အဝေးပြေးခရီးစဉ်များ အွန်လိုင်းမှ ကြည့်ရှုဆက်သွယ်နိုင်

Car1.jpg

အဝေးပြေးခရီးစဉ်များ၏ သတင်းအချက်အလက်များနှင့် ပတ်သက်၍ အွန်လိုင်းမှ ကြည့်ရှုနိုင်ရန် ဆောင်ရွက်ထားကြောင်း ရန်ကုန်မြို့တော် စည်ပင်သာယာရေးကော်မတီ၊ eGovernment လုပ်ငန်းကော်မတီ ဥက္ကဋ္ဌ၊ ပြည်သူ့ ဆက်ဆံရေးနှင့် ပြန်ကြားရေးဌာန၊ ဌာနမှူး ဦးချိုထွန်းအောင်၏ ပြောကြားချက်အရ သိရသည်။

www.ycdc.gov.mm မှတစ်ဆင့် ကြည့်ရှုနိုင်ရန် ဆောင်ရွက်ထားကြောင်း၊ အဆိုပါ ဝက်ဘ်ဆိုက်သို့ ဝင် ရောက်ပြီး ပင်မစာမျက်နှာ၏ အောက်ခြေတွင် အဝေးပြေးခရီးစဉ်များ နေရာမှတစ်ဆင့် ကြည့်ရှုနိုင် မည် ဖြစ်ကြောင်း သိရသည်။ အောင်မင်္ဂလာ အဝေးပြေးယာဉ်ရပ်နားစခန်း၊ ဒဂုံဧရာ အဝေးပြေးယာဉ်ရပ်နားစခန်း တို့တွင် အသီးသီးပြေးဆွဲလျက်ရှိသော ခရီးစဉ်များနှင့် ပတ်သက်၍ ကြည့်ရှုနိုင်မည်ဖြစ်သည်။

ပြည်နယ်နှင့် တိုင်းဒေသကြီး တစ်ခုချင်းစီတွင် ပြေးဆွဲလျက်ရှိသော ခရီးစဉ်များအား အဆိုပါဝက်ဘ်ဆိုက်တွင် ဖော်ပြထားသည်ကို တွေ့ရသည်။