တရုတ်နိုင်ငံ၏ ၂၀၁၄ ခုနှစ် နည်းပညာ သမိုင်း မှတ်တိုင်များ

(၁) တရုတ်နိုင်ငံ၏ Tesla

တရုတ်နိုင်ငံမှ Wanxiang Group သည် အမေရိကန်မှ electric/hybrid ကားကုမ္ပဏီ Fisker ကို အမေရိကန်ဒေါ်လာ ၁၄၉ သန်းဖြင့် ဝယ်ယူခဲ့သည်။ Fikser ကုမ္ပဏီ ပိုင်ရှင်သစ်သည် ၂၀၁၂ ခုနှစ်က ဝေဖန်မှု အများဆုံးခံခဲ့ရသည့် Fisker Karma ဆီဒင်ကားကို ပြန်လည် အသက်သွင်းရန် ဆန္ဒရှိနေသည်။

(၂) Xiaomi ၏ နိုင်ငံခြား ဈေးကွက် ချဲ့ထွင်မှု

Xiaomi သည် ၂၀၁၃ ခုနှစ်က အိမ်နီးချင်း နိုင်ငံများ ဖြစ်သော ဟောင်ကောင်နှင့် တရုတ် (တိုင်ပေ) သို့ ဈေးကွက် စမ်းသပ် ချဲ့ထွင်ပြီးနောက် ယခုနှစ် ဖေဖော်ဝါရီတွင် စင်ကာပူ ဈေးကွက်သို့ စတင်ဝင်ရောက်ခဲ့သည်။ ၂၀၁၄ ခုနှစ် နှစ်ကုန်ပိုင်းတွင် Xiaommi သည် အိန္ဒိယနှင့် အင်ဒိုနီးရှား ဈေးကွက်များ အပါအဝင် တောင်အာရှနှင့် အရှေ့တောင် အာရှနိုင်ငံ လေးနိုင်ငံသို့  ဈေးကွက်ထပ်မံ ချဲ့ထွင်ခဲ့သည်။ ဘရာဇီးလ်နှင့် တူရကီကဲ့သို့သော ဈေးကွက်များကိုမူ လာမည့်နှစ်တွင် ဝင်ရောက်ရန် Xiaomi က ရွှေ့ဆိုင်းခဲ့သည်။ Xiaomi သည် ၂၀၁၄ ခုနှစ် နှစ်ဝက်အတွင်း ဖုန်းအလုံးရေ ၂၆ သန်း ရောင်းချခဲ့ပြီး ဖြစ်သည်။

(၃) လူကြိုက်များသော တရုတ် အမှတ်တံဆိပ် တစ်ခု ဖြစ်လာသည့် Xiaomi

Xiaomi သည် နိုင်ငံခြား ဈေးကွက်အတွင်းသို့ ဝင်ရောက်သည့် ပထမဦးဆုံး တရုတ်အမှတ်တံဆိပ် မဟုတ်ပေ။ Lenovo, Huawei နှင့် ZTE တို့သည် တရုတ်နိုင်ငံ ပြင်ပရှိ ဈေးကွက်များတွင် စမတ်ဖုန်း သန်းပေါင်းများစွာ ရောင်းချထားပြီး ဖြစ်သည်။ သို့သော်လည်း Xiaomi ကိုလူအများအား စိတ်လှုပ်ရှားစေခဲ့သည့် ပထမဦးဆုံး တရုတ်အမှတ် တံဆိပ်ဟု ဆိုနိုင်သည်။

Xiaomi သည် ဈေးနှုန်းသက်သာပြီး တောင့်တင်းသော community တစ်ခုရှိသလို ကုမ္ပဏီကလည်း ပရိသတ်များနှင့် သုံးစွဲသူများ၏ တုံ့ပြန်မှုများကို အမြဲနားစွင့်လေ့ ရှိသောကြောင့် အမေရိကန်၊  မက္ကဆီကို နှင့် သြစတြေးလျ ကဲ့သို့သော နိုင်ငံများတွင် နေထိုင်သူများက Xiaomi ကို ၎င်းတို့နိုင်ငံများ၌ ရောင်းချရန် Twitter နှင့် Facebook ပေါ်မှ တောင်းဆိုခဲ့ကြသည်။

(၄) စမတ်ဖုန်း ဈေးကွက်တွင် အလျင်အမြန် နေရာရလာသည့် OnePlus

ယခုနှစ်တွင် တရုတ်ကုမ္ပဏီ သစ်ဖြစ်သော Xiaomi ကဲ့သို့ပင်  OnePlus အမှတ်တံဆိပ် သစ်သည်လည်း စမတ်ဖုန်း ဈေးကွက်တွင် အလျင်အမြန် နေရာရရှိလာခဲ့သည်။ OnePlus သည် Xiaomi နှင့် အနည်းငယ် ကွာခြားသော်လည်း stock နှင့် အလွန်နီးစပ်သည့် Android version တစ်မျိုးကို အသုံးပြုထားပြီး မကြာမီတွင် ကမ္ဘာတစ်ဝန်းရှိ ဈေးကွက်အတွင်းသို့ ဝင်ရောက်လာဖွယ် ရှိသည်။

(၅) Weibo IPO

 

Twitter နှင့် ဆင်တူသော တရုတ်နိုင်ငံ၏ microblogging ဝန်ဆောင်မှုဖြစ်သည့် Weibo သည် ယခုနှစ် ဧပြီလတွင် ရှယ်ယာများကို အများပြည်သူထံ စတင်ရောင်းချခဲ့သည်။ အဆိုပါ လူမှုကွန်ရက်၏ မတည်ငွေသည် အမေရိကန်ဒေါ်လာ ၂၈၆ သန်းအထိ ရှိခဲ့သော်လည်း မျှော်လင့်ထားသည့် အမေရိကန်ဒေါ်လာ သန်း ၄၀၀ ကိုမူ မရောက်ရှိသေးပေ။

(၆) Weibo ထက် သာလွန်ခဲ့သည့် WeChat

ယခုနှစ် ပထမ သုံးလပတ်မှ တတိယ သုံးလပတ်အထိ WeChat ကို လစဉ်သုံးစွဲသူ ဦးရေသည် ၃၉၆ သန်းမှ ၄၆၈ သန်းအထိ မြင့်တက်ခဲ့သည်။ အဆိုပါ ကိန်းဂဏန်းများကြောင့် WeChat သည် တရုတ်နိုင်ငံတွင် လူသုံးအများဆုံး social app ဖြစ်လာခဲ့သည်။

(၇) JD IPO

တရုတ်နိုင်ငံ၏ eCom-merce ကုမ္ပဏီဖြစ်သော JD သည် မေလက အမေရိကန် ဈေးကွက်အတွင်းသို့ ဝင်ရောက်ခဲ့ပြီး မတည်ငွေ အမေရိကန် ဒေါ်လာ ၁.၇၈ ဘီလီယံ ရှိခဲ့သည်။

(၈) ဘရာဇီးလ်တွင် မိတ်ဆက်ပေးခဲ့သည့် Baidu search engine

တရုတ်နိုင်ငံ၏ ထိပ်တန်း search ကုမ္ပဏီဖြစ်သော Baidu သည် ၎င်း၏ search engine ကို ဇူလိုင်လက ဘရာဇီးလ်တွင် မိတ်ဆက်ပေးခဲ့သည်။ ၎င်းသည် တရုတ်နိုင်ငံ အပြင်ဘက် ကုမ္ပဏီ၏ အကြီးဆုံး ဈေးကွက်ဖြစ်သည်။ ထို့အပြင် Baidu သည် မကြာမီတွင် အီဂျစ်နှင့် ထိုင်းအပါအဝင် အရေးပါသော ဈေးကွက်များ၌ Google ကို  စိန်ခေါ် လာနိုင်ဖွယ်ရှိသည်။

(၉) လစဉ်ကြည့်ရှုသူ သန်း ၅၀၀ ပြည့်ခဲ့သည့် Youku streaming site

တရုတ်နိုင်ငံ၏ ထိပ်တန်း ဗီဒီယို streaming site ဖြစ်သော Youku ကို လစဉ်လည်ပတ် အသုံးပြုသူ ဦးရေသည် ပထမဦးဆုံး အကြိမ်အဖြစ် သန်း ၅၀၀ ပြည့်ခဲ့သည်။

(၁၀) Samsung ကို ကျော်တက်ခဲ့သည့် Xiaomi

သြဂုတ်လတွင် သုတေသနကုမ္ပဏီ Canalys မှ ဖော်ပြခဲ့သည့် အချက်အလက်များအရ ၂၀၁၄ ခုနှစ် ဒုတိယ သုံးလပတ်တွင် Xiaomi သည်  Samsung ကို ကျော်တက်ကာ တရုတ်နိုင်ငံ၏ စမတ်ဖုန်း တင်ပို့ရောင်းချမှု အများဆုံး အမှတ်တံဆိပ် ဖြစ်လာခဲ့သည်။

(၁၁) အွန်လိုင်းမှ ဈေးဝယ်ခြင်း

တရုတ်နိုင်ငံ၏ အွန်လိုင်းမှ ဈေးဝယ်ယူမှု ပြုလုပ်သည့် အင်တာနက် အသုံးပြုသူ ဦးရေသည် ၅၂.၅ ရာခိုင်နှုန်းရှိပြီး စုစုပေါင်း  ၃၃၂ သန်းရှိကြောင်း စက်မှုလုပ်ငန်းနှင့် အချက်အလက် နည်းပညာဌာနက သြဂုတ်လတွင် ထုတ်ပြန်ခဲ့သည်။

(၁၂) Alibaba IPO

တရုတ် eCommerce ကုမ္ပဏီဖြစ်သော Alibaba သည် စက်တင်ဘာလက နယူးယောက်ခ် စတော့အိတ်ချိန်းသို့ ဝင်ရောက်ခဲ့ပြီးနောက် မတည်ငွေသည် ၂၀၁၂ ခုနှစ်တွင် Facebook က ပြုလုပ်ခဲ့သည့် IPO ထက် ပိုမိုခဲ့ပြီး အမေရိကန်ဒေါ်လာ ၂၁.၈ ဘီလီယံ ရှိခဲ့သည်။

(၁၃) ချမ်းသာကြွယ်ဝသူများ စာရင်းတွင် ပါဝင်လာသည့် ဂျက်ခ်မာ

Alibaba ကို တည်ထောင်သူနှင့် အမှုဆောင် အရာရှိချုပ်ဟောင်းဖြစ်သူ ဂျက်ခ်မာ၏ ခန့်မှန်းပိုင်ဆိုင်မှု အမေရိကန် ဒေါ်လာ ၁၉.၅ ဘီလီယံရှိခဲ့ပြီး Forbes ၏ ထိပ်တန်း တရုတ်သူဌေး စာရင်းတွင် ပထမဦးဆုံးအကြိမ် ပါဝင်လာခဲ့သည်။ ၎င်း၏ ပိုင်ဆိုင်မှုသည် ပြီးခဲ့သည့် နှစ်ကထက် ၃ ဆနီးပါး မြင့်တက်လာခဲ့သည်။

(၁၄) စံချိန်တင်ခဲ့သည့် အွန်လိုင်းဈေးရောင်းချမှု

တရုတ်နိုင်ငံ၏ နှစ်စဉ်ကျင်းပသော အွန်လိုင်း ဈေးဝယ်နေ့ဖြစ်သော Single Day တွင် Alibaba ၏ ဖောက်သည်များသည် ၂၄ နာရီအတွင်း အမေရိကန်ဒေါ်လာ ၉.၃ ဘီလီယံ (ယွမ် ၅၇.၁ ဘီလီယံ) သုံးစွဲခဲ့ ကြသည်။

Ref: TechinAsia