ဓာတ်လိုက်နိုင်သည့် အန္တရာယ်ကြောင့် plug adapter များကို Apple ပြန်လည်သိမ်းဆည်း

wallplugs.jpg

၂၀၀၃ ခုနှစ်မှ ၂၀၁၅ ခုနှစ်အတွင်း သက်ဆိုင်ရာဒေသများ၌ တင်ပို့ရောင်းချခဲ့သော iPhone နှင့် iPad စသည့် iOS ထုတ်ကုန်များနှင့် Mac များရှိ AC wall plug adapter များကို Apple က ပြန်လည်သိမ်းဆည်းမည့် သတိပေးချက်တစ်ရပ် ထုတ်ပြန်ခဲ့သည်။ အဆိုပါ plug adapter သည် အချို့သော Apple World Travel Adapter Kit များတွင် ပါဝင်သည်။

အာဂျင်တီးနား၊ သြစတြေးလျ၊ ဘရာဇီးလ်၊ ဥရောပတိုက်၊ နယူးဇီလန်နှင့် တောင်ကိုရီးယားရှိ Apple ထုတ်ကုန်သုံးစွဲသူများမှာ plug adapter ပြန်လည်သိမ်းဆည်းမည့် အစီအစဉ်တွင်ပါဝင်သည်။ အမေရိကန်၊ ယူကေ၊ တရုတ်နှင့် ဂျပန်နိုင်ငံများတွင် ရောင်းချခဲ့သော plug adapter များတွင်မူ သက်ရောက်မှုရှိမည် မဟုတ်ပေ။

Apple သည် အရည်အသွေးမြင့် ထုတ်ကုန်များကြောင့် နာမည်ကောင်းရရှိထားသော်လည်း အချို့သော အစိတ်အပိုင်းများနှင့် ထုတ်ကုန်များတွင် ပြဿနာများနှင့် မကြာခဏ ရင်ဆိုင်နေရသည်။ ဥပမာအနေဖြင့် iPhone 5 တွင်ဖြစ်ပွားသော ဘက်ထရီနှင့် sleep/wake ခလုတ် ပြဿနာအတွက် အစားထိုးမည့်အစီအစဉ်များ ပြုလုပ်ခဲ့ရသလို iPhone 4 တွင်လည်း antennagate ပြဿနာကြောင့် အခမဲ့ bumper များ ပေးခဲ့ရသည်။

ယခုဖြစ်ရပ်တွင် Apple AC wall plug adapter သည် ထိလိုက်သည့်အခါ ဓာတ်လိုက်မှုဖြစ်ပွားနိုင်ကြောင်း၊ သို့ရာတွင် ထိုကဲ့သို့ဓာတ်လိုက်သည့်ဖြစ်ရပ်မှာ အလွန်ရှားပါးကြောင်း ကုမ္ပဏီမှ ပြောကြားခဲ့သည်။ ချွတ်ယွင်းမှုရှိသည့် adapter များကြောင့် ကမ္ဘာတစ်ဝန်းတွင် ဓာတ်လိုက်မှုဖြစ်ပွားသည့် ဖြစ်ရပ် ၁၂ ခု ရှိခဲ့ကြောင်း Apple မှ ဆိုခဲ့သည်။

Apple ကမူ သုံးစွဲသူများအနေဖြင့် အဆိုပါ plug များ အသုံးပြုခြင်းကို ရပ်တန့်ရန် တောင်းဆိုထားပြီး serial number များကို စစ်ဆေးကာ adapter များကို ပြန်လည်အစားထိုးမည့် အစီအစဉ် ပြုလုပ်ပေးမည်ဟု ပြောကြားခဲ့သည်။ အသေးစိတ်အချက်အလက်ကို ကုမ္ပဏီ၏ဝက်ဘ်ဆိုက်တွင် လေ့လာနိုင်သည်။

Ref: CNET