိမိတက်ရောက်သော ဘာသာရပ်၊ ရမှတ်နှင့် တက်ရောက်သော နိုင်ငံပေါ်မူတည်ပြီး ဘွဲ့ရရှိရန် ဆက်လက် တက်ရောက်ရသော အချိန်ကာလ ကွာခြားတတ်သည်။ ယူကေတွင် ဆက်လက်ပညာ သင်ကြားမည်ဆိုပါက HND ပြီးထားသူတိုင်း ဘွဲ့ရရှိရန် နည်းလမ်းနှစ်သွယ်ရှိသည်။ ပထမပညာရေးလမ်းကြောင်းသည် HND ၂ နှစ်နှင့် တက္ကသိုလ်တွင် နောက်ဆုံးနှစ်တို့ ပြီးမြောက်ရန် လိုသည့်အတွက် (2+1 route) ဟု ခေါ်တွင်ပြီး ဒုတိယတစ်ခုမှာ HND ၂ နှစ်နှင့် တက္ကသိုလ်တွင် ၂  နှစ် တက်ရောက်ရန် လိုသည့်အတွက် (2+2 route) ဟုခေါ်တွင်သည်။

BTEC HND အား Business, Computing နှင့် Engineering ဘာသာရပ် ပြီးမြောက်ထားသူများသည် ယူကေရှိ တက္ကသိုလ် ၁၃ ခုတို့၏ နောက်ဆုံးနှစ် (Year 3) သို့ တိုက်ရိုက်လျှောက်ထားနိုင် သည်။ BTEC HND ပြီးမြောက်ထားသူများသည် ယူကေတက္ကသိုလ် ၂၈ ခု၏ ဒုတိယနှစ် (Year 2) သို့မဟုတ် နောက်ဆုံးနှစ် (Year 3) သို့တိုက်ရိုက်လျှောက်ထားနိုင်သည်။ ယူကေနိုင်ငံ ၏ ပြင်ပတွင် တက်ရောက်ပြီးစီးထားသော Edexcel BTEC Higher National Diploma လက်မှတ်အား အသိအမှတ်ပြုထားပြီး ယူကေတက္ကသိုလ် ၃၈ ခုသို့ ဘာသာရပ် ကင်းလွတ်ခွင့်များ လျှောက်ထားနိုင်သည်။

EDUVISION Worldwide Education Specialist မှ ကူညီပံ့ပိုးသည်။