အော်ပရေတာများ အနေဖြင့် မိုဘိုင်းဖုန်း အသုံးပြုသူများ၏ အချက်အလက်များကို တယ်လီဖုန်းလမ်းညွှနá

10676360_836410169725761_4465939136404538695_n.jpg

ဆက်သွယ်ရေးအော်ပရေတာ တစ်ခုဖြစ်သည့် Telenor ၏ ထုတ်ပြန်ထားသော စည်းကမ်းချက်များ အရ မိုဘိုင်းဖုန်း အသုံးပြုသူများ၏ ကိုယ်ရေးအချက်အလက်များကို တယ်လီဖုန်းလမ်းညွှန်၌ ရိုက်နှိပ် ဖော်ပြခြင်းကို ၎င်းတို့အနေဖြင့် ပြုလုပ် ဆောင်ရွက်နိုင်သည်ဟု သိရသည်။

မိုဘိုင်းဖုန်းလိုင်း ဝယ်ယူစဉ် ဖြည့်သွင်းရသည့် နာမည် အပါအဝင် ကိုယ်ပိုင် မိုဘိုင်းဖုန်းနံပါတ်နှင့် အခြားသော ကိုယ်ရေး အချက်အလက်များကို တယ်လီဖုန်းလမ်ညွှန်၌ ထည့်သွင်းခြင်းကို မိုဘိုင်းဖုန်း အသုံးပြုသူ အချို့ လက်ခံနိုင်ခြင်း မရှိသော်လည်း မိုဘိုင်းဖုန်း လိုင်းအသုံးပြုသူ အချို့က  တယ်လီ ဖုန်းလမ်းညွှန်ထုတ်ဝေခြင်းသည် အော်ပရေတာ၏ လုပ်ပိုင်ခွင့်ဖြစ်သည် ဟု ပြောဆိုခဲ့ကြသည်။

Telenor ၏ ဝက်ဘ်ဆိုက် စာမျက်နှာ၌ ဖော်ပြထားသော စည်းကမ်းချက်အရ ၎င်းတို့ အနေဖြင့်အသုံးပြုသူ၏ ကိုယ်ရေးအချက်များကို တယ်လီဖုန်းလမ်းညွှန် အနေဖြင့်  ရိုက်နှိပ်ဖြန့်ချိနိုင်သော်လည်း မိုဘိုင်းဖုန်းအသုံးပြုသူ အနေဖြင့်  ကိုယ်ရေးအချက်အလက်များကို အသုံးပြုစေလိုခြင်း မရှိခဲ့ပါက ၎င်းတို့ထံ ဆက်သွယ် အကြောင်းကြားနိုင်သည်ဟု ပါရှိသည်။

“အသိပေးတာပဲ ကံကောင်းတာပေါ့။ MPT ကလည်း ဒီလိုပဲ လူနာမည်တွေနဲ့  တယ်လီဖုန်းလမ်း ညွှန်တွေထဲမှာ ထည့်နေတာပဲ။ ကိုယ်မကျေနပ်ရင်မသုံးရုံဘဲရှိတယ်လေ။ မှန်တယ်၊ မှားတယ် လို့တော့ မပြောချင်ဘူး။ နိုင်ငံတကာမှာလည်း ရှိနေတာပဲ။ ဖုန်းနံပါတ်တွေဆိုရင်လည်း ခေါ်ဆိုတဲ့ အခါမှာပေါ်နေတာပဲ။ ဒါကိုပိတ်ချင်ရင် နိုင်ငံခြားမှာ ပိုက်ဆံပေးရတယ်။  ဒါကအော်ပရေ တာတွေရဲ့ပိုက်ဆံရှာတဲ့နည်းပေါ့” ဟု Zwenexsys Intl Ltd မှ MD ဖြစ်သူ ကိုသာထက်ကပြောသည်။

Technomation ကုမ္ပဏီမှ CEO ဖြစ်သူ ကိုထူးမြင့်နောင်၏ အဆိုအရ တယ်လီဖုန်းလမ်းညွှန် ထုတ်ဝေးပေးခြင်း သည် နိုင်ငံတကာဖုန်း ကုမ္ပဏီများ၏ လုပ်ငန်းစဉ် ဖြစ်သော်လည်း မြန်မာနိုင်ငံ အနေဖြင့် Privacy Law မရှိသေးသည့် အတွက် နစ်နာမှုများရှိခဲ့ပါက တရားစွဲဆိုရန် မဖြစ်နိုင်ကြောင်းသိရသည်။

“သူ့ကိုပဲအပြစ်မပြောဘဲ ကိုယ်တွေရဲ့ Regulatory ဘက်ကနေ အတိုင်းအတာတစ်ခုကို ကန့်သတ်ပေးနိုင်ရင်တော့ ကောင်းတာပေါ့” ဟု ၎င်းကဆိုသည်။

လက်ရှိအချိန်၌ ကိုယ်ရေး အချက်အလက်များကို တယ်လီဖုန်း လမ်းညွှန်၌ ထည့်သွင်းနိုင်သည်ဟု ဆက်သွယ်ရေး အော်ပရေတာဘက်မှ ကြေညာထားခြင်းသည်   အသုံးပြုသူများပေါ်ဂရုစိုက်မှု ရှိသည်ဟု မှတ်ယူနိုင်ကြောင်း၊ လက်ရှိအချိန်၌ တယ်လီဖုန်းလမ်းညွှန်တွင် ကိုယ်ရေး အချက်အလက်များ ဖြည့်သွင်းပါက တိကျမှု မရှိနိုင်ကြောင်း မြန်မာနိုင်ငံ ကွန်ပျူတာပညာရှင်အသင်း၏ အလုပ် အမှုဆောင် တစ်ဦးဖြစ်သူ ဦးအောင်ဇော်မြင့်ကဆိုသည်။

မိုဘိုင်းဖုန်းလိုင်း အသုံးပြုသူများသည် မိုဘိုင်းဖုန်းဝယ်ယူစဉ် ဖြည့်သွင်းရသည့် ကိုယ်ရေးအချက်အလက်များကို အလေးထား ခြင်းမရှိဘဲ ၁၅၀၀ ကျပ်ဖြင့် လွယ်ကူစွာရရှိနေသည့် မိုဘိုင်းဆင်းမ် ကတ်များကို အခြားလူ တစ်ယောက်သို့ လွယ်လွယ်ကူကူ အသုံးပြုရန် ပေးအပ်ထားကြသည့်အတွက် နာမည်၊ မိုဘိုင်းဖုန်းနံပါတ်နှင့် အခြားသော ကိုယ်ရေး အချက်အလက်များသည် မှားယွင်းမှု ရှိနေသည်ဟု သိရသည်။