စမတ်ဖုန်းနှင့်ပတ်သက်၍ လုံခြုံစွာ အသုံးပြုတတ်ရန် ဟောပြောပွဲများကျင်းပမည်

Smart-Phone.gif

ဆက်သွယ်ရေး အော်ပရေတာ တစ်ခုဖြစ်သည့် မြန်မာ့ဆက်သွယ်ရေးလုပ်ငန်း (MPT) သည် စမတ်ဖုန်းအသုံးပြုသူများ စနစ်တကျလုံခြုံစွာဖြင့် အကျိုးရှိစွာ အသုံးချတတ်ရန် ဟောပြောပွဲများ လိုက်လံပြုလုပ်ပေးမည်ဟု သိရသည်။

စမတ်ဖုန်း၏ အင်တာနက်စ နစ်လုံခြုံရေးအကြောင်းကို ပိုမိုသိ ရှိရန်အတွက် ပညာပေးဆွေးနွေး ပွဲကို ဖေဖော်ဝါရီလ ၈ ရက်မှ မတ်လ ၉ ရက်အထိ မြန်မာနိုင်ငံ အလယ်ပိုင်းဒေသများနှင့် ဧရာဝတီမြစ်ဝကျွန်းပေါ်ဒေသများတွင် ကျင်းပပြုလုပ်ပေးမည်ဟု မြန်မာ့ ဆက်သွယ်ရေးလုပ်ငန်း(MPT) က သတင်းထုတ်ပြန်ခဲ့သည်။

ပညာပေးဆွေးနွေးပွဲ စုစု ပေါင်း ၅၆ ပွဲအထိ ကျင်းပပြုလုပ် သွားမည်ဖြစ်ပြီး ဆွေးနွေးပွဲများကို မြို့နယ် ၂၈ မြို့နယ်မှ အခြေခံ ကျောင်းများ၊ တက္ကသိုလ်များနှင့် စက်မှုဇုံများတွင် ကျင်းပပြုလုပ် သွားမည်ဖြစ်သည်။ အဓိကအား ဖြင့် စမတ်ဖုန်း၏ အသုံးဝင်ပုံများ၊ မသင့်လျော်စွာ အသုံးပြုခြင်း ကြောင့် ဖြစ်ပေါ် လာတတ်သည့် ပြဿနာများ စသည်တို့ကို ဆွေးနွေးဟောပြောသွားမည်ဟု သိရသည်။

ထို့အပြင် မိုဘိုင်းဖုန်းနှင့် အင်တာနက်စနစ်ကို အသုံးပြုရာ၌ Data အသုံးပြုမှုကို သုံးစွဲသူကိုယ်တိုင် ထိန်းချုပ်နိုင်စေရန် ရှောင် ရှားအသုံးပြုသင့်သည့် အချက် အလက်များကိုလည်း ဆွေးနွေးသွားမည်ဟု သိရသည်။ “ဒီနှစ် ပိုင်းတွေမှာ စမတ်ဖုန်းအသုံးပြုသူ အရေအတွက်တိုးတက်လာတာကို ကျွန်တော်တို့ သတိပြုမိတယ်။ ဒါပေမဲ့ အင်တာနက်လုံခြုံရေး ဆိုင်ရာတွေ၊ မသင့်လျော်စွာအသုံးချခံနေရတဲ့ အကြောင်းတွေကို မျှဝေတဲ့ အပိုင်းမှာတော့ အရှိန်မြင့် လာတာ မတွေ့ရဘူး”ဟု MPT မှ ပြောရေးဆိုခွင့်ရှိသူက ဆိုသည်။

ပထမဆုံးအနေဖြင့် နယ်မြို့များသို့ သွားရောက်၍ ဆွေးနွေးပွဲများကို MPT ကျင်းပပြုလုပ်မည်ဖြစ်ပြီး ဒုတိယအနေဖြင့် ဧပြီလမှ စတင်ကာ ၎င်းတို့၏ Brand Shop ဖွင့်လှစ်ထားသည့် တည်နေရာများတွင် ဆွေးနွေးပွဲများ ဆက်တိုက်ပြုလုပ်သွားမည်ဟု သိရသည်။