စမ်းသပ် လေ့လာ မှုများကြောင့် ဒေါ်လာ ဘီလီယံပေါင်း များစွာဆုံးရှုံး ခဲ့ရကြောင်း Amazon အမှုဆောင် အရာရ

Amazon-CEO.jpg

Fire Phone ကျရှုံးခြင်း အပါအဝင် လက်တွေ့ စမ်းသပ် လေ့လာမှု များကြောင့် ဒေါ်လာ ဘီလီယံပေါင်း များစွာ ဆုံးရှုံးခဲ့ကြောင်း Amazon ကို တည်ထောင်သူနှင့် အမှုဆောင် အရာရှိချုပ် ဖြစ်သူ ဂျက်ဖ်ဘီဇော့စ်က ဝန်ခံပြောကြား လိုက်သည်။

အဆိုပါ ကျရှုံးမှုများသည် ခေတ်ပေါ် စီးပွားရေး လုပ်ငန်းတစ်ခု အနေဖြင့် ဆက်လက် ရှင်သန်ရန် အရေးကြီးသည့် အစိတ်အပိုင်း တစ်ရပ်ဖြစ်ခဲ့ကြောင်း ဘီဇော့စ်က ဆိုခဲ့သည်။

“amazon.com မှာ စမ်းသပ် လေ့လာမှု ပြုလုပ်ခဲ့တဲ့အတွက် ဒေါ်လာ ဘီလီယံပေါင်း များစွာဆုံးရှုံး ခဲ့ပါတယ်။ ဒါတွေကို အပျော် သဘောကြောင့် လုပ်ခဲ့တာ မဟုတ်ပေမယ့် ဆုံးရှုံးမှုတွေက ပြဿနာ မဟုတ်ပါဘူး။ စမ်းသပ် လေ့လာမှုတွေကို ဆက်မလုပ် နိုင်တာကမှ အဓိက ပြဿနာ ဖြစ်ပါတယ်။ အချို့စမ်းသပ် လေ့လာမှုတွေက မအောင်မြင်ပေမယ့် အဲ့ဒီနေရာမှာ အောင်မြင်နေတဲ့ အရာတွေက အစားထိုး နိုင်ခဲ့ပါတယ်”ဟု ဘီဇော့စ်က နယူးယောက်ခ်တွင် ပြုလုပ်ခဲ့သော Business Insider Ignition ကွန်ဖရင့်စ်တွင် ပြောကြားခဲ့သည်။

မအောင်မြင်ခဲ့သည့် စမ်းသပ် လေ့လာမှု များတွင် Fire Phone ကတစ်ခု အပါအဝင်ဖြစ်ပြီး အဆိုပါ ထုတ်ကုန်များကို မျှော်မှန်း ထားသည့်အတိုင်း မရောင်းချ နိုင်ခဲ့သလို မရောင်းချ ရသေးသည့် Fire Phone များ၏ တန်ဖိုးမှာ အမေရိကန် ဒေါ်လာ သန်း ၁၇၀ ရှိခဲ့ကြောင်း သိရသည်။

သို့သော်လည်း Amazon အနေဖြင့် Fire Phone ကဲ့သို့သော အရာများကို လေ့လာ ဆန်းစစ်ရန်အတွက် အချိန်ပိုမို လိုအပ်ကြောင်း ဘီဇော့စ်က ပြောကြား ခဲ့သောကြောင့် Amzon စမတ်ဖုန်းကို ဆက်လက် မြင်တွေ့ရဖွယ် ရှိသည်။

ထို့အပြင် ဘီဇော့စ်က Amazon အနေဖြင့် drone နည်းပညာကို အသုံးချရန် အပြင်းအထန် ကြိုးစား နေကြောင်းနှင့် အမေရိကန်သည် drone နည်းပညာကို စီးပွားဖြစ် အနေဖြင့် အသုံးချရန် အဆင်သင့် ရှိနေသည့် အခြားသော နိုင်ငံများနှင့် နှိုင်းယှဉ်လျှင် နောက်ကျနေကြောင်း သတိပေး ပြောကြားခဲ့သည်။

Ref: TheGuardian