လက်ရှိ ဆောင်ရွက်ပေးလျက် ရှိသော မြေစီမံဝန်ဆောင်မှု လုပ်ငန်းများ အားလုံးကို အွန်လိုင်းမှ ဆောá€

Photo1.jpg

လက်ရှိ ဆောင်ရွက်ပေးလျက် ရှိသော မြေစီမံဝန်ဆောင်မှု လုပ်ငန်းများအားလုံးကို အွန်လိုင်းမှ  ဆောင်ရွက် ပေးနိုင်ရန် စီစဉ် ဆောင်ရွက်လျက် ရှိကြောင်း ရန်ကုန်မြို့တော် စည်ပင် သာယာရေး ကော်မတီမှ သိရသည်။

အွန်လိုင်းစနစ်ဖြင့် ဝန်ဆောင်မှုတွင် မြေပုံကူးခြင်းကို Pilot Project အဖြစ် ၂၀၁၃ ခုနှစ် မတ်လမှ စတင် ဆောင်ရွက်ခဲ့ပြီး မြို့နယ်ပေါင်း (၁၅) မြို့နယ်ကို GIS စနစ်သို့ပြောင်းလဲပြီး မကြာမီ အွန်လိုင်း ဝန်ဆောင်မှု ပေးနိုင်ရေး ဆောင်ရွက်နေကြောင်း၊ Pilot Project အဖြစ် ဒဂုံမြို့သစ် (တောင်ပိုင်း) မြို့နယ်အား ရွေးချယ်ထားပြီး ၂၀၁၅ ဇန်နဝါရီလဆန်းတွင် စတင်ရန် ဆောင်ရွက် ထားကြောင်း ရန်ကုန် မြို့တော်စည်ပင်သာယာရေး ကော်မတီ၊ မြို့ပြစီမံကိန်းနှင့် မြေစီမံခန့်ခွဲမှုဌာန၊ ဌာနမှူးဦးသန်းလွင်ဦးကပြောသည်။ 

မြေသည် မရွှေ့မပြောင်းနိုင်သော ပစ္စည်းဖြစ်ခြင်း၊ ပိုင်ဆိုင်မှု လွှဲပြောင်းမှုများတွင် လုပ်ထုံးလုပ်နည်း ဆောင်ရွက်ရသည့် အဆင့်များ များပြားခြင်း၊ မြေစီမံ အမှုအခင်းများမှာရှုပ်ထွေးမှုရှိခြင်း၊ အခြားဝန်ကြီး ဌာနများနှင့် ဆက်စပ် ဆောင်ရွက်ရခြင်းတို့ကြောင့် အွန်လိုင်းစနစ်ဖြင့် ဝန်ဆောင်မှုတွင် မြေပုံကူးခြင်း လုပ်ငန်း များကိုသာ ရှေးဦးစီမံချက်အဖြစ် ဆောင်ရွက်ခဲ့ကြောင်း သိရသည်။

အဆောက်အဦ ဆောက်ရန် မြေပုံကူးခြင်း၊ အဆောက်အအုံ အကြီးစား ပြင်ဆင်ခွင့် မြေပုံကူးခြင်း၊ ဘဏ်ချေးရန် မြေပုံကူးခြင်း၊ ခြံစည်းရိုးကာရန် မြေပုံကူးခြင်း၊ အဝီစိတွင်းတူးရန် မြေပုံကူးခြင်း၊ မှတ်တမ်း တင်ထားရန် မြေပုံကူးခြင်း လုပ်ငန်းများအား ၂၀၁၃ ခုနှစ် မတ်လမှ စတင် ဆောင်ရွက်ခဲ့ကြောင်း သိရသည်။ ပိုင်ဆိုင်မှု ပြောင်းလဲခြင်း မရှိသည့် မြေအမည်ပေါက် ကိုယ်တိုင် မှ လျှောက်ထားသည့် မြေပုံကူးအမှုတွဲများ၊ မြေအမည်ပေါက် စိစစ်ခြင်းတို့အား အွန်လိုင်းစနစ်ဖြင့် www.ycdc.gov.mm သို့ ဝင်ရောက်လျှောက်ထားနိုင်ပြီး လက်ရှိ အချိန်ထိ လျှောက်ထားသည့် အမှုတွဲပေါင်း ၁၂၉၄၄ တွဲကို ဆောင်ရွက်ပေးပြီးဖြစ်ကြောင်းသိရသည်။ မြေအမည်ပေါက် ကိုယ်တိုင်မှ မြေပုံကူးနှင့်မြေတိုင်းတာခြင်း လျှောက်ထားမှုများကို အွန်လိုင်းဝန်ဆောင်မှု အဖြစ် ၂၀၁၃ ခုနှစ် နိုဝင်ဘာ ၁ ရက်နေ့မှ စတင်ဆောင်ရွက်ပေးခဲ့ကြောင်း သိရသည်။