YCDC ကအွန်လိုင်း ဝန်ဆောင်မှုပေါင်း ၃၀ ဝန်းကျင်ကို ဆောင်ရွက် ပေးလျက်ရှိ ဟုဆို

Photo1.jpg

ရန်ကုန်မြို့တော် စည်ပင်သာယာရေးကော်မတီ အနေဖြင့် အွန်လိုင်း ဝန်ဆောင်မှုပေါင်း ၃၀ ဝန်းကျင်ကို ဆောင်ရွက် ပေးလျက် ရှိကြောင်း သိရသည်။

အွန်လိုင်းဝန်ဆောင်မှု အဖြစ် မြို့ပြစီမံကိန်းနှင့် မြေစီမံခန့်ခွဲမှုဌာန၏ Online Land Form Submission System မြေပုံကူးခြင်းအစရှိသော ဝန်ဆောင်မှုသုံးမျိုး၊ စီမံရေးရာဌာန၏ Online Business License System လုပ်ငန်း လိုင်စင်အစ ရှိသော ဝန်ဆောင်မှု (၁၂) မျိုး၊ အင်ဂျင်နီယာဌာန (အဆောက်အဦ) မှ Online Building Form Submission System အဆောက်အဦပြီးစီးကြောင်း သက်သေခံလက်မှတ် (BBC) လျှောက်ထားခြင်း အစရှိသော ဝန်ဆောင်မှု (၁၄) မျိုးတို့ကို ဆောင်ရွက်ပေးလျက် ရှိကြောင်း ဒီဇင်ဘာလ (၁၆) ရက်နေ့က ကျင်းပသည့် ရန်ကုန်မြို့တော် စည်ပင်သာယာရေးကော်မတီ၏ e Government လုပ်ငန်းစဉ်များ အကြောင်း ရှင်းလင်း တင်ပြခြင်း အခမ်းအနားမှ သိရသည်။ အွန်လိုင်းဆိုင်ရာ ကိစ္စရပ်များအတွက် www.ycdc.gov.mm တွင် ဆောင်ရွက်ရမည်ဖြစ်သည်။

e Government လုပ်ငန်းစဉ်များကို စတင် ဆောင်ရွက်နေခြင်းဖြစ်ကြောင်း၊ Data Center များတည်ဆောက်ကာ သတင်း အချက်အလက်များကို ရန်ကုန်မြို့တွင်းရှိဌာနများ၊ ခရိုင်နှင့်မြို့နယ်ရုံးများမှ လျှင်မြန် စွာ ပေးပို့နိုင်ရန် ဆောင်ရွက်ခဲ့ခြင်းဖြစ်သည် ဟုဆိုသည်။