ယခုလအတွင်း ထွက်ရှိမည့် MyChat တွင် ကဏ္ဍအသစ်များပါဝင်မည် ဟုဆို

12814739_937699663010987_6882292462220850783_n.gif

ယခုလအတွင်း ထွက်ရှိမည့် MyChat တွင် ကဏ္ဍအသစ်များ ပါဝင်မည်ဖြစ်ကြောင်း သိရသည်။

RSS news feed နှင့် MyChat ၏ Partner ကုမ္ပဏီများနှင့် ပတ်သက်သည့် အထူးအကြောင်းအရာအသစ်များ ပါဝင်လာမည်ဟု ဆိုသည်။ ယင်းအပြင် MySQUAR သည် အသုံးပြုသူများ အတွက် လုံခြုံမှုကို အခြေခံထားသော လုပ်ဆောင်ချက် အသစ်တစ်ခုကို ထည့်သွင်းထားသည်ဟု သိရသည်။ ယခုထွက်ရှိမည့် ဗားရှင်းအသစ်တွင် မသင့်လျော်သော ဓာတ်ပုံနှင့် အကြောင်းအရာများကို အားလုံးကြည့်ရှုနိုင်သည့် feed သို့ မရောက်နိုင်အောင် MyChat သို့ ဝင်လာသော သတင်းအချက်အလက် မှန်သမျှတို့ကို အလိုအလျောက် စစ်ဆေးပေးသော စနစ်တစ်ခု ပါဝင်မည်ဖြစ်ကြောင်း သိရသည်။

MyChat ၏ သတင်းအကြောင်းအရာ ကြည့်ရှုနိုင်ခြင်းကို ပိုမို တိုးချဲ့မည်ဖြစ်ကြောင်း၊ Myanmar Times, Lwin Pyin, Irrawaddy စသည့် အဖွဲ့အစည်းများနှင့် ချိတ်ဆက်ထားကြောင်း၊ အခြားအလားတူ အဖွဲ့အစည်းများနှင့်လည်း ချိတ်ဆက်သွားရန် စီစဉ်လျက်ရှိကြောင်း ဆိုသည်။ ယင်းအပြင် MySQUAR မှ နေ၍ shop.com.mm, work.com.mm တို့နှင့် ပူးပေါင်း၍ ၎င်းတို့၏ MyChat တရားဝင် အကောင့်များမှနေ၍ အထူး အရောင်းနှင့် ဈေးနှုန်းများ၊ အလုပ်အကိုင် အခွင့်အလမ်းများကို ကြေညာလျက် ရှိသည်ဟု ဆိုသည်။

လက်ရှိတွင် MyChat အသုံးပြုသူ နှစ်သန်းကျော်ရှိကြောင်း သိရသည်။