မြန်မာနိုင်ငံ လေကြောင်းနှင့် အာကာသပညာ တက္ကသိုလ်မှ မဟာအင်ဂျင်နီယာဘွဲ့ (လေကြောင်းနှင့် အာကာသ)

cityguidecommm.jpg

သိပ္ပံနှင့် နည်းပညာဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာန၊ မြန်မာနိုင်ငံလေကြောင်းနှင့် အာကာသပညာတက္ကသိုလ်မှ ၂၀၁၅ ခုနှစ် ဇန်နဝါရီလ ၅ ရက်တွင် စတင်ဖွင့်လှစ်မည့်  မဟာ အင်ဂျင်နီယာဘွဲ့ (လေကြောင်းနှင့် အာကာသ)နှင့် ဘွဲ့လွန်ဒီပလိုမာသင်တန်း (လေဆိပ်စီမံခန့်ခွဲမှု)  သင်တန်းများအတွက် သင်တန်းသား လျှောက်လွှာခေါ်ယူလျက်ရှိကြောင်း နိုင်ငံပိုင်သတင်းစာများတွင် ဖော်ပြထားချက်အရ သိရသည်။

မဟာအင်ဂျင်နီယာဘွဲ့ (လေကြောင်းနှင့် အာကာသ) သင်တန်းသို့ အင်ဂျင်နီယာဘွဲ့သင်တန်းတွင် ပျမ်းမျှ ကြိမ်နှုန်း ၆၅ မှတ်နှင့်အထက် ရရှိသူ (နည်းပညာတက္ကသိုလ်မှ ဘွဲ့ရများအနေဖြင့် ME တက်ရောက်ရန် အရည်အချင်းပြည့်မီကြောင်း ပါမောက္ခချုပ် (သို့) ကျောင်းအုပ်ကြီး၏ထောက် ခံချက်)၊ ဝင်ခွင့်အရည်အချင်း စာမေးပွဲ အောင်မြင်သူများ၊ မဟာအင်ဂျင်နီယာဘွဲ့ သင်တန်းသို့ စတင် တက်ရောက်သည့် ရက်တွင် အသက် ၃၅ နှစ်ထက် မကြီးသူ၊ ဝန်ထမ်းဖြစ်ပါက အသက် ၄၀ နှစ် ထက်မကြီးသူ၊ ဝန်ထမ်းဖြစ်ပါက သက်ဆိုင်ရာ ဌာနအကြီးအကဲ၏ အချိန်ပြည့် တက်ရောက်ခွင့်ပြု ထောက်ခံချက်ပါရှိသူ၊ မဟာအင်ဂျင်နီယာ သင်တန်း အလိုက် သတ်မှတ်ထားသော အင်ဂျင်နီယာဘွဲ့ရရှိသူများ လျှောက်ထားနိုင်မည်ဖြစ်သည်။

မဟာအင်ဂျင်နီယာ ဘွဲ့သင်တန်းအတွက် ဝင်ခွင့်အရည် အချင်းစာမေးပွဲကို ဒီဇင်ဘာလ ၃၀ ရက် နံနက် ၉ နာရီမှ  ၁၁ နာရီအထိ အင်္ဂလိပ်စာကိုလည်းကောင်း၊ ဒီဇင်ဘာလ ၃၁ ရက် နံနက် ၉ နာရီမှ ၁၁ နာရီအထိ သက်ဆိုင်ရာဘာသာရပ်ကို လည်းကောင်း ကျင်းပ စစ်ဆေးသွားမည်ဖြစ်သည်။

လေဆိပ်စီမံခန့်ခွဲမှု ဘွဲ့လွန်ဒီပလိုမာ သင်တန်းသို့ B.E (Aerospace/Aeronautical) ဘွဲ့ရရှိသူများ၊  B.E (Mechanical/Electronics/Electrical Power/IT) ဘွဲ့ရရှိသူများ၊ B.B.A/B.B.A (Hons) ဘွဲ့ရရှိသူများ၊ B.Com/B.Com (Hons) ဘွဲ့ရရှိသူများ၊ Any Bachelor Degree ဘွဲ့ရရှိသူများ (လေဆိပ်တွင် အနည်းဆုံးနှစ်နှစ် တာဝန်ထမ်းဆောင်ခဲ့သူ ဖြစ်ရမည်) လျှောက်ထားနိုင်မည်ဖြစ်သည်။

လေဆိပ်စီမံခန့်ခွဲမှု ဘွဲ့လွန်ဒီပလိုမာသင်တန်းမှာ အချိန်ပြည့် ၁ နှစ်သင်တန်းဖြစ်ပြီး Course Work ၉ လ ဖြစ်၍ Pilot Project ၃ လပြုလုပ်ပြီး စာတမ်းတင်ရမည် ဖြစ်သည်။ သတ်မှတ် အရည်အချင်းနှင့် ပြည့်စုံ အောင်မြင်ပါက Post Graduate Diploma in Airpot Management (Dip.A.M) ဘွဲ့ကို အပ်နှင်းမည် ဖြစ်သည်။

ဝင်ခွင့်လျှောက်ထားလိုသူ များသည် လေဆိပ်စီမံခန့်ခွဲမှု ဘွဲ့လွန်ဒီပလိုမာသင်တန်းသို့ စတင် တက်ရောက်သည့်ရက်တွင် အသက် ၃၅ နှစ်ထက်မကြီးသူ၊ ဝန်ထမ်းဖြစ်ပါက အသက် ၄၀ နှစ် ထက်မကြီးသူ၊ သင်တန်းသို့ အချိန်ပြည့်တက်ရောက်နိုင်သူ၊ ဝန်ထမ်းဖြစ်ပါက သက်ဆိုင်ရာဌာန အကြီးအကဲ၏ အချိန်ပြည့် တက်ရောက်ခွင့်ပြုကြောင်း ထောက်ခံချက်မူရင်းပြနိုင်သူ၊ မြန်မာနိုင်ငံလေကြောင်းနှင့် အာကာသပညာ တက္ကသိုလ်တွင် စစ်ဆေးမည့် သင်တန်းဝင်ခွင့် အရည်အချင်းစစ် စာမေးပွဲကို ဝင်ရောက်ဖြေဆိုရမည် ဖြစ်ပြီး အောင်မြင်စွာ ဖြေဆိုနိုင်သူများစသည့် အရည်အချင်းသတ်မှတ်ချက်များနှင့် ပြည့်စုံ ရမည် ဖြစ်သည်။ လျှောက်လွှာနှင့်အတူ လျှောက်ထားသူ၏ အကျင့်စာရိတ္တ ကောင်းမွန်ကြောင်း သက်ဆိုင်ရာမြို့နယ်၊ ရဲတပ်ဖွဲ့စခန်း တစ်ခုခုမှ ထောက်ခံစာမူရင်း၊ ပတ်စ်ပို့ ဓာတ်ပုံ (သုံးပုံ)၊ ဘွဲ့လက်မှတ်မူရင်းနှင့် မိတ္တူတို့ကို တင်ပြရမည်ဖြစ်သည်။

ဝင်ခွင့်အရည်အချင်း စာမေးပွဲကို မြန်မာနိုင်ငံလေကြောင်းနှင့် အာကာသပညာတက္ကသိုလ်၊ မိတ္ထီလာမြို့၌  ဒီဇင်ဘာလ ၃၀ ရက်၊ နံနက် ၉ နာရီမှ  ၁၁ နာရီအထိ အင်္ဂလိပ်စာကို လည်းကောင်း၊ ဒီဇင်ဘာလ ၃၁ ရက်၊ နံနက် ၉ နာရီမှ ၁၁ နာရီအထိ လေဆိပ်ဆိုင်ရာ ဗဟုသုတကိုလည်းကောင်း ကျင်းပ စစ်ဆေး သွားမည်ဖြစ်သည်။

သင်တန်းနှစ်မျိုး၏ ဝင်ခွင့်လျှောက်လွှာပုံစံများကို ဒီဇင်ဘာလ ၁၀ ရက်မှ စတင်၍ မြန်မာနိုင်ငံလေကြောင်းနှင့် အာကာသပညာ တက္ကသိုလ်တွင် ထုတ်ယူနိုင်ပြီး ဒီဇင်ဘာလ ၂၆ ရက် ညနေ ၄ နာရီ နောက်ဆုံးထား၍ ကိုယ်တိုင်လျှောက်ထားရမည် ဖြစ်ကာ လျှောက်လွှာများ ပြည့်စုံမှန်ကန်ပါက စာမေးပွဲ ဖြေဆိုခွင့် ကတ်ပြားကို ထုတ်ပေးမည်ဖြစ်ကြောင်း သိရသည်။

အသေးစိတ် အချက်အလက်များ သိရှိလိုပါက မြန်မာနိုင်ငံလေကြောင်းနှင့် အာကာသပညာတက္ကသိုလ်၊ မိတ္ထီလာမြို့၊ ဖုန်း-၀၆၄-၃၅၂၄၂၊ ၀၆၄-၃၅၂၄၄ သို့ ဆက်သွယ်စုံစမ်းနိုင်သည်။