မိုဘိုင်းဖုန်း (သို့) လက်ဖဝါး ပေါ်က စွမ်းအားရှင်

IJ-Plus_Cover.jpg

သင့်ပတ်ဝန်းကျင်ကို နေ့စဉ် သတိထားကြည့်မိပါက လူတိုင်နီးပါ မိမိဖုန်းလေးများကို ပွတ်နေသည်ကို တွေ့ရမည် ဖြစ်သည်။ မိုဘိုင်းဖုန်းများ ပေါ်ပေါက်လာမူကြောင့် လူမှုရေးစီးပွားစသော ဘက်များတွင်များစွာ အကျိုးရှိလှသည်။ ဆက်သွယ်ရေးအတွက် သာမက မိုဘိုင်းဖုန်းများမှာ အင်တာနက် အသုံးပြု ဈေးဝယ်ခြင်းနှင့် ငွေပေးခြင်းတို့ကဲ့သို့ စီးပွားရေး လုပ်ငန်းသုံး ယူနစ်တစ်ခုလည်း ဖြစ်လာနေသည်။ အသစ်အသစ်သော အရာရာတိုင်းသည်  အဟောင်းများကို ဖျက်ဆီးတတ်သော သဘောရှိကြသည်။ မိုဘိုင်းဖုန်း ထွက်ပေါ်လာမှုကြောင့် ပျောက် ကွယ်သွားကြသော ထုတ်ကုန်များလည်း ထိုနည်းတူ ရှိခဲ့သည်။ ထို့အတူ အကောင်းအဆိုး ဒွန်တွဲနေသော လောကကြီး၌ မိုဘိုင်းဖုန်း သုံးစွဲမှု၏ အမှောင်ခြမ်းကလည်း ရှိနေပြန်သည်။ မည်သို့ဆိုစေ မိုဘိုင်းဖုန်းသည် ထုတ်ကုန်တစ်ခုသာဖြစ်ပြီး သုံးစွဲသူ၏တိုင်းဆ ဆင်ခြင်နိုင်စွမ်းဟူသော ပညာနှင့် အသုံးချမှု ပေါ်ကိုလိုက်၍ အကောင်းအဆိုးကို ဖန်တီးပေးနိုင်သော ပြဒါးရှင်လုံးသာ ဖြစ်ပေတော့သည်။

မိုဘိုင်းဖုန်း ဆိုသည်မှာ

မိုဘိုင်းဖုန်း ဆိုသည်မှာ ယနေ့အများစု သိရှိပြီးသားဖြစ်သည့် ဆက်သွယ်ရေး ကိရိယာတစ်ခုဖြစ်ပြီး ၎င်းမှာရေဒီယိုလှိုင်းစနစ် ထုတ်လွှင့်မှုကို ရယူသုံးစွဲသည့် ကိရိယာဖြစ်သည်။ ဖုန်းဖြင့် ဆက်သွယ်ရာတွင် ၎င်းအတွက် ဝန်ဆောင်မှုပေးသည့် တယ်လီဖုန်း ကွန်ရက်ရှိသည့်နေရာ အတွင်း၌သာ သုံးစွဲဆက်သွယ်နိုင်မည်ဖြစ်သည်။ မိုဘိုင်းဖုန်း အများစုမှာ ဆဲလ်လူလာကွန်ရက် နည်းပညာကို သုံးစွဲထားသောကြောင့် တစ်ခါတရံတွင် ဆယ်လ်လူလာဖုန်း (သို့မဟုတ်) ဆဲလ်ဖုန်းဟု ခေါ်ကြသည်။

လက်ရှိမိုဘိုင်းဖုန်းများမှာ စာတို ပေးပို့ခြင်း၊ ရုပ်သံများပေးပို့ခြင်း (MMS)၊ အီးမေးလ်သုံးစွဲနိုင်ခြင်း၊ အင်တာနက်ကွန်ရက်ကို ချိတ်ဆက်သုံးစွဲနိုင်ခြင်း၊ Infrared နှင့် Bluetooth တို့ကဲ့သို့ ကြိုးမဲ့ ဆက်သွယ်မှု အတိုများပြုလုပ်နိုင်ခြင်း၊ ဂိမ်းကစားနိုင်ခြင်း၊ ဓာတ်ပုံရိုက်ကူးနိုင်ခြင်းနှင့် အမျိုးမျိုးသော Application များကိုသုံးစွဲနိုင်ခြင်း အစရှိသော ကိစ္စများကို လုပ်ဆောင်လာနိုင်သည်။ ကွန်ပျူတာ တစ်လုံးနီးပါး သုံးစွဲလာနိုင်သော မိုဘိုင်းဖုန်းများကို စမတ်ဖုန်း ဟုအမှတ်ပညာပေးလာကြသည်။

စမတ်ဖုန်းများမှာ အိတ်ဆောင် ကွန်ပျူတာတစ်လုံးကဲ့သို့ အလုပ်လုပ်ကြပြီး ၎င်းတို့အတွက်လက်ကိုင်နှင့် မိုဘိုင်းအတွက် အသုံးဝင်သော feature များ ပေါင်းစပ်ထည့်သွင်းထားသည့် အဆင့်မြင့် mobile operating system များ ပါရှိလာကြသည်။ PDA (personal digital assistant)၊ မီဒီယာပလေယာနှင့် မြေပုံလမ်းညွှန် စနစ် (GPS) တို့ကို ပေါင်းစု ထည့်သွင်းလိုက်ပြီး ဓာတ်ပုံရိုက်ကူး နိုင်ရန်အတွက်ပါ ဖန်တီးပေးခဲ့သည်။ စမတ်ဖုန်းများမှာ Touch (တို့ထိ) မျက်နှာပြင်ကို သုံးစွဲထားပြီး  Application များကိုရွေးချယ် သုံးစွဲခွင့် ပြုထားကြသည်။ ၂၀၁၂ နောက်ပိုင်း ထွက်ပေါ်လာသော စမတ်ဖုန်းများမှာ 4G LTE အင်တာနက်စနစ်၊ Motion Sensor နှင့် မိုဘိုင်းငွေပေးချေမှု စနစ်တို့ ပါရှိလာကြသည်။

မိုဘိုင်းဖုန်းအစ မော်တော်ရိုလာက

ပထမဆုံးအကြိမ်အဖြစ် လက်ကိုင်ဖုန်းကို ၁၉၇၃ ခုနှစ်၊ ဧပြီလ၌ မော်တော်ရိုလာ ကုမ္ပဏီက မိတ်ဆက်ပေးခဲ့သည်။ အဆိုပါ လက်ကိုင်ဖုန်း၏ အလေးချိန်မှာ ၂ ကီလိုဂရမ် အလေးချိန်ရှိသည်။ ၁၉၈၄ ခုနှစ်၌ DynaTAC 8000x  လက်ကိုင် မိုဘိုင်းဖုန်းများကို မော်တော်ရိုလာက ဈေးကွက်အတွင်း တရားဝင်ဖြန့်ချိ ရောင်းချခဲ့သည်။ ဖုန်းတစ်လုံး၏ တန်ဖိုးမှာ ၎င်းအချိန်၌ အမေရိကန်ဒေါ်လာ ၃,၉၉၅ ဒေါ်လာ ဖြစ်သည်။ မိုဘိုင်းဖုန်း တည်ဆောက်ရာတွင် အဓိက ပုဂ္ဂိုလ်တစ်ဦးဖြစ်သည့် မော်တော်ရိုလာက Dr. Martin Cooper မှာ မိုဘိုင်းဖုန်းဖြင့် ခေါ်ဆိုမှုကို ပထမဆုံး ပြုလုပ်သူ ဖြစ်လာသည်။

မိုဘိုင်းဖုန်းဈေးကွက်

၁၉၈၃ မှ ၂၀၁၄ ခုနှစ် အထိ မိုဘိုင်းဖုန်း ရောင်းချမှုမှာ တစ်ဟုန် ထိုးမြင့်တက်လာခဲ့ပြီး ၂၀၁၄ ခုနှစ်တွင် Samsung, Nokia, LG နှင့် Apple တို့မှာ စမတ်ဖုန်းထုတ်လုပ်သည့် ထိပ်တန်းကုမ္ပဏီများ ဖြစ်လာကြသည်။

ကမ္ဘာ့အအောင်မြင်ဆုံး စာရင်းအင်းပေါ်တယ်တစ်ခုဖြစ်သည့် Statista ၏ လေ့လာဆန်းစစ်မှုအဆိုအရ မိုဘိုင်းဖုန်း ဖြန့်ချိရောင်းချမှုမှာ ကမ္ဘာတစ်ဝန်းတွင် ၂၀၀၉ ခုနှစ်၌ ၁၇၃.၅ သန်းကျော် ဖြန့်ချိခဲ့ရပြီး  ၂၀၁၄ ခုနှစ် တွင် ၁,၃၀၀.၄ သန်း အထိ ဖြန့်ချိခဲ့ရကြောင်း သိရသည်။

၎င်းမှ ၂၀၁၅ ခုနှစ် တွင် ၁,၄၂၉.၈ သန်း ရောင်းချရမည့်ဟု မျှော်မှန်းထားပြီး ၂၀၁၉ ခုနှစ်တွင် ဖြန့်ချိရောင်းချရမှုမှာ ၁၈၆၂.၃ သန်း အထိရှိ လာမည်ဟု ခန့်မှန်းထားသည်။

သုတေသနလုပ်ငန်း ဖြစ်သည့် Gartner ၏ အဆိုအရ မိုဘိုင်းဖုန်း ရောင်းချရမှုမှာ ၂၀၁၅ ခုနှစ်တွင် ၁,၉၁၀ သန်း ရောင်းချခဲ့ရပြီး ၂၀၁၈ ခုနှစ်တွင် ၂,၀၃၄ အထိ တင်ပို့ ရောင်းချနိုင်လိမ့်မည်ဟု ၎င်းတို့မှ ခန့်မှန်းထားသည်။ ၂၀၁၆ ခုနှစ်အကုန်၌ မိုဘိုင်းဖုန်းများ၏ ၈၂ ရာခိုင်နှုန်းမှာ စမတ်ဖုန်းများ ဖြစ်လာကြလိမ့်မည်ဟု Gartner မျှော်မှန်းထားသည်။

စမတ်ဖုန်းက အစားထိုးနေရာ ယူလိုက်တဲ့ ထုတ်ကုန် (၇)ခု

ယနေ့ စမတ်ဖုန်းသုံးစွဲသူများမှာ နည်းပညာ၏ ကျေးဇူးကြောင့် ယခင်က သီးခြားဆီ ဆောင်ယူသုံးစွဲ ခဲ့ရသည့်အရာများကို စမတ်ဖုန်းအတွင်း ပေါင်းစပ်၍ သုံးစွဲလာရသည်။ စမတ်ဖုန်း ထွက်ပေါ်လာသောကြောင့် ၎င်းမှ အဆိုပါ ထုတ်ကုန်များ ထုတ်လုပ်မှုကို ဖြတ်တောက် ပစ်လိုက်ခြင်းဟုလည်း တစ်နည်းဆိုရပါမည်။ ယခင်က သီးခြားသုံးစွဲရသည့် လိပ်စာစာအုပ်များ၊ အိတ်ဆောင်ပြက္ခဒိန်များ၊ အိတ်ဆောင်နာရီများ၊ ဂဏန်းပေါင်းစက်များမှာ စားသုံးသူ ဈေးကွက်မှ ပျောက်ကွယ်လုနီးပါး ဖြစ်လာကြသည်။ ထိုအထဲတွင် စမတ်ဖုန်းမှ အစားထိုးနေရာ ယူလိုက်သော ထုတ်ကုန် (၇) ခုမှာ အောက်ပါအတိုင်း ဖြစ်သည်။

လိပ်စာစာအုပ်

အိတ်ထဲတွင် ထည့်သွင်းယူဆောင် သွားနိုင်သော ပုံနှိပ်စာရွက်ဖြင့် ထုတ်လုပ်ထားသည့် လိပ်စာများကို မှတ်သားသည့် စာအုပ်များ၏ခေတ်မှာ စမတ်ဖုန်းကြောင့် ကုန်ဆုံးသွားရသည်။ စမတ်ဖုန်းတွင် လိပ်စာမှတ်ရန်အတွက် App များကို သွင်းပေး လိုက်သောကြောင့်ဖြစ်သည်။ တစ်ချက်တို့ ထိရုံဖြင့် ဖုန်းခေါ်ဆိုနိုင်ခြင်း၊ အီးမေးလ် ပေးပို့ခြင်း၊ လိပ်စာမှတ်ထားသူ၏ နေရာကို မြေပုံ၌ကြည့်ရှုခြင်းတို့ကို စမတ်ဖုန်း၏ လိပ်စာမှတ်သည့် App ၌ ပြုလုပ်နိုင်သည်။ ထို့အပြင် လိပ်စာရှင်မှာ သင့်အတွက် မည်မျှအရေးပါသောသူ ဖြစ်သည်ဆိုသည်ကို လိုက်၍ အုပ်စု ခွဲ၍လည်း ထည့်ထားနိုင်သည်။

ပြက္ခဒိန်

အိတ်ဆောင်ပြက္ခဒိန် (သို့မဟုတ်) စီမံကိန်း ရေးဆွဲသူ၏ စာအုပ်မှာ နှစ်စဉ်ဝယ်ယူရသော အရေးပါသည့်အရာ ဖြစ်ခဲ့သည်။ သီးခြားမှတ်သားမှု များအတွက် ကောင်းမွန်သော်လည်း သယ်ဆောင်စရာ တစ်ခုအဖြစ် အလုပ်ပိုခဲ့ပြီး ထုတ်ဝေသူ၏ မှားယွင်းမှုကြောင့် ရက်စွဲမှားယွင်းခြင်းနှင့် မိမိ၏ လိုအပ်ချက်ကြောင့် မှားယွင်းမှတ်သားမှုများ ဖြစ်နိုင်သည်။ စမတ်ဖုန်းအတွင်း ပြက္ခဒိန်ကို ထည့်သွင်းလိုက်သော အခါတွင်ကား မှတ်သားထားသော ရက်စွဲ (သို့မဟုတ်) အချိန် မတိုင်မီအသိ ပေးခြင်းကို မိမိနှစ်သက်သလို ပြုလုပ်ထားနိုင်လာသည်။ အချိန်းအချက် များအတွက် လွဲချော်မမှု မရှိနိုင်တော့ချေ။ တစ်နှစ်စာလုံး အတွက်ပင် မှတ်သားထားနိုင်ပြီး ထိုသို့မှတ်သားထားမှုများကို အီးမေးလ်ဖြင့် ချိတ်ဆက်ထားပြီး မိမိအသိ ပေးလိုသော သူများကိုပါ အသိပေးလိုသည့် အချိန်တွင် အသိပေးစေရန် ပြုလုပ်နိုင်လာသည်။

ဗီဒီယိုရိုက်ကူးစက်

အပျော်တမ်းအဖြစ် ဗီဒီယိုရိုက်ကူးသော စက်များနေရာတွင်လည်း စမတ်ဖုန်းက အစားထိုးနေရာ ယူလိုက်သည်။ ဗီဒီယိုရိုက်ကူး ရန်အတွက် သီးခြားစက်များအတွက် ကုန်ကျစရိတ် သက်သာသည့်အပြင်  စမတ်ဖုန်းများဖြင့် ဗီဒီယိုရိုက်ကူးမှု၏ ကောင်းကျိုးမှာ အင်တာနက်ပေါ်သို့ မိမိတင်လိုသော ဗီဒီယိုကို တင်လိုသည့်အချိန်၌ မိမိဘာသာ ချက်ချင်းတင်နိုင်သည့် အချက်ဖြစ်သည်။ သီးခြားထည့်သွင်း သယ်ဆောင်ရန်လည်း မလိုအပ်တော့ချေ။

ကင်မရာ

Point-and-shoot ကင်မရာဟု လူအများသိထားကြသော အိတ်ဆောင်ကင်မရာများ၏ ခေတ်မှာ စမတ်ဖုန်းများကြောင့် မှေးမှိန်လာသည်။ စမတ်ဖုန်းရှိ ကင်မရာကို အရည်အသွေး ပိုမိုကောင်းမွန်စေရန် ထုတ်လုပ်သူများက အပြိုင်အဆိုင် ထုတ်လုပ်လာသည်ကလည်း တစ်ကြောင်းဖြစ်သည်။ ဖုန်းဖြင့် ရုပ်သေဓာတ်ပုံသာမက ဗီဒီယိုလည်း ရိုက်ကူးနိုင်ပြီး စမတ်ဖုန်း၌ပင် တည်းဖြတ်ပြင်ဆင်မှု ပြုလုပ်ခြင်း၊ ပေးပို့လိုသူများကို ချက်ချင်းပေးပို့နိုင်ခြင်း၊ လူမှုကွန်ရက်များပေါ်တွင် ချက်ချင်းတင်နိုင်ခြင်းတို့က စမတ်ဖုန်းကို ပိုမိုအားကောင်း စေသည့်အချက် ဖြစ်လာသည်။

မြေပုံ

ရှေးယခင်ကစ၍ ယခုအချိန်နှင့် ဆယ်စုနှစ် တစ်ခုနီးပါးကပ်သော အချိန်အထိ လမ်းမှန်ပေါ် ရောက်ရန်အတွက် စီးပွားရေးသမား (သို့မဟုတ်) ခရီးသွားတစ်ဦးမှာ ၎င်းတို့၏အိတ်ထဲ၌ မြေပုံစာရွက်ကို မဖြစ်မနေ ထည့်သွင်းသယ်ဆောင် သွားခဲ့ကြရသည်။ ယခုအခါ၌ မြေပုံစာရွက်အစား စမတ်ဖုန်းအတွင်း ထည့်သွင်းပေးထားသည့် မြေပုံမှာ မိမိရောက်ရှိနေသော နေရာကို ဖော်ပြနိုင်သကဲ့သို့ မြေပုံ၌ ဓာတ်ပုံများ၊ လမ်း၏အမည်များ၊ လမ်းဘေးနားရှိ အရာများအစရှိသဖြင့် ဖော်ပြပေးနိုင်ပြီး သာမန်မြေပုံ၏ လုပ်ဆောင်နိုင်မှုထက် အဆများစွာပိုမို၍ သတင်း အချက်အလက်များကို ပေးလာနိုင်သည်။ နေရာဒေသရှိ အချက်အလက်များကို သူငယ်ချင်း မိတ်ဆွေများ၊ မိသားစုဝင်များနှင့် လုပ်ဖော်ကိုင်ဖက်များထံ ပြန်လည်၍ မျှဝေမှုကိုလည်း ပြုလုပ်နိုင်သည်။

သီချင်းဖွင့်စက်

တိတ်ခွေများ၊ CD နှင့် DVD များမှသည် solid-state drive (SSD) နှင့် သိုလှောင်မှုဆီသို့ ချီတက်လာမှု တစ်လျှောက်တွင် သီချင်းသိုလှောင်မှုကို မပျောက်ပျက်စေရန် ထိန်းသိမ်းရခြင်းနှင့် သီချင်းဖွင့်ရန် သီးခြားစက်များ ဝယ်ယူရခြင်းတို့ရှိခဲ့သည်။ စမတ်ဖုန်းဘက်သို့ လှည့်လိုက်သော အခါတွင် သီးခြားသီချင်းဖွင့်စက်များ မလိုအပ်တော့သကဲ့သို့ သိုလှောင်မှုကိုလည်း ဖုန်းအတွင်းမှာပင် သိမ်းဆည်းနိုင်လာသည်။ ကိုယ်ပိုင်ကွန်ပျူတာ သို့မဟုတ် တက်ဘလက် (Tablet) များရှိ သီချင်းများကို ချိတ်ဆက်ရယူ နိုင်သကဲ့သို့ ကမ္ဘာတစ်ဝန်းမှ သီချင်းများကိုလည်း အင်တာနက် အသုံးပြု၍ ရယူခြင်းနှင့် သိုလှောင်သိမ်းဆည်းခြင်းများ ပြုလုပ်လာနိုင်သည်။

ဂဏန်းပေါင်းစက်

ယခင်က စီးပွားရေး လုပ်ငန်းများတွင် မရှိမဖြစ်ထား၍ သုံးစွဲရသော အရာများထဲ၌ စာရင်းအင်း ကိန်းဂဏန်းများအတွက် ထားရသည့် ဂဏန်းပေါင်းစက်မှာလည်း တစ်ခုအပါအဝင် ဖြစ်သည်။ စမတ်ဖုန်းများ၏ ခေတ်သို့ရောက် ရှိလာသောအခါတွင် App များ၏ ကျေးဇူးကြောင့် သီးခြားဝယ်ယူ သုံးစွဲရသော ဂဏန်းပေါင်းစက်များကို မလိုအပ်တော့ပေ။ စမတ်ဖုန်းပေါ်မှာပင် တွက်ချက်မှုများကို ပြုလုပ်လာနိုင်သည်။

စမတ်ဖုန်းများ၏ ကောင်းကျိုးနှင့် ဆိုးကျိုး

ယနေ့အချိန်တွင်မတော့ လူတိုင်းနီးပါး၏ လက်ထဲတွင် မိုဘိုင်းဖုန်းများ ပိုင်ဆိုင်လာကြပြီ ဖြစ်သည်။ မည့်သည့်နေရာသို့ သွားသည်ဖြစ်စေ ဖုန်းပွတ်နေသူများကို တွေ့မြင်နိုင်ပေပြီ။ မိုဘိုင်းဖုန်းများမှာ လူအများ၏ အပြန်အလှန် ဆက်သွယ်မှုကို အလုံးစုံပြောင်းလဲ ပစ်လိုက်သည်။ ဖုန်းခေါ်ဆိုခြင်း၊ စာတိုပေးပို့ခြင်း၊ အီးမေးလ်ဖတ်ခြင်း၊ ဂိမ်းကစားခြင်း၊ စာဖတ်ခြင်းနှင့် စာပြင်ခြင်း တို့ကဲ့သို့အရာများကို မိုဘိုင်းဖုန်းပေါ်မှာပင် ပြုလုပ်နိုင်လာသည်။

ဖိနပ်မစီး အဝတ်မဝတ်ဘဲ မည်သူမှ အိမ်အပြင်သို့မထွက် သကဲ့သို့ ဖုန်းမယူဆောင်ဘဲနှင့်လည်း အိမ်အပြင်သို့ ထွက်သူမရှိဟုပင် ဆိုနိုင်သည်။ ထိုကဲ့သို့ ဘဝထဲသို့ ထဲထဲဝင်ဝင် ပတ်သက်နေသော အရာ၏ ကောင်းကျိုး ဆိုးပြစ်များကို လေ့လာကြည့်မည်ဆိုပါက

မိုဘိုင်းဖုန်း၏ ကောင်းကျိုး
အလွယ်တကူ ဆက်သွယ်နိုင်သည်

လူတစ်ဦးနှင့်တစ်ဦး မဆက်သွယ်ဘဲနှင့် သီးခြားနေနိုင်သည်ဟူသော အချက်မှာမဖြစ်နိုင်ပေ။ ယခင်က ဝေးကွာသော နေရာများသို့  ဆက်သွယ်ရာတွင် စာပို့သူများ၊ ကြေးနန်းပို့သည့် စနစ်များကို သုံးစွဲလာခဲ့ကြသည်။ ယနေ့တွင် မိုဘိုင်းဖုန်းတစ်လုံး ရှိရုံဖြင့် ကမ္ဘာ့မည်သည့် နေရာတွင် ရှိသည်ဖြစ်စေ မိုဘိုင်းဖုန်းကွန်ရက်ရှိသည့် နေရာတွင် ရှိနေသူဆိုပါက စာများ၊ ပုံများ၊ ဗွီဒီယိုများနှင့် အသံများပေး ပို့နိုင်လက်ခံ ရယူနိုင်မည်ဖြစ်သည်။

အချိန်နေရာမရွေး ချိတ်ဆက်ထားနိုင်

မိုဘိုင်းဖုန်းများမှာ ကွန်ပျူတာများနှင့် တစ်နေ့တစ်ခြား ပိုတူလာသည်။ သုံးစွဲရာတွင်ရရှိသည့် အကျိုးကျေးဇူး များကလည်း တစ်နေ့တစ်ခြား ပိုမိုတိုးလာနေသည်။ အင်တာနက်ဖြင့် ချိတ်ဆက်ထားသည့် မိုဘိုင်းဖုန်း တစ်လုံးမှာ မချိတ်ဆက်ထားသည့် မိုဘိုင်းဖုန်းထက် လုပ်ဆောင်နိုင်စွမ်း အလွန်ကို များပြားလှသည်။ ချိတ်ဆက်ထားမှုအတွက်လည်း အဖိုးအခ မကုန်ဘဲ သုံးစွဲမှကုန်သည့် စနစ်များမှာလည်း မိုဘိုင်းဖုန်း တွင်ကျယ်စွာ သုံးစွဲမှုကို အားပေးနေသည်။ အွန်လိုင်းမှ စာအုပ်များ ရယူနိုင်ခြင်း၊ ငွေကြေးများကို လွှဲပြောင်းခြင်းနှင့် ရယူခြင်း ဗီဒီယို၊ သီချင်းနှင့် ဂိမ်းများကို Download လုပ်နိုင်ခြင်း အစရှိသည်တို့ကို ပြုလုပ်နိုင်သည်။ လူမှုကွန်ရက်များနှင့် ချိတ်ဆက်၍ အချက်အလက်များကို အလျှင်အမြန် ရယူနိုင်လာသည်။ နောက်ဆုံး သင့်ကွန်ပျူတာ၊ သင့်အိမ်နှင့် သင့်ကားကို အဝေးမှပင် ထိန်းချုပ်နိုင်မည် ဖြစ်သည်။

ဘက်စုံသုံး

သက်သောင့်သက်သာ သယ်ဆောင်သုံးစွဲနိုင်သည့် အချက်အပြင် ဖုန်းဖြင့် တီဗွီကြည့်ခြင်း၊ တီဗွီများကိုဖုန်းနှင့် ချိတ်ဆက်၍ ထိန်းချုပ်နိုင်ခြင်း၊ ဓာတ်ပုံနှင့် ဗွီဒီယိုများ ရိုက်ကူးခြင်း၊ စာ/အသံ/ရုပ်/ဗွီဒီယို စသည်တို့ဖြင့် ဆက်သွယ်နိုင်ခြင်း အစရှိသည်တို့အပြင် မိုဘိုင်းဖုန်းကို မိမိ၏ နေ့စဉ်ကိုယ်ရေး လက်ထောက်အဖြစ် ထားသုံးလာနိုင်သည်။

အရေးပေါ်အခြေအနေ

မိုဘိုင်းဖုန်းရှိရုံဖြင့် လုံခြုံရေးအတွက် အာမခံနိုင်ပြီဟု မဆိုနိုင်သော်လည်း မည်သည့်အချိန်တွင် မည်သို့သော အရေးပေါ်အခြေအနေ ကြုံတွေ့နေရသည်ဖြစ်စေ မိုဘိုင်းဖုန်းဖြင့် အရေးပေါ်အကူအညီအတွက် ဖုန်းခေါ်နိုင်မည်ဖြစ်သည်။ ခရီးသွားနေသူများ (သို့မဟုတ်) မိမိနေအိမ်မှ အဝေးသို့ သွားနေသူများအတွက် အဆိုပါအချက်မှာ လွန်စွာအရေးကြီးလှသည်။ ရုတ်တရက် မတော်တဆမှု ဖြစ်ပါကလည်း သင့်ကို အကူအညီပေးနိုင်မည့် မည်သူ့ကို အချိန်မရွေး ဖုန်းခေါ်နိုင်မည်ဖြစ်ပြီး၊ အခြေအနေကို ဓာတ်ပုံနှင့် ဗွီဒီယိုရိုက်ကူးခြင်းများပါ ပြုလုပ်ထားနိုင်မည် ဖြစ်သည်။

မိုဘိုင်းဖုန်း၏ ဆိုးကျိုး
စိတ်အနှောင့်အယှက် ကြုံတွေ့နိုင်

ဖုန်းမှာကိုယ်နှင့်မကွာ ဆောင်ထားသည့် အရာဖြစ်သည့်အတွက် သင့်ထံသို့ မည်သူမဆို ဖုန်းခေါ်ဆိုလာ နိုင်သည့်ဟူသော အချက်ကိုလည်း သတိပြုသင့်ပါသည်။ လူမှုကွန်ရက်နှင့် Messaging App ပေါ်ရှိ မိတ်ဆွေများ၊ လုပ်ဖော်ကိုင်ဖက်များ၏ ဆက်သွယ်မှုကိုလည်း အချိန်မရွေး လက်ခံရရှိ နိုင်မည်ဖြစ်ပါသည်။ ထိုအချက်မှာ သင့်အတွက် စိတ်အနှောင့်အယှက် ဖြစ်ကောင်းဖြစ်နိုင်ပါမည်။

ကိုယ်ရေးကိုယ်တာများ ပေါက်ကြားနိုင်

သင့်အချက်အလက်များကို သင့်ကိုယ်ပိုင် ဖုန်းအတွင်း သိမ်းထားမည်ဆိုသည့် အချက်မှာ လူတိုင်းအလိုလို သိနေသောအရာ ဖြစ်သည်။

ထိုအချက်သည်ပင် သင့်အတွက် အန္တရာယ်ရှိနိုင်သော အချက်ဖြစ်သည်။ ဖုန်းကို ခိုးယူသွားသည်ဖြစ်စေ၊ သင်မေ့ကျန်၍ဖြစ်စေ အချက်အလက်များ ပေါက်ကြားသွားနိုင်သည်။ ထို့အတွက် သင့်ဖုန်းကို အခွင့်မရှိသူများ မသုံးစွဲနိုင်စေရန် ပြုလုပ်ထားသင့်သည်။ ဖုန်းအတွင်း၌ အလွန်အရေးပါသော အချက်အလက်များကို သိုလှောင်ခြင်းမှ ရှောင်ရှားသင့်သည်။

ကြားဖြတ်နှောင့်ယှက်ခြင်း

သင်ကားမောင်းနေစဉ်ဖြစ်စေ၊ အလုပ်ကိစ္စအတွက် အရေးပါသော ဆွေနွေးမှုကို ပြုလုပ်နေသည်ဖြစ်စေ၊ ကိုယ်ရေးကိုယ်တာ ကိစ္စအတွက် ပြောဆိုနေသည်ဖြစ်စေ ထိုသို့သော အချိန်များ၌ ဖုန်း (သို့မဟုတ်) မက်ဆေ့ခ်ျ ဝင်လာသည်ကို လူတိုင်း ကြုံတွေ့ဖူးကြ ပါလိမ့်မည်။ ထိုအချက်ကသင်၏ စိတ်ပိုင်းဆိုင်ရာ စူးစိုက်မှုကို ကျဆင်းစေနိုင်သည့် အချက်ဖြစ်သည်။ ထိုအချိန်များတွင် ဖုန်းကိုအသံ ပိတ်ထားသည်က အကောင်းဆုံးအချက် ဖြစ်သည်။ ကားမောင်းစဉ် အတွင်းဆိုလျှင် ကြိုးမဲ့စကားပြောနိုင်သော Bluetooth စက်များကို သုံးစွဲသင့်ပါသည်။

လက်တွေ့ဘဝကို အကျိုးသက်ရောက်ခြင်း

ယနေ့တွင် လူမှုကွန်ရက်များ၏ အကျိုးသက်ရောက်မှုက ကြောက်ခမန်းလိလိပင်။ လူအများစုမှလည်း Facebook, Twitter, Viber နှင့် WhatsApp တို့ကဲ့သို့ လူမူကွန်ရက်နှင့် မက်ဆေ့ခ်ျ ပေးပို့သော App များကို စွဲလန်းစွာသုံးစွဲနေကြသည်။ ထိုအရာများ သုံးစွဲ၍ ဆက်သွယ် ဆောင်ရွက်သည်မှာ မှားယွင်းသော အရာမဟုတ်သော်လည်း မျက်နှာချင်းဆိုင် စကားပြောချိန် နည်းပါးလာခြင်းနှင့် အချိန်ကို ထိုအရာများထဲ၌ အများအပြားနှစ်၍ ထားခြင်းက တစ်ကိုယ်ရည် တိုးတက်မှုကို လျှော့ကျလာစေနိုင်သည်။ မိသားစုနှင့် မိတ်ဆွေများကို ပြင်ပလောကတွင် အချိန်ပေး၍ တွေ့ဆုံခြင်းက လူမှုကွန်ရက်တွင် တွေ့ဆုံခြင်းထက် ပိုမိုကောင်းမွန်သည့် အချက်ဖြစ်သည်။

Ref: Wikipedia, techlife.samsung.com, enkivillage.com, gartner.com, statista.com