ထိုင်းနိုင်ငံ ချင်းမိုင်တက္ကသိုလ်မှ မဟာဘွဲ့ပေးအပ်မည့် Master of Economics မဟာဘွဲ့သင်တန်းသို့ ဝင်ခွင့်ေ

University-of-Economic-(1).jpg

စီးပွားရေးပညာဘွဲ့ရရှိသူကို ဦးစားပေးမည့် ရန်ကုန်စီးပွားရေးတက္ကသိုလ်နှင့် ထိုင်းနိုင်ငံချင်းမိုင်တက္ကသိုလ် (Chiang Mai University) တို့ ပူးပေါင်း ဖွင့်လှစ်မည့် Master of Economics (MEcon) (CMU) မဟာဘွဲ့သင်တန်းသို့ ၀င်ခွင့်လျှောက်လွှာခေါ်ယူနေကြောင်းသိရသည်။

အဆိုပါ မဟာဘွဲ့သင်တန်းသို့ တက်ရောက်လိုသူသည် အသိအမှတ်ပြုတက္ကသိုလ်တစ်ခုခုမှ ဘွဲ့ရရှိပြီးသူဖြစ်ရမည်ဟု ဆိုသော်လည်း စီးပွားရေးပညာဘွဲ့ရရှိသူကို ဦးစားပေးမည် ဟုသိရသည်။ မည်သူမ ဆို လျှောက်ထားနိုင်မည်ဖြစ်သည်။  စီးပွားရေးတက္ကသိုလ်များတွင် တာဝန်ထမ်းဆောင်လျက်ရှိသည့် ဆရာ၊ ဆရာမများ၊ အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှုဝန်ကြီးဌာန၊ ဘဏ္ဍာရေး ဝန်ကြီးဌာန၊ မြန်မာနိုင်ငံတော် ဗဟိုဘဏ်၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန စသည့် စီးပွားရေးဘာသာရပ်များဖြင့် ဆက်စပ်လုပ်ကိုင်လျက်ရှိသည့် ဝန်ကြီးဌာနများမှ ဝန်ထမ်းများလည်း လျှောက်ထားနိုင်သည်ဟု သိရသည်။

လျှောက်ထားသူသည် အင်္ဂလိပ်စာ၊ သင်္ချာနှင့်စာရင်းအင်းပညာ ကျွမ်းကျင်သူဖြစ်ရမည်ဖြစ်ပြီး တက္ကသိုလ်တစ်ခုခုတွင် အခြားသင်တန်းတစ်ခု တက်ရောက်နေသူမဖြစ်စေရ ခေါ်ယူမှု ကြေညာချက်တွင် ဖော်ပြထားသည်။ သင်တန်းဝင်ခွင့် ရေးဖြေ စာမေးပွဲ ဖြေဆိုရမည် ဖြစ်ပြီး ဖြေဆိုသူများထဲမှ သင်တန်းတက်ရောက်ရန် အဆင့်မီသူများအားထပ်မံ၍ လူတွေ့စစ်ဆေး ရွေးချယ်ကာ သင်တန်းသားဦးရေ (၄၀)ဦး လက်ခံသွားမည်ဖြစ်ကြောင်း သိရသည်။

သင်တန်းမှာတစ်နှစ်ခွဲကြာမြင့်မည်ဖြစ်ပြီး သတ်မှတ်ထားသော သင်ရိုးအတိုင်း အချိန်ပြည့်မီစွာ တက်ရောက်နိုင်သူဖြစ်ရမည် ဟုဆိုသည်။ သင်တန်းကြေးမှာ  လစဉ် ၂၀,၀၀၀ ကျပ်သတ်မှတ်ထားသည်။ ပေးအပ်မည့် Master of Economics (MEcon) (CMU) မဟာဘွဲ့ကို ချင်းမိုင်တက္ကသိုလ်မှဘွဲ့အပ်နှင်းမည် ဖြစ်သည်။

သင်တန်းနှင့်သက်ဆိုင်သောစာရွက်၊ စာတမ်းများနှင့်သတ်မှတ်ထားသည့် လျှောက်လွှာပုံစံများကို (http://www.econ.cmu.ac.th/yangonprogram) တွင်ရယူရမည်ဖြစ်ပြီး ဘောဂဗေဒဌာန၊ ရန်ကုန်စီးပွားရေး တက္ကသိုလ်(ကမာရွတ်နယ်မြေ)၌ ၂၀၁၄ ခုနှစ် ဒီဇင်ဘာလ ၈ ရက် မွန်းလွဲ  ၁ နာရီ နောက်ဆုံးထား၍ ပြန်လည်တင်သွင်း လျှောက်ထားရမည်ဖြစ်သည်။ သင်တန်းနှင့် ပတ်သက်၍ ဖုန်း-၀၉-၅၀၅၇၃၃၁၊ ၀၉-၅၀၂၇၈၈၁ တို့တွင် အသေးစိတ်မေးမြန်း စုံစမ်းနိုင်သည်။