ပြည်တွင်း မိုဘိုင်းဖုန်း အသုံးပြုသူ အရေအတွက် ၁၇ သန်း နီးပါးအထိ တိုးတက်လာ

IMG_0906.jpg

မြန်မာနိုင်ငံတွင်  နိုင်ငံခြား ဆက်သွယ်ရေး ကုမ္ပဏီနှစ်ခုနှင့် မြန်မာ့ဆက်သွယ်ရေး လုပ်ငန်းက အမှတ်တံဆိပ် အသစ်ဖြင့် ထုတ်လုပ် ရောင်းချနေသည့် MPT တို့ အပြိုင်အဆိုင် ဈေးကွက်ယှဉ်ပြိုင် မှုများရှိလာပြီးနောက် လက်ရှိမိုဘိုင်းဖုန်း အသုံးပြုသူ အရေအတွက်မှာ ၁၇ သန်းနီးပါး ရှိလာပြီဖြစ်ကြောင်း ဆက်သွယ်ရေးနှင့် သတင်းအချက်အလက် ဝန်ကြီးဌာနမှ စုံစမ်းသိရသည်။

၂၀၁၄၊ သြဂုတ်လ ၂ ရက်မှ စတင်၍ ပြည်တွင်း ဈေးကွက်အတွင်း၌ ဆင်းမ်ကတ် တစ်ခုလျှင် ၁၅၀၀ ကျပ်ဖြင့် ပထမဆုံး ရောင်းချခဲ့သည့် Ooredoo Myanmar ဆက်သွယ်ရေး ကုမ္ပဏီ၏ ဝန်ဆောင်မှုကို အသုံးပြုသူ အရေအတွက်သည် တစ်သန်းခွဲကျော် ရှိလာပြီဖြစ်သည်။

ကာတာဆက်သွယ်ရေး ကုမ္ပဏီ၏ ဈေးကွက် ထိုးဖောက်မှုအပြီး တစ်လအကြာ စက်တင်ဘာ ၁ ရက်တွင် ဈေးနှုန်းအသစ်ဖြင့် ရောင်းချလာသည့် MPT ကရောင်းချသော  ၁၅၀၀  ကျပ်တန် ဆင်းမ်ကတ်များကို  အသုံးပြုသူပေါင်းမှာလည်း တစ်သန်းကျော် ရှိလာပြီဖြစ်သည်။ ပြည်တွင်း၌ မည်သည့် ဆက်သွယ်ရေး ကုမ္ပဏီမှ ဝင်ရောက် လုပ်ကိုင်ခဲ့ခြင်း မရှိခဲ့သည့် ၂၀၁၄ သြဂုတ်လ မတိုင်မီအထိ မြန်မာ့ ဆက်သွယ်ရေး လုပ်ငန်း၏ ဈေးနှုန်းအလွန် မြင့်မားသည့် အမျိုးမျိုးသော ဆင်းမ်ကတ်များကို သုံးစွဲသူ အရေအတွက်မှာ ၁၁ သန်းကျော်ဖြစ်ကြောင်း အထက်ပါ ဝန်ကြီးဌာနမှ သိရသည်။

ထို့ကြောင့် ယခုလက်ရှိအချိန် တွင် မြန်မာ့ ဆက်သွယ်ရေး လုပ်ငန်း၏ ဆင်းမ်ကတ်များကို အသုံးပြုသူမှာ ၁၃ သန်းကျော် ရှိလာပြီဖြစ်သည်။

၂၀၁၄၊ စက်တင်ဘာလမှ ပြည်တွင်း ဈေးကွက်အတွင်း စတင်ရောင်းချခဲ့သည့် နော်ဝေဆက်သွယ်ရေး ကုမ္ပဏီ Telenor Myanmar ၏ ဆင်းမ်ကတ်များသည် အရေအတွက် ၂ သန်းကျော် ရောင်းချပြီးဖြစ်ကြောင်း သိရသည်။

သို့ဖြစ်၍ မြန်မာနိုင်ငံတွင် ဆက်သွယ်ရေး လုပ်ငန်းသုံးခုမှ မိုဘိုင်းဖုန်း ဝန်ဆောင်မှုကို သုံးစွဲသူ အရေအတွက်သည် ၁၇ သန်းနီးပါးအထိ ရှိလာပြီဖြစ်သည်။ ယင်းအချက်သည်  ပြီးခဲ့သည့် သုံးနှစ်တာ ကာလအတွင်း မြန်မာနိုင်ငံ၏မို ဘိုင်းဖုန်း အသုံးပြုမှုနှုန်းသည် သန်းနှင့်ချီ တိုးတက်ခဲ့ခြင်းကို ပြသနေကြောင်း မြန်မာ့ဆက်သွယ်ရေး လုပ်ငန်းမှ တာဝန်ရှိသူ တစ်ဦးကဆိုသည်။

၂၀၁၀ ခုနှစ်ဝန်းကျင်က မိုဘိုင်းဖုန်း အသုံးပြုသူ စုစုပေါင်းအရေအတွက်၏ ဆယ်ရာခိုင်နှုန်းခန့်သာ အင်တာနက် အသုံးပြုနိုင်ခဲ့သော်လည်း ကျပ်တစ်ထောင့်ငါးရာဟု သတ်မှတ်ထားသည့် မြန်မာ့ ဆက်သွယ်ရေး၏ ဆင်းမ်ကတ်များ ဈေးကွက်အတွင်း စတင်ရောက်ရှိပြီး နောက်ပိုင်း မြန်မာနိုင်ငံ၏ မိုဘိုင်းဖုန်းဖြင့် အင်တာနက်သုံးစွဲမှု သိသိသာသာ တိုးတက်လာခြင်းဖြစ်ကြောင်း အထက်ပါ တာဝန်ရှိသူက ပြောကြားသည်။

ပြည်တွင်း၌ မိုဘိုင်းဖုန်း အသုံးပြုသူ အရေအတွက်သည် နေ့စဉ်မှန်မှန် တိုးတက်လျက်ရှိပြီး  တစ်နိုင်ငံလုံး မိုဘိုင်းဖုန်း အသုံးပြုနေသူ အရေအတွက်၏ ထက်ဝက်ကျော်ခန့် ပမာဏသည် အင်တာနက် သုံးစွဲနေသူများ ဖြစ်သည်။

မိုဘိုင်းဖုန်းဖြင့် အင်တာနက် အသုံးပြုသူ လေးသန်းကျော်တွင် လူမှုကွန်ရက် စာမျက်နှာဖြစ်သည့် Facebook ကို သုံးစွဲသူမှာ အရေအတွက် တစ်သန်းနှင့် အထက်ရှိနေပြီ ဖြစ်သည်။

ယခုလက်ရှိ အချိန်တွင် ပြည်တွင်း၌ ဂျီအက်စ်အမ်ဖုန်း အသုံးပြုသူ အရေအတွက်သည် စီဒီအမ်အေ ဆင်းမ်ကတ် အသုံးပြုသူ အရေအတွက်ထက် ပိုမိုများပြားနေသည်။