ခြောက်ကြိမ်မြောက်အဖြစ် Barcamp Yangon 2015 ကျင်းပမည်

Update News_5.jpg

ဘားကမ့်ရန်ကုန်၏ ခြောက်ကြိမ်မြောက် ဖြစ်သည့် Barcamp Yangon 2015 ကို ၂၀၁၅ ခုနှစ် ဇန်နဝါရီလ ၃၁ ရက်နှင့် ဖေဖော်ဝါရီလ ၁ ရက်တို့တွင် MICT Park ၌ ကျင်းပမည်ဖြစ်ကြောင်း သိရသည်။

တက်ရောက်လိုသူများအတွက် တက်ရောက်ခွင့် လက်မှတ်များကို ဇန်နဝါရီလ ၁ ရက်မှစတင်၍ Register ပြုလုပ်နိုင်မည်ဖြစ်ကြောင်း၊ အဆိုပါ Register Link ကို ဘားကမ့် ရန်ကုန်၏ ဖေ့စ်ဘုတ် စာမျက်နှာနှင့် ဝက်ဘ်ဆိုက်ဖြစ်သည့် www.barcampyangon.org တို့တွင် မကြာခင် တင်ပေးသွားမည် ဖြစ်ကြောင်း ဘားကမ့်ရန်ကုန် ဖြစ်မြောက်ရေးကော်မတီမှ သိရသည်။ ပွဲတက်ရောက်မည့်သူများ အနေဖြင့် ထိုလက်မှတ်များကို Print ထုတ်လာရမည်ဖြစ်သည်။

“အခန်းတွေကို အချိန်တွေ၊ ဇယားကွက်တွေနဲ့ ထားပေးထားမယ်။ ဦးရာလူစနစ်နဲ့ အခန်းတွေမှာ အသိပညာ ဝေမျှနိုင်ပါတယ်။ အသိပညာ ဝေမျှပေးမယ့် အချိန်ကို ၄၅ မိနစ် သတ်မှတ်ပေး ထားပါတယ်” ဟု ဘားကမ့်ရန်ကုန် ဖြစ်မြောက်ရေး ကော်မတီမှ ဦးဇော်ဇော်မျိုးလွင်က ပြောသည်။

Register ပြုလုပ်ခြင်းကို ဇန်နဝါရီလလယ်ခန့်တွင် ပိတ်မည်ဖြစ်ကြောင်း သိရသည်။