ဘယ်လို Laptop မျိုးကိုရွေးချယ်ဝယ်ယူမလဲ

main.jpg

Laptop ဈေးကွက်သည် ပြီးခဲ့သည့်နှစ်အတွင်း အပြောင်းအလဲ ကြီးမားစွာဖြစ်ပေါ်လာသည်။ အနာဂတ် notebook နယ်ပယ်တွင် ထွေပြားမှုများစွာ ဖြစ်ပေါ်လာဖွယ်ရှိသည်။ ယနေ့ခေတ်တွင် ထွက်ပေါ်လျက်ရှိသော ပေါ့ပါးသည့်လုပ်ငန်းသုံး ultraportable laptop များ၏ အလေးချိန်မှာ ၂ ပေါင်အောက်သာရှိပြီး gaming laptop များ၏အလေးချိန်မှာမူ ၁၀ ပေါင်ခန့်ရှိသည်။

ယနေ့ခေတ် သမားရိုးကျ laptop များသည် ယခင် ဒီဇိုင်းများကဲ့သို့ မဟုတ်ဘဲ touch interface ကိုအသုံးပြုနိုင်ရန် သမားရိုးကျ laptop အဖုံးကို ဒီဇိုင်း ပိုင်းပြန်လည် ပြင်ဆင်ထားသည့် convertible ဒီဇိုင်းများ ဒါဇင်နှင့်ချီ၍ ထွက်ပေါ်နေသည်။ အချို့ laptop များသည် tablet များအဖြစ် ခေါက်ကာချိုးထား၍အသုံးပြုနိုင်သလို touch screen ပါဝင်သည့် ကွန်ပျူတာများသည် notebook စတိုင်လ်အသုံးပြုရန်အတွက် ကီးဘုတ်များ ပါဝင်သော tablet ဖြစ်လာကြသည်။ သုံးစွဲသူအမျိုးမျိုး၏ လိုအပ်ချက်နှင့် ကိုက်ညီသည့် အရွယ်နှင့် စတိုင်လ်အတွက် laptop နယ်ပယ်သို့ အမျိုးမျိုးသော ထုတ်ကုန်များရှိနေသည်။

ယခုလမ်းညွှန်တွင် သုံးစွဲသူများအတွက် laptop ဒီဇိုင်းနှင့် အသေးစိတ် အချက်အလက်များအပြင် လက်ရှိ laptop ခေတ်ရေစီးကြောင်းကိုလည်း အနှစ်ချုပ်၍ ဖော်ပြပေးမည်ဖြစ်သည်။ ထို့အပြင် သုံးစွဲသူများအတွက် လိုအပ်သော laptop နှင့် feature များအသုံးပြုနိုင်ရန်လည်း အထောက်အပံ့ ဖြစ်စေရန် ကူညီပေးမည်ဖြစ်ပါသည်။

Windows နှင့် Touch Input

Microsoft ၏ Windows 8 သည် လူကြိုက်နှစ်သက်မှု နည်းလာသောကြောင့် ကုမ္ပဏီအနေဖြင့် ပိုမိုလွယ်ကူစွာအသုံးပြုနိုင်သော မျိုးဆက်သစ် OS ကိုဖန်တီးခဲ့သည်။ ယနေ့ခေတ်တွင် Windows 10 သည် laptop သစ်များစွာတွင်ပါဝင်လာသည်။ Windows 10 တွင် touch screen ကိုမှီခိုခြင်းမပြုသည့် သမားရိုးကျ feature များနှင့်အတူ Windows touch အခြေခံ UI မှအရာများကိုလည်း ထည့်သွင်းထားသည်။ Windows ၏ ဗားရှင်းသစ်များတွင် touch interface ကိုအသားပေးထားသည်။ ထို့ကြောင့် laoptop သစ်များတွင်လည်း touch screen ပါဝင်လာသလို touch screen မပါဝင်သည့်ထုတ်ကုန်များတွင်လည်း အလားတူ လုပ်ဆောင်ချက်များပါဝင်လာသည်။

Windows laptop ကိုဝယ်ယူလိုသူများအနေဖြင့် touch screen ပါဝင်သည့်ထုတ်ကုန်ကိုဝယ်ယူရန် အကြံပြုလိုသည်။ Touch display များပါဝင်သော laptop များသည် တန်ဖိုးကန်ဒေါ်လာ ၁၅၀ မှ ၃၀၀ ရှိသည်။

ပေါ့ပါးသော Laptop များ

Laptop ဈေးကွက်တွင် အထူပါးလွှာပြီး ဒီဇိုင်းပိုင်းကျစ်လျစ်သော ထုတ်ကုန်များရှိသည်။ ၎င်း laptop များသည် ပေါ့ပါးမှုရှိသလို စွမ်းအင်အသုံးပြုမှုကောင်းမွန်သော hardware ပေါင်းစပ်ပါဝင်သောကြောင့် ဘက်ထရီသက်တမ်းတာရှည်ခံသည်။

အထူပါးလွှာသော ultraportable ကွန်ပျူတာများသည် ဒီဇိုင်းဆန်းသစ်မှုရှိသည်။ ၎င်း laptop များကို လက်ဆွဲအိတ်ထဲ၌ အလွယ်တကူ ထည့်သွင်းနိုင်ပြီး Solid-state drive (SSD) 128GB သို့မဟုတ် 256GB အထိပါဝင်လာသလို ဈေးနှုန်းသက်သာသည့် 32GB မှ 64GB eMMC flash storage ကိုလည်း ရွေးချယ် ဝယ်ယူနိုင်သည်။ Intel ၏ဈေးကွက်တွင်းရည်မှန်းချက်သည် 2 in 1 ထုတ်ကုန်ဟုရည်ညွှန်းကြသည့် ဖြုတ်နိုင်၊ တပ်နိုင်သော hybrid tablet များနှင့် laptop များဖန်တီးရန် ဖြစ်သော်လည်း ultraportable များသည် ကွဲပြားခြားနားသော laptop အမျိုးအစားတစ်ခုအဖြစ်ထွက်ပေါ်နေသည်။

အလွန်အမင်းပေါ့ပါးသော ultraportable laptop များတွင် 1080p touch screen များ၊ full-size HDMI port များနှင့် ၈ နာရီကျော် အသုံးပြုနိုင်သောဘက်ထရီသက်တမ်းတို့ ပါဝင်လာသည်။ တန်ဖိုးကြီး laptop များတွင် 3K နှင့် 4K ရုပ်ထွက်အရည်အသွေးမြင့်မျက်နှာပြင်များ ပါဝင်လာမည်ဖြစ်သည်။

Hybrid Laptop ဒီဇိုင်းများ

Laptop များအတွင်း touch မျက်နှာပြင်များထည့်သွင်းလာရန် အတွက် touch interface ကိုအသားပေးမှုကြောင့် laptop/tablet hybrid ထုတ်ကုန် အမျိုးအစားများပေါ်ထွက်လာသည်။ ထိုသို့ပြောင်းလဲ အသုံးပြုနိုင်သော hybrid laptop ဒီဇိုင်းများသည် laptop မှ tablet အဖြစ်ပြောင်းလဲနိုင်သလို အပြန်အလှန်သဘောရှိကာ ကီးဘုတ်ကိုလှန်ထားသည့် ခေါက်ဒီဇိုင်းအသုံးပြုမှုများပြားလာသည်။

အခြားဒီဇိုင်းများမှာ detachable hybrids ဟုခေါ်ဆိုသော ထုတ်ကုန်များဖြစ်ပြီး laptop ကဲ့သို့လုပ်ဆောင်ချက်အတွက် တွဲဖက်ပစ္စည်း ကီးဘုတ်နှင့်အတူ tablet PC အဖြစ် အသွင်ပြောင်းအသုံးပြုနိုင်သည်။

အချို့သော hybrid ဒီဇိုင်းများကို တစ်နေ့လုံးအသုံးပြုနိုင်ရန် ထောက်ပံ့ပေးသည့် secondary ဘက်ထရီများသည် တွဲဖက်အသုံးပြုရသည့် ကီးဘုတ်များတွင်ပါဝင်လာသည်။ ထို့အပြင် Bluetooth ကီးဘုတ်များကိုလည်း အသုံးပြုကြသည်။

ခေတ်စားနေသော Laptop နှင့် တန်ဖိုးကြီး ထုတ်ကုန်များ လတ်တလောထွက်ရှိသော Laptop များသည်ပိုမိုပါးလွှာသလို တန်ဖိုးကြီးလုပ်ဆောင်ချက်များပေါင်းစပ်ပါဝင်သည့် desktop အစားထိုး laptop များရောင်းချနေသောဈေးကွက်လည်းရှိသည်။ Desktop အစားထိုး laptop များ၏မျက်နှာပြင်အရွယ်မှာ ၁၄ လက်မနှင့် ၁၅ လက်မခန့် ရှိကြသည်။ ထို laptop များတွင် port နှင့် feature များစွာအပြင် optical drive များလည်းပါဝင်လာသည်။ မျက်နှာပြင် အရည်အသွေးမှာလည်း တန်ဖိုးနည်းထုတ်ကုန်မှ ဒီဇိုင်းပညာရှင်များ အတွက် ရည်ရွယ်သောထုတ်ကုန်များအလိုက် အမျိုးမျိုးရှိကြသည်။

မီဒီယာနှင့် ဂိမ်းပိုင်းဆိုင်ရာ laptop များ

ဂိမ်မာများ လိုအပ်သော ဂိမ်းပိုင်းဆိုင်ရာ laptop များတွင် တန်ဖိုးကြီးပရိုဆက်ဆာ၊ ထူးခြားသော graphics card နှင့်အရည်အသွေးမြင့် display တို့ပါဝင်လာသည်။ Gaming laptop များ၏အခြေခံဈေးနှုန်းမှာ ကန်ဒေါ်လာ ၇၉၉ ခန့်ရှိပြီး တန်ဖိုးကြီးထုတ်ကုန်များမှာ ကန်ဒေါ်လာ ၃,၅၀၀ ကျော်အထိရှိသည်။

အဆိုပါ gaming laptop များတွင် စွမ်းဆောင်ရည်ကောင်းမွန်သော quad-core ပရိုဆက်ဆာများနှင့်အတူ Core i7 နှင့် AMD A10 ချစ်ပ်များပါဝင်လာသည်။ ထို့အပြင် Nvidia နှင့် AMD မှ GPU များသည် ရုပ်ထွက်အရည်အသွေးကိုပြေပြစ်မှုရှိပြီး frame rate များမှာလည်း ကောင်းမွန်သည်။ တန်ဖိုးကြီး gaming laptop တွင် ရုပ်ထွက် အရည်အသွေးမှာ 1080p သို့မဟုတ် ၎င်းထက်မြင့်မားပြီး 1TB hard drives သို့မဟုတ် ပိုမိုများပြားသော storage လည်းပါဝင်မည်ဖြစ်သည်။

Chromebooks ဆိုသည်မှာ

Chromebook များသည် Chrome OS အခြေခံ laptop များဖြစ်ပြီး ကန်ဒေါ်လာ ၁၉၉ မှ ၅၀၀ ဝန်းကျင်ရှိသည်။ သို့သော်လည်း Chromebook အများစုမှာ ဈေးနှုန်း အသင့်အတင့် ရှိကြသည်။ ၎င်း laptop များသည် စွမ်းအင်သုံးစွဲမှုကျစ်လျစ်မှုရှိသောကြောင့် အင်တာနက်အသုံးပြုရန် အတွက် သင့်တော်သည်။ Chromebook ၏ memory မှာ 2GB သာရှိပြီး Flash storage ပမာဏမှာ 16GB အထိကန့်သတ်ထားသည်။ သို့သော်လည်း Google Drive ကဲ့သို့ cloud ဝန်ဆောင်မှုများတွင် ဖိုင်များကို သိမ်းဆည်း ထားနိုင်သည်။

Chrom OS ၏အကျိုးကျေးဇူးမှာ Windows ပရိုဂရမ်များ အသုံးမပြုသောကြောင့် malware များပြားသော Windows စနစ်နှင့်နှိုင်းယှဉ်ပါက ခံနိုင်ရည်အားပိုရှိသည်။

အသေးစိတ်အချက်အလက်များဖြင့် Laptop ဝယ်ယူခြင်း

ခေတ်သစ် laptop အတွက် Connectivity မှာအရေးပါသည်။ ဈေးကွက်တွင်းရှိ laptop များတွင် Bluetooth နှင့် အင်တာနက်ချိတ်ဆက်မှုအတွက် 802.11n Wi-Fi ပါဝင်သလို Wi-Fi hospt မရှိသည့်အခါ မိုဘိုင်း broadband ဖြင့်အသုံးပြုနိုင်ရန် 3G, 4G HSPA+ နှင့် 4G LTE တို့ပါဝင်လာလေ့ရှိသည်။

Ultraportable နှင့် desktop အစားထိုး laptop များတွင် USB port များစွာပါဝင်လာသည်။ USB 3.0 သည် USB 2.0 ထက် အချက်အလက်လွှဲပြောင်းမှုမြန်ဆန်သည်။ USB-C နှင့် Thunderbolt 3 တို့သည်လည်း laptop များတွင် စတင်ပါဝင်လာသည်ကိုတွေ့ရပြီး hard drive နှင့် charger များကဲ့သို့ တွဲဖက်ပစ္စည်းများမှ ပုံမှန်ထက်ပိုသည့် စွမ်းဆောင်ရည်ကို ရရှိစေသည်။ Laptop များ၏ အထူပါးလွှာလာသည်နှင့်အမျှ Ethernet နှင့် HDMI ကဲ့သို့ port အကြီးစားများပါဝင်မှု နည်းလာသည်။ ထို့ကြောင့် USB Type-A port နေရာတွင် USB-C port ဝင်ရောက်နေရာယူလာသည်။

မော်နီတာနှင့် ပရောဂျက်တာသစ်များကို DisplayPort သို့မဟုတ် HDMI နှင့်ချိတ်ဆက်နိုင်သည်။ ထို့အပြင် HDTV များနှင့် laptop များကို နောက်ဆုံးပေါ် နည်းပညာဖြင့် ချိတ်ဆက်နိုင်သည်။ Intel ၏ Wireless Display သို့မဟုတ် WiDi စနစ်ဖြင့် ကြိုးမလိုအပ်ဘဲ laptop ၏ ဗီဒီယိုနှင့် အသံပိုင်းဆိုင်ရာကို third-party adapter ဖြင့် စီမံထားသည့် HDTV သို့ထုတ်လွှင့်နိုင်သည်။ Laptop အချို့တွင် Miracast ထောက်ပံ့မှု ပါဝင်သောကြောင့် HDTV များအပြင် မိုဘိုင်းဖုန်းများ၊ tablet များနှင့် laptop များနှင့် ချိတ်ဆက် အသုံးပြုနိုင်သည်။

Ref: PCMag