အပြည့်အဝ အသုံးပြုနိုင်မည့် မောင်းသူမဲ့ ကားကို Google ပွဲထုတ်ပြသ

10390433_10152587546962825_750991977685203114_n.jpg

မေလက ပထမဦးဆုံး မိတ်ဆက်ပြသခဲ့သည့် ယာဉ်နှင့် လုံးဝကွဲပြားခြားနားပြီး အပြည့်အဝ အသုံးပြုနိုင်သော မောင်းသူမဲ့ကား၏ ပထမဦးဆုံး ရှေ့ပြေးပုံစံကို Google ကုမ္ပဏီက ပွဲထုတ်ပြသခဲ့သည်။

Google သည် မောင်းသူမဲ့ကား စီမံကိန်းကို ၂၀၁၀ ခုနှစ်တွင် ကြေညာခဲ့ပြီး ၎င်းသည် Google X သုတေသနနှင့် ဖွံ့ဖြိုးမှု လက်တွေ့စမ်းသပ်ခန်း၏ ပထမဦးဆုံး ပဏာမခြေလှမ်းဖြစ်ခဲ့သည်။ ထို့အပြင် Google သည် စမတ်မျက်မှန်ဖြစ်သော Google Glass နှင့် ကင်ဆာရောဂါ ရှာဖွေခြင်းအတွက် အလွန်သေးငယ်သည့်အမှုန်များ (nanoparticles) တို့အပါအဝင် စီမံကိန်း များကိုလည်း လုပ်ဆောင်လျက်ရှိသည်။

အသစ်ထပ်မံမိတ်ဆက်ပေးခဲ့သည့် Google မောင်းသူမဲ့ကား ရှေ့ပြေးပုံစံတွင် လမ်းကို မြင်တွေ့စေနိုင်မည့် ပစ္စည်းကိရိယာတစ်မျိုးအား ကား၏ထိပ်ဘက်ပိုင်းတွင် တပ်ဆင်ထားခြင်း အပါအဝင် အပြောင်းအလဲ အချို့ ပြုလုပ်ထားသည်။

ထို့အပြင် ကားကို စမ်းသပ်မောင်းနှင်စဉ်တွင် ဂက်စ်နှင့် ဘရိတ်ခြေနင်း ကဲ့သို့သော manual control များကိုလည်း အသုံးပြုနိုင်မည်ဟု Google မှ ဆိုခဲ့သည်။ ကုမ္ပဏီသည် ကိုယ်ပိုင် ရှေ့ပြေးပုံစံများကို ဖန်တီးလျက်ရှိနေသလို လာမည့် ငါးနှစ်အတွက် မောင်းသူမဲ့ကားများကို ဈေးကွက်သို့ သယ်ဆောင်နိုင်ရန်အတွက်လည်း ကားကုမ္ပဏီများဖြင့် ပူးပေါင်းရန် စီစဉ်နေကြောင်း Google မှ ပြောကြားခဲ့သည်။

Ref: CNET