ပြည်တွင်းဆက်သွယ်ရေးဆိုင်ရာ အတွက် ADB မှ Yoma Strategic Holdings ထံသို့ ချေးငွေ ဒေါ်လာသန်း ၁၀၀ ပေးမည်

adb1.jpg

ပြည်တွင်းဆက်သွယ်ရေး ဆိုင်ရာ ကဏ္ဍများ ဆောင်ရွက်နိုင်ရန်အတွက် ADB (Asian Development Bank) မှ Yoma Strategic Holdings ထံသို့ ချေးငွေ ဒေါ်လာသန်း ၁၀၀ ပေးမည်ဖြစ်ကြောင်း သတင်း ထုတ်ပြန်သည်။

ဆက်သွယ်ချိတ်ဆက်မှုနှင့် ဆက်စပ်သော အခြေခံအဆောက်အအုံကဏ္ဍအတွက် လိုအပ်လျက်ရှိသော စီးပွားရေးဆိုင်ရာ ရေရှည်ချေးငွေ လိုအပ်ချက်ကို ADB ၏ ချေးငွေက ဖြည့်ဆည်းပေးနိုင်မည် ဟုဆိုသည်။ ချေးငွေ ကို Yoma အား ADB မှ လုပ်ငန်းခွဲများ တစ်ခုချင်းလုပ်ကိုင်ရန် အသုတ် ၂ သုတ်ခွဲပြီး ချေးပေးသွားမည် ဖြစ်ကြောင်း၊ ပထမအသုတ် ချေးငွေကို မိုဘိုင်းဆက်သွယ်ရေး တာဝါတိုင်များ ဆောက်လုပ်ရန်၊ အအေးခန်း သိုလှောင်မှုနှင့် ဆက်စပ်သော ကုန်စည်ထောက်ပံ့ ပို့ဆောင်ရေးလုပ်ငန်း အကောင်ထည်ဖော်ရန်၊ ယာဉ်အမျိုးမျိုး ငှားရမ်းခြင်းလုပ်ငန်း ခေတ်မီစေရန် ရင်းနှီးမြှုပ်နှံသွားမည်ဖြစ်ပြီး ဒုတိယအသုတ်ကို ပို့ဆောင်ရေး၊ ဖြန့်ဖြူးရေး၊ ကုန်စည်ထောက်ပံ့ ပို့ဆောင်ရေးလုပ်ငန်းနှင့် အခြားသော ကဏ္ဍများတွင် ဆောင်ရွက်မည့် စီမံကိန်းများအတွက် ရင်းနှီးမြှုပ်နှံသွားမည် ဖြစ်ကြောင်းသိရသည်။