အကျယ်ပြန့်ဆုံးသော 3G ကွန်ရက်ကို ပိုင်ဆိုင်ထားသည်ဟု MPT က ကြေညာ

12622215_1232472243434968_6915852807014353819_o.jpg

Telenor က အောက်တိုဘာလအတွင်း 3G ကွန်ရက်ကို မြန်မာနိုင်ငံ၌ ၎င်းတို့အနေဖြင့် အကျယ်ပြန့်ဆုံး ပိုင်ဆိုင်ထားသည်ဟု ကြေညာခဲ့ပြီးနောက် MPT သည် လက်ရှိအချိန်တွင် ၎င်းတို့သည် 3G ကွန်ရက်ကို မြန်မာနိုင်ငံ၌ အကျယ်ပြန့်ဆုံး ပိုင်ဆိုင်ထားသည်ဟု ထပ်မံကြေညာလိုက်သည်။

MPT ၏ ကြေညာချက်အရ ၎င်းတို့သည် နိုင်ငံ၏ မြေဧရိယာ ၉၀ ရာခိုင်နှုန်းကျော်ကို 3G ကွန်ရက် လွှမ်းခြုံနိုင်ခဲ့ပြီး ယခင် လူဦးရေ ၆၀ ရာခိုင်နှုန်းကိုသာ 3G ကွန်ရက် လွှမ်းခြုံနိုင်ခဲ့သော်လည်း ယခုအခါ နိုင်ငံလူဦးရေ၏ ၉၀ ရာခိုင်နှုန်းကျော်ကို 3G ကွန်ရက် လွှမ်းခြုံထားနိုင်ခဲ့ပြီဟု သိရသည်။

ကွန်ရက်လွှမ်းခြုံမှု၏ သဘောသဘာဝအရ နယ်မြေဧရိယာ လွှမ်းခြုံနိုင်မှုနှင့် လူဦးရေအပေါ် လွှမ်းခြုံနိုင်မှုဟူ၍ နှစ်မျိုးရှိကြောင်း၊ လာမည့် မတ်လအကုန်၌ နယ်မြေ ဧရိယာနှင့် နိုင်ငံလူဦးရေအပေါ် ၉၅ ရာခိုင်နှုန်းခန့် 3G ကွန်ရက် လွှမ်းခြုံထားနိုင်မည်ဖြစ်ကြောင်း MPT က သတင်းထုတ်ပြန်ခဲ့သည်။

ထို့အပြင် 2G ကွန်ရက်မှာ 3G ကွန်ရက်အဖြစ် အဆင့်မြှင့်တင်နိုင်ခဲ့သည့်အတွက် MPT ၏ အသုံးပြုသူ ၁၈ သန်းကျော်သည် အင်တာနက်အသုံးပြုမှုကို 21Mbps အထိ အရေအသွေးမြင့်စွာ ပြောင်းလဲအသုံးပြုလာနိုင်မည့် MPT က အသိပေး အကြောင်းကြားခဲ့သည်။

MPT သည် ၎င်းတို့၏ လက်ရှိ တာဝါပိုင်ဆိုင်မှုကို ထုတ်ပြန်ပြောဆိုထားခြင်း မရှိသော်လည်း ၎င်းတို့အနေဖြင့် လာမည့်မတ်လအကုန်တွင် တာဝါတိုင်ပေါင်း ၅ ထောင်ကို ပိုင်ဆိုင်နိုင်မည်ဟု ထုတ်ပြန်ပြောဆိုထားသည်။ အလားတူ 3G ကွန်ရက်ကို အကျယ်ပြန့်ဆုံး ပိုင်ဆိုင်ထားသည်ဟု သတင်းများ ထုတ်ပြန်ထားသည့် Telenor သည် ၎င်းတို့ထံ၌ ရာနှုန်းပြည့် 3G ကွန်ရက်ကို ထောက်ပံ့ပေးနိုင်သည့် တာဝါတိုင် ၃,၃၀၀ ကို ပိုင်ဆိုင်ထားကြောင်း အောက်တိုဘာလက ကြေညာခဲ့သည်။

MPT နှင့် Telenor တို့သည် 2G နှင့် 3G ကွန်ရက် နှစ်မျိုးစလုံးကို ၀န်ဆောင်မှုပေးအပ်ခဲ့သည့် ဆက်သွယ်ရေး အော်ပရေတာများဖြစ်ကြပြီး Ooredoo သည် 3G ကွန်ရက် တစ်မျိုးတည်းကို ဝန်ဆောင်မှုပေးအပ်ခဲ့သည့် ဆက်သွယ်ရေး အော်ပရေတာ ဖြစ်သည်။ ဆက်သွယ်ရေး အော်ပရေတာတစ်ခုဖြစ်သည့် အဆိုပါ Ooredoo သည် တာဝါတိုင်ပေါင်း ၂,၅၀၀ နီးပါးကို ပိုင်ဆိုင်ထားသည်။