ပဲခူးမြို့တွင် MSAN အိတ်ချိန်း တပ်ဆင်ခြင်းလုပ်ငန်း ဆောင်ရွက်လျက်ရှိ

ပဲခူးမြို့တွင် MSAN (Multi Service Access Note) အိတ်ချိန်း တပ်ဆင်ခြင်းလုပ်ငန်း ဆောင်ရွက်လျက် ရှိကြောင်း သိရသည်။

အဆိုပါ လုပ်ငန်းကို လက်ရှိတွင် Pilot Project အဖြစ် ဆောင်ရွက်နေခြင်း ဖြစ်ကြောင်း၊ အဆိုပါ စနစ် တပ်ဆင် ပြီးစီးပါက ပဲခူးမြို့တွင် တယ်လီဖုန်း သုံးစွဲမှုစနစ် အသစ်ဖြင့် အစားထိုး ပြောင်း လဲ ပေးသွားမည် ဖြစ်ကာ လိုင်းအသစ် ၁၄၀၀ ခန့်ကိုလည်း တိုးချဲ့ တပ်ဆင်ပေးနိုင်မည် ဖြစ်ကြောင်း၊ လက်ရှိ ADSL စနစ်လိုင်း ၂၈၀ အသုံးပြုလျက် ရှိရာမှ လိုင်း ၁၇၀၀ ကျော် ထပ်မံ တိုးချဲ့ တပ်ဆင် ပေးနိုင်မည် ဖြစ်ကြောင်း ဒီဇင်ဘာ ၂၃ ရက်နေ့ ကြေးမုံသတင်းစာမှ တစ်ဆင့် ထုတ်ပြန်ထားချက်အရ သိရသည်။

ပဲခူးမြို့တွင် ယခင်တပ်ဆင်ထားရှိသော အိတ်ချိန်း စနစ်မှာ တယ်လီဖုန်းစနစ် တစ်ခုတည်းသာ အသုံးပြုနိုင်သော ဒစ်ဂျစ်တယ် အိတ်ချိန်းစနစ်ဖြစ်ပြီး ADSL ကဲ့သို့သော အင်တာနက်စနစ် သုံးစွဲ လိုပါက သီးခြားတပ်ဆင် အသုံးပြုရမည့် စနစ်တစ်ခုဖြစ်ကြောင်း၊ ယခု Pilot Project အဖြစ် ဆောင်ရွက်လျက်ရှိသော အိတ်ချိန်းစနစ်သည် တယ်လီဖုန်း ဆက်သွယ်သည့် စနစ် အပြင် ဒေတာ ဆက်သွယ်မှုစနစ် အပါအဝင် အခြားဝန်ဆောင်မှု လုပ်ငန်းများကို တစ်စုတည်း တပ်ဆင် အသုံးပြုနိုင်သော စနစ်တစ်ခု ဖြစ်ကြောင်းလည်း ဖော်ပြထားသည်။