အဆင့်မြင့်ပညာရေး ကဏ္ဍတွင် နည်းပညာတက္ကသိုလ်များ အကျုံးဝင်သွားမည်

သိပံ္ပနှင့်နည်းပညာဝန်ကြီး ဌာနလက်အောက်ရှိ နည်းပညာ တက္ကသိုလ်များသည် အဆင့်မြင့် ပညာရေးကဏ္ဍတွင် အကျုံးဝင်သွားမည် ဖြစ်ကြောင်း သိပံ္ပနှင့် နည်းပညာဝန်ကြီးဌာန ဒုတိယ ဝန်ကြီး ဒေါက် တာ အောင်မြတ်ကျော်က နိုဝင်ဘာလ ၂၆ ရက်တွင် ကျင်းပသည့် ပြည်သူ လွတ်တော် (၁၁) ကြိမ်မြောက် ပုံမှန်အစည်အဝေး ၃၅ ရက်တွင် ပြောကြားခဲ့သည်။

“သိပ္ပံနှင့်နည်းပညာ ဝန်ကြီးဌာနအောက်ရှိ နည်းပညာတက္ကသိုလ်များသည် အဆင်မြင့်ပညာ ရေးကဏ္ဍတွင် အကျုံးဝင် သွားမည် ဖြစ်ပြီး အစိုးရစက်မှုသိပံ္ပများသည် နည်းပညာနှင့်သက်မွေးပညာရေး ဥပဒေ အရ ဆောင်ရွက်ရမည်ဖြစ်ကြောင်း” ဒုတိယဝန်ကြီး ဒေါက်တာအောင်မြတ်ကျော်က ပြောကြားခဲ့သည်။

ထို့အပြင်ပညာရေး ဥပဒေ ထွက်ပေါ်လာပြီးနောက် အဆိုပါဥပဒေနှင့်ဆီလျော်သည့် အခြေခံပညာရေးဥပဒေ၊ နည်းပညာနှင့် သက်မွေးပညာရေးဥပဒေ၊ အဆင့်မြင့် ပညာရေးဥပဒေ တို့ကိုလည်း ဆက်လက် ရေးဆွဲလျက်ရှိ ကြောင်းသိပံ္ပနှင့် နည်းပညာဝန်ကြီးဌာနဒုတိယဝန်ကြီး ဒေါက်တာအောင်မြတ်ကျော်က ပြည်သူလွတ်တော် (၁၁) ကြိမ်မြောက် အစည်းအဝေးတွင် ထပ်လောင်း ပြောကြားခဲ့သည်။