အကြမ်းဖက်မှုနှင့် ပတ်သက်နေသည့် account ၁၂၅,၀၀၀ ကျော်ကို Twitter ပိတ်ပင်

_88130256_02bead6f-e275-4dbb-9bad-02a679c13f0d.jpg

Twitter သည်၂၀၁၅ ခုနှစ် နှစ်လည်တွင် အကြမ်းဖက် လုပ်ရပ်များကို အားပေးအားမြှောက်ပြုခြင်း သို့မဟုတ် ခြိမ်းခြောက်ခြင်းတို့ကို ပြုလုပ်နေသာ account ပေါင်း ၁၂၅,၀၀၀ ကျော်အား ပိတ်ပင်ခဲ့ကြောင်း သိရသည်။

Twitter က အဆိုပါ account များသည် ISIS အဖွဲ့နှင့် ဆက်စပ်နေကြောင်း ၎င်း၏ blog တွင် ပြောကြားခဲ့သည်။

“အကြမ်းဖက်ဝါဒကို အားပေးအားမြှောက်လုပ်ဖို့ Twitter ကို အသုံးပြုနေတဲ့အပေါ်မှာ ကျွန်တော်တို့ ရှုတ်ချပါတယ်” ဟုကုမ္ပဏီက ပြောကြားခဲ့သလို account များကိုပြန်လည် စစ်ဆေးမှုများ ပြုလုပ်နေသည့် အဖွဲ့များကိုလည်း တိုးချဲ့ထားကြောင်း ပြောကြားခဲ့သည်။

“လက်ရှိမှာ သုံးစွဲသူတွေရဲ့ account တွေ ပိတ်ပင်မှုကို တိုးမြှင့် လုပ်ဆောင်တာတွေ အပါအဝင် ရလဒ်တွေကို ကျွန်တော်တို့ မြင်တွေ့နေရပါပြီ။ ဒါဟာ Twitter ရဲ့ပြောင်းလဲလာတဲ့ လုပ်ဆောင်ချက်တစ်ခုပါ” ဟု ကုမ္ပဏီက ရေးသားခဲ့သည်။

ထို့အပြင် Twitter သည် အခြားအဖွဲ့အစည်းများနှင့် သင့်တော်သည့် ဥပဒေဌာနများနှင့် ပူးပေါင်းဆောင်ရွက်မှုများ ပြုလုပ်ခဲ့ကြောင်း သိရသည်။

အမေရိကန်အပါအဝင် ကမ္ဘာတစ်ဝန်းရှိ အစိုးရများက အကြမ်းဖက်မှု အားပေးသည့် အွန်လိုင်း လှုပ်ရှားမှုများကို ပြင်းပြင်းထန်ထန် တိုက်ဖျက်သွားရန် လူမှုရေးမီဒီယာကုမ္ပဏီများကို တောင်းဆိုလျက်ရှိကြသည်။

ကမ္ဘာတစ်ဝန်းတွင် Twitter ကိုသုံးစွဲသူ သန်း ၅၀၀ ကျော်ရှိသည်။

Ref: BBC