ဖုန်းဘီလ် တစ်သောင်းကျပ်ဖြည့်လျှင် တစ်သောင်းကျပ် အပိုပေး

12565502_767534690013946_3014092583357191428_n.jpg

Telenor နည်းတူ MPT သည် ဖုန်းဘီလ် တစ်သောင်းကျပ်ဖြည့်လျှင် တစ်သောင်းကျပ် အပိုပေးသည့် ပရိုမိုးရှင်းကို စတင်လိုက်ကြောင်း သိရသည်။

တစ်ထောင်ကျပ်ဖြည့်လျှင် ၂၀၀ ကျပ်၊ ၃ ထောင်ကျပ်ဖြည့်လျှင် ၉၀၀ ကျပ်၊ ၅ ထောင်ကျပ်ဖြည့်လျှင် ၂ ထောင်ကျပ်၊ တစ်သောင်းကျပ်ဖြည့်လျှင် တစ်သောင်းကျပ် အပိုလက်ဆောင်ပေးခြင်းကို ဇန်နဝါရီလ ၂၉ ရက်မှ ဖေဖော်ဝါရီလ ၉ ရက်အထိ MPT က ပေးအပ်ခဲ့ခြင်းဖြစ်သည်။

ကန့်သတ်ချက်အရ ဘီလ်ဖြည့်သွင်းခြင်းမှ အပိုရရှိလာသည့် ငွေပမာဏကို ၁၅ ရက်အတွင်း ကုန်ဆုံးအောင် အသုံးပြုရမည်ဖြစ်ပြီး GSM နှင့် WCDMA အတွက် Postpaid နှင့် Prepaid နှစ်မျိုးစလုံးအပြင် အီလက်ထရောနစ် ငွေဖြည့်သွင်းခြင်းများပါ အကျုံးဝင်သည်ဟု သိရသည်။

ကန့်သတ်ချက်အရ CDMA ဖုန်းလိုင်းများအတွက် Prepaid စနစ် ငွေဖြည့်သွင်းခြင်း တစ်မျိုးတည်းသာ အပိုငွေရရှိခြင်းကို အကျုံးဝင်ပြီး အပိုရရှိလာသည့် ငွေဖြင့် ဖုန်းခေါ်ဆိုခြင်း၊ စာတိုပေးပို့ခြင်းနှင့် အင်တာနက် အသုံးပြုခြင်းတို့ကိုသာ ပြုလုပ်နိုင်မည်ဖြစ်သည်။

အဆိုပါကဲ့သို့ အပိုငွေပေးအပ်သည့် ပရိုမိုးရှင်းကို Telenor က ဇန်န၀ါရီလ ၂၁ ရက်မှ ၃၁ ရက်အထိ ပေးအပ်ထားပြီး ဖြစ်သည်။