၅၅ လက်မ 8K display ကို CES 2015 တွင် LG မိတ်ဆက် ပြသမည်

တောင်ကိုရီးယား နည်းပညာ ကုမ္ပဏီကြီးဖြစ်သော LG သည် codename  ‘Mabinogion’ ဟုခေါ်ဆိုသော 8K display ကို လက်စ်ဗီးဂက်စ်တွင် ကျင်းပပြုလုပ်မည့် CES 2015 ပြပွဲ၌ မိတ်ဆက်ပြသရန် စီစဉ်လျက်ရှိသည်။

အဆိုပါ ၅၅ လက်မ 8K display သည် 7,680 x 4,320 pixels resolution ဖြင့် ဖော်ပြပေးနိုင်ပြီး display driver integrated circuit ၂၀ ကိုတပ်ဆင်ထားသည်။ ၎င်း display ၏ရှေ့ပြေးပုံစံကို နိုဝင်ဘာလ အစောပိုင်းက ပြုလုပ်ခဲ့ပြီး မကြာမီကျင်းပမည့် CES ပြပွဲတွင် မိတ်ဆက်ပြသရန် ကုမ္ပဏီမှ ဆုံးဖြတ်ခဲ့ခြင်း ဖြစ်သည်။

LG သည် ‘Mabinogion’ display ၏ အလင်းကို 500 nits အထိ တိုးမြှင့်ရန်အတွက် aperture အချိုးကို ထိန်းချုပ်သည့် နည်းလမ်းသစ်အား အသုံးပြုထားသည်။ ထို့အပြင် RGB sub-pixels အသုံးပြုထားသည့် သာမန် display နှင့် မတူညီသည်မှာ  display ၏အလင်းကို တိုးမြှင့်ရန်အတွက် LG က W  sub-pixels ကို အသုံးပြုထားကြောင်း ရင်းမြစ်တစ်ခုက ပြောကြားခဲ့သည်။

လက်ရှိတွင် 8K resolution ကို ထောက်ပံ့ပေးသည့် ဗီဒီယိုရင်းမြစ်များ မရှိသေးသောကြောင့် LG က အမည်မဖော်ပြထားသည့် အရည်အသွေးမြင့် Nvidia GPU တစ်ခုဖြင့် ဖန်တီးထားသည့် 3D ပုံရိပ်များကို အသုံးပြုခဲ့ကြောင်း ဆိုသည်။ ထို့အပြင် တောင်ကိုရီးယားရှိ Nvidia ရုံးက အဆိုပါ dis-play နှင့် driver IC များဖန်တီးမှုအတွက် ပူးပေါင်းပါဝင်ခဲ့ကြောင်း သိရသည်။

LG Display မှ ပြောရေးဆိုခွင့်ရှိသူ တစ်ဦးကမူ ကုမ္ပဏီအနေဖြင့် 8K နှင့် ဈေးကွက် ခေတ်ရေစီးကြောင်းနှင့် ကိုက်ညီမည့် resolution မြင့်မားသည့် အခြား display များကို ဖန်တီးလျက်ရှိကြောင်း အတည်ပြု ပြောကြားခဲ့သည်။ သို့သော်လည်း အဆိုပါ display များနှင့်စပ်လျဉ်း၍ အသေးစိတ် ပြောကြားရန ငြင်းဆိုခဲ့သည်။

(Ref : CNET)