ဗီယက်နမ် ဆက်သွယ်ရေး ကုမ္ပဏီနှင့် ရတနာပုံတယ်လီပို့ ဆက်သွယ်ရေးကုမ္ပဏီ ပူးပေါင်းရန် နီးစပ်နေ

10547502_553794471392774_5435838150789080667_n.jpg

ဗီယက်နမ်နိုင်ငံ၏ စစ်တပ်ပိုင် ဆက်သွယ်ရေးကုမ္ပဏီတစ်ခု ဖြစ်သော Viettel Mobile သည် ပြည်တွင်းအခြေစိုက် ရတနာပုံတယ်လီပုိ့ဆက်သွယ်ရေး ကုမ္ပဏီနှင့်ပူးပေါင်း ပြီး မြန်မာ့ ဆက်သွယ်ရေး ကဏ္ဍတွင် ရင်းနှီးမြှုပ်နှံမှု ပြုလုပ်ရန် အလွန်နီးစပ်နေပြီ ဖြစ်ကြောင်း စုံစမ်း သိရသည်။

ရတနာပုံတယ်လီပို့ဆက်သွယ်ရေး ကုမ္ပဏီအနေဖြင့် အဆိုပါ အကြောင်းအရာနှင့် ပတ်သက်၍ တိကျသည့် သတင်းထုတ်ပြန်မှု မရှိသေးသော်လည်း ပြည်ပဆက်သွယ်ရေး ကုမ္ပဏီတစ်ခုနှင့် ပူးပေါင်း သွားမည်ဆိုခြင်းကိုသာ ပြည်တွင်း မီဒီယာသို့ထုတ်ဖော် ပြောကြားထားခြင်း ရှိခဲ့သည်။

အဆိုပါ ဗီယက်နမ်စစ်တပ် ကုမ္ပဏီအနေဖြင့် မြန်မာ့ဆက်သွယ်ရေးကုမ္ပဏီဘက်မှ သဘောတူညီချက်ကို စောင့်ဆိုင်းနေခြင်း ဖြစ်ကြောင်းသိရသည်။

ပြည်ပသတင်းဌာန အချို့၏ ဖော်ပြချက်အရ ဗီယက်နမ်နိုင်ငံ၏ အကြီးဆုံးမိုဘိုင်းဆက်သွယ်ရေး ကုမ္ပဏီတစ်ခုဖြစ်သည့် Viettel Mobile သည် မြန်မာ့ဆက်သွယ်ရေးကဏ္ဍတွင် ရတနာပုံ တယ်လီပို့နှင့် ပူးပေါင်းကာ အမေရိကန် ဒေါ်လာသန်းနှစ်ထောင် နီးပါးအထိကို ရင်းနှီးမြှုပ်နှံမှု ပြုလုပ်သွားမည်ဖြစ်ကြောင်း သိရသည်။

နိုင်ငံတွင်း လူဦးရေ ဖြစ်သည့် ၅၃ သန်းကျော်၏ ၃ ရာခိုင်နှုန်းကျော်ပမာဏသည် မိုဘိုင်းဖုန်းများကို ကိုင်ဆောင်လာနိုင်ပြီဖြစ်ပြီး မြန်မာနိုင်ငံသည် အချိန်တိုအတွင်း၌ ဆက်သွယ်ရေးကဏ္ဍတွင် လျင်မြန်စွာ ဖွံ့ဖြိုးလာခြင်းကြောင့်  Viettel Mobile   အနေဖြင့်  ယခုကဲ့သို့ ရင်းနှီးမြှုပ်နှံရန်စိတ်ဝင်စားရခြင်းဖြစ်ကြောင်း ဆက်သွယ်ရေးနှင့် သတင်းအချက်အလက်၊ နည်းပညာဝန်ကြီးဌာနမှ တာဝန် ရှိသူတစ်ဦးက ပြောကြားသည်။

Viettel သည် ပြည်တွင်း ဆက်သွယ်ရေးကဏ္ဍတွင် ရင်းနှီးမြှုပ်နှံရန် အတွက် ပြီးခဲ့သည့်နှစ်မှ စတင်ကာ ဝင်ရောက်လေ့လာခဲ့ခြင်းဖြစ် သည်။ အစိုးရ၏ ဆက်သွယ်ရေး လုပ်ငန်းလုပ်ကိုင်ခွင့် တရားဝင် လိုင်စင် ရရှိထားသော ပြည်တွင်းပြည်ပ ဆက်သွယ်ရေးလုပ်ငန်း လေးခု အနက် ရတနာပုံတယ်လီပို့ကုမ္ပဏီ တစ်ခုတည်းသာ ယခုလက်ရှိအချိန်ထိ လုပ်ငန်း စတင် မလုပ်ကိုင် ရသေးခြင်းဖြစ်ပြီး လာမည့် ၂၀၁၅ တွင် လုပ်ငန်း စတင်လည်ပတ်သွားမည်ဟု သိရသည်။