၂၀၁၅ ခုနှစ်အတွင်း Oppo မှ စမတ်ဖုန်း အလုံးပေါင်း သန်း ၅၀ ကျော် ရောင်းချခဲ့ရ

12654417_10206307370703010_7938201304996739811_n.jpg

၂၀၁၄ ခုနှစ်တွင် မြန်မာနိုင်ငံဈေးကွက်သို့ စတင်ဝင်ရောက်လာသည့် တရုတ်နိုင်ငံအခြေစိုက် စမတ်ဖုန်း ကုမ္ပဏီတစ်ခုဖြစ်သည့် Oppo မှ ၂၀၁၅ ခုနှစ်အတွင်း စမတ်ဖုန်း အလုံးပေါင်း သန်း ၅၀ ရောင်းချခဲ့ရပြီး ၆၇ ရာခိုင်နှုန်းအထိ တိုးတက်မှုရှိခဲ့ကြောင်း သိရသည်။

အဆိုပါအောင်မြင်မှုကြောင့် Oppo အမှတ်တံဆိပ် စမတ်ဖုန်းသည် ကမ္ဘာတစ်ဝန်းရှိ ထိပ်တန်းအမှတ်တံဆိပ် စမတ်ဖုန်း ၁၀ ခု စာရင်းတွင် ပါဝင်လာကြောင်း သိရသည်။

ကမ္ဘာ့ရှယ်ယာဈေးကွက်တွင် Samsung မှ ၂၄ ဒဿမ ၈ ရာခိုင်နှုန်းဖြင့် ထိပ်ဆုံးမှ ဦးဆောင်နေကာ ၎င်း၏နောက်မှ Apple, Huawei, Xiaomi, Lenovo, LG, TCL အစရှိသည့် စမတ်ဖုန်းတို့ အစဉ်လိုက် ရပ်တည်ကာ Oppo ကအဆင့် ၈ နေရာ၌ ရပ်တည်နေကြောင်း TrendForce မှ ဖော်ပြထားသည်။

“အခု ကျွန်မတို့ ထုတ်ပြန်လိုက်တဲ့ အရေအတွက်က မြန်မာနိုင်ငံတစ်ခုတည်းမှာ ရောင်းချရတဲ့ အရေအတွက် မဟုတ်ပါဘူး။ ကျွန်မတို့ Oppo စမတ်ဖုန်း ဈေးကွက် ရှိတဲ့ နိုင်ငံတိုင်းမှာ ရောင်းချရတဲ့ အရေအတွက် အားလုံးပေါင်းကို ထုတ်ပြန်ထားတာဖြစ်ပါတယ်” ဟု Oppo Myanmar မှ တာဝန်ရှိသူတစ်ဦးဖြစ်သည့် မလင်းလင်းဦးက ပြောပြခဲ့သည်။

Oppo အမှတ်တံဆိပ် စမတ်ဖုန်းသည် ထုတ်ကုန်အရည်အသွေးနှင့် သုံးစွဲသူတို့၏ အတွေ့အကြုံကို ဦးစားပေးသော ကုမ္ပဏီ၏ ရိုးရှင်းစွာ အာရုံစိုက်ခြင်း ဗျူဟာကြောင့် ၂၀၁၅ ခုနှစ်တွင် မြန်မာနိုင်ငံဈေးကွက်၌ အောင်မြင်မှုရရှိခဲ့ခြင်း ဖြစ်သည်။ ထို့အပြင် လျင်မြန်စွာ အားသွင်းပေးနိုင်သည့် နည်းပညာများဖြစ်သည့် VOOC Flash Charge နှင့် feature အများအပြား ပါဝင်သော Camera Platform ကဲ့သို့ ဆန်းသစ်သည့် နည်းပညာများကြောင့်လည်း ကမ္ဘာတစ်ဝန်းမှ သုံးစွဲသူများ၏ ထောက်ခံအားပေးခြင်းကို ရရှိခဲ့ကြောင်း သိရသည်။

Oppo သည် ၂၀၁၅ ခုနှစ်အတွင်း မြန်မာနိုင်ငံဈေးကွက်အတွင်းသို့ R7 စီးရီးများ၊ Mirror 5 နှင့် Neo 7 အပါအဝင် ထုတ်ကုန်သစ်များစွာကို တင်သွင်းဖြန့်ချိခဲ့ပြီး R7 စီးရီးထုတ်ကုန်များတွင် ပါဝင်လာသည့် VOOC Flash Charge နှင့် ဓာတ်ပုံပညာရပ်ဆိုင်ရာ အတွေ့အကြုံများကြောင့် မြန်မာနိုင်ငံတွင်သာမက ကမ္ဘာတစ်ဝန်းရှိ အလယ် အလတ်တန်းစား စမတ်ဖုန်းဈေးကွက်တွင် အသာစီးရယူခဲ့သည်။

တရုတ်နိုင်ငံနှင့် အရှေ့တောင်အာရှတွင် ခိုင်မာသည့်ဈေးကွက်ကို ရရှိထားသည့် Oppo သည် ၂၀၁၅ ခုနှစ်အတွင်း မော်ရိုကို၊ အယ်လ်ဂျီးရီးယား၊ အီဂျစ်နှင့် သီရိ လင်္ကာနိုင်ငံများတွင်လည်း လုပ်ငန်းများ တိုးချဲ့ဖွင့်လှစ်ခဲ့ကာ လာမည့် ၂၀၁၆ ခုနှစ်တွင်လည်း ယခုရရှိထားသည့် အောင်မြင်မှုကို ဆက်လက် ထိန်းသိမ်းသွားမည်ဖြစ်ကြောင်း သိရပြီး တရုတ်နိုင်ငံပြင်ပမှ ဈေးကွက်များတွင် ၆၀ ရာခိုင်နှုန်း တိုးတက်မှုရှိလာရန် ရည်မှန်းထားသည်။