ဘားကမ့် ရန်ကုန် ၂၀၁၆

DEMON_Plus_17-4-1.jpg

(၇)  ကြိမ်မြောက် BarCamp Yangon 2016 ကို ဇန်န၀ါရီလ ၃၀ နှင့် ၃၁ ရက်များ၌ ကျင်းပတော့မည်ဖြစ်သည်။ အဆိုပါ အခမ်းအနားကို နှစ်စဉ်ကျင်းပသည့် MICT Park ၌ ကျင်းပမည် ဖြစ်သည်။

ဘားကမ့်ရန်ကုန်မှာ နည်းပညာတစ်ခုတည်း အတွက် ရည်ရွယ်၍ ကျင်းပခြင်းမဟုတ်သည့် အတွက်ကြောင့် အခြားသော ကဏ္ဍများမှ ၀င်ရောက်ဆွေးနွေးနိုင် မည်ဖြစ်ကြောင်း၊ ထိုသို့ လွတ်လပ်စွာ ၀င်ရောက်ဆွေးနွေးမျှဝေနိုင်ရန်အတွက် ပါဝင်ဆွေး နွေး မည့်သူများ၊ တက်ရောက်နားထောင်မည့်သူများ အတွက် နည်းလမ်းသစ်များ ပါဝင်မည်ဖြစ်ကြောင်း ယခုနှစ်ဖြစ်မြောက်ရေး အဖွဲ့မှ ဆိုထားသည်။

ဘားကမ့်ရန်ကုန် ၂၀၁၆ မှာ ဘာတွေထူးခြားမလဲ

ဝင်ရောက် ဆွေးနွေးမည့်သူများ၏ အကြောင်းအရာ ခေါင်းစဉ်များအား မှတ်တမ်းတင်ထား ရှိရန် လည်းကောင်း၊ အချိန်နှင့် အခန်းအရေအတွက် အပါအ၀င်ဦးရာလူ စနစ်ဖြစ်သောကြောင့် ဟောပြောဆွေးနွေးခွင့် မရရှိသူများ၏ ရည်ရွယ်ထားသော အကြောင်းအရာနှင့် စိတ်ပါဝင်စားသည့် ကဏ္ဍများအား မှတ်တမ်း တင်ထားနိုင်ရန် လည်းကောင်း၊ ၀င်ရောက်ဆွေးနွေးကြမည့်အကြောင်းအရာ ခေါင်းစဉ်များနှင့် အခန်း၊ အချိန်တို့အား ကြည့်ရှုရာတွင် ပိုမိုအဆင်ပြေစွာ ကြည့်ရှုနိုင်ရန် လည်းကောင်း နည်းလမ်းသစ်များ ပြင်ဆင်ထားသည်ဟုဆိုသည်။ ထိုသို့ မှတ်တမ်းတင်ခြင်းအားဖြင့်နောင်တွင် ကျင်းပမည့် ဘားကမ့်များ အတွက် အထောက်အကူပြု အချက်အလက်များဖြစ်စေမည်ဟု ဆိုသည်။

တက်ရောက်မည့်သူများ သိသင့်သည့် အချက်

ဘားကမ့်ရန်ကုန် ၂၀၁၆ တက်ရောက်မည့်သူများတွက် တက်ရောက်ခွင့်လက်မှတ်များကို ဇန်န၀ါရီလ  ၁ ရက်မှစတင်ကာ အွန်လိုင်းမှတ်ပုံတင်ပြုလုပ်နိုင်ပြီ ဖြစ် သည်။ ၎င်း Register Link ကို ဘားကမ့် ရန်ကုန်၏ ဖေ့စ်ဘုတ်စာ မျက်နှာဖြစ်သည့် www.facebook.com/barcampyangon နှင့် ၀က်ဘ်ဆိုက် www.barcam pyangon.org တွင် လွှင့်တင်ထားကြောင်း သိရသည်။ အခမ်းအနားနှင့် ပတ် သက်၍ သတင်းထုတ်ပြန်ချက်များကို အဆိုပါနေရာများတွင် အချိန်နှင့်တစ်ပြေးညီ ထုတ်ပြန်ပေးသွား မည်ဟု ဆိုသည်။ အခမ်းအနား ကျင်းပမည့်နေ့အထိ အွန်လိုင်းမှတ်ပုံတင် ပြုလုပ်နိုင်မည်ဖြစ်ကြောင်း သိရသည်။

(၇) ကြိမ်မြောက် ဘားကမ့် ရန်ကုန် အကြောင်း

နည်းပညာတစ်ခုတည်း အတွက်ရည်ရွယ်၍ ကျင်းပခြင်းမဟုတ်သည့်အတွက်ကြောင့် အခြားသောကဏ္ဍများမှ ၀င်ရောက် အသိပညာ ဝေမျှနိုင်မည်ဖြစ်သည်။ ဆွေးနွေးချိန် တစ်ခုတိုင်းအတွက် (၄၅) မိနစ်ခွင့်ပြုထားပြီး Projector များ၊ Microphone များအား ဘားကမ့်ဖြစ်မြောက်ရေး အဖွဲ့မှ ထောက်ပံ့ ပေးထားမည် ဖြစ်ကြောင်း သိရသည်။

မိမိအသိပညာဝေမျှနေသည့် အကြောင်းအရာနှင့် ခေါင်းစဉ်ကို ပရိသတ်ပိုမို စိတ်ဝင်စားမှု ရရှိလျက် သတ်မှတ်ချိန် (၄၅) မိနစ်ထက်ကျော်လွန်ပါက မိမိပရိတ် သတ်နှင့်အတူ ပြင်ပ သင့်တော်ရာ နေရာလွတ် တစ်ခုခုတွင်ဆက်လက်ဆွေးနွေးနိုင်ရန် MICT Park မြက်ခင်းပြင်အတွင်းနေရာများစီစဉ်ပေးထားမည် ဖြစ်ကြောင်း သိရသည်။

၂၀၁၀ ခုနှစ်နောက်ပိုင်း မြန်မာနိုင်ငံသည် နည်းပညာပိုင်းသာမက အခြားသောကဏ္ဍများကို ဖွံ့ ဖြိုးတိုးတက်ရေးအတွက် အရှိန်အဟုန်ဖြင့်ဆောင်ရွက်လျက်ရှိပြီး အရှေ့တောင် အာရှ၏ တစ်ခုတည်း သောအကြီးမားဆုံးကျန်ရှိသည့် တယ်လီကွန်းဈေးကွက်ဖြစ်ကြောင်း၊ အလားအလာကောင်းသော

အိုင်တီ ဈေးကွက်တစ်ခု အဖြစ်တည်ရှိနေပြီး အနာဂတ် အခွင့်အလမ်းများအတွက် ဘားကမ့်ရန်ကုန်၂၀၁၆ တွင် တက်ရောက် ပါဝင်ဆွေးနွေးခြင်းဖြင့် အသိပညာ ဗဟုသုတများ တိုးပွားစေရန် ရည်ရွယ်ကြောင်း ဘားကမ့်ရန်ကုန်ဖြစ်မြောက်ရေးအဖွဲ့က ပြောသည်။

ဘားကမ့်၏ မူများ အတိုင်း လွတ်လပ်ပွင့်လင်းစွာ ဆွေးနွေး ကြရန်၊ အဆင့်အတန်းမခွဲခြားရန်၊ မတူကွဲပြားမှုနှင့်အတူ ပူးပေါင်းဆောင်ရွက်နိုင်ရန်၊ လူငယ်များ၏ တီထွင်ဖန်တီးမှု ပိုမိုတိုးတက်လာ စေရန်၊ ၀ါသနာတူများ စုစည်းပြီး အောင်မြင်သော အနာဂတ်အခွင့်အလမ်းများ ဖန်တီးရရှိစေရန် စသည်တို့ကို အခြေခံ၍ နှစ်စဉ်နှစ် တိုင်း ဘားကမ့်ရန်ကုန်ကို ပြုလုပ်နေရခြင်းဖြစ်သည်ဟု ဆိုထားသည်။

ဘားကမ့်ရန်ကုန် ၂၀၁၆ ကို အောင်မြင်စွာ ကျင်းပနိုင်ရေး အတွက် Organizer အဖြစ်ပါဝင် လိုသူများအား အစည်းအဝေးများ စတင်ခေါ်၍ ဖွဲ့စည်းပြီးဖြစ်ကြောင်း၊ ယခင်နှစ်များတွင် ပါဝင်ခဲ့သော Organizer များ အပြင် အခြား လူငယ် Organizer အသစ် များလည်းပါဝင်လာသည် ဟုသိရသည်။

BarCamp ၏ အဓိပ္ပာယ်

BarCamp ဆိုသည်မှာ ကြိုတင်စီစဉ်ထားခြင်းမရှိဘဲ တက်ရောက်လာသူများ၏ ကျွမ်းကျင်ရာ အသိပညာပိုင်းဆိုင်ရာ အတတ်ပညာပိုင်းဆိုင်ရာများကို တစ်ချိန်တည်း၊ တစ်ပြိုင်နက်တည်း ဆွေးနွေးဟောပြောနိုင်ရန် စီစဉ်ဖန်တီးပေးမည့် အခမ်းအနားတစ်ခုဖြစ်သည်။ နိုင်ငံတကာတွင် တွင်ကျယ်လာသည့်နည်းတူ မြန်မာနိုင်ငံတွင်လည်း ပထမဦးဆုံး BarCamp ကို ၂၀၁၀ ခုနှစ်က ရန်ကုန်မြို့တွင် စတင်ကျင်းပခဲ့ရာ အရှေ့တောင် အာရှတစ်ဝှမ်း အအောင်မြင်ဆုံး အခမ်းအနား တစ်ရပ်ဖြစ်ခဲ့သည်။ ၎င်းနောက် BarCamp Yangon, BarCamp Mandalay, BarCamp Taunggyi, Barcamp Pathein, BarCamp Laisho, BarCamp Pyay အစရှိသည်ဖြင့် စဉ်ဆက်မပြတ် ကျင်းပလာခဲ့သည်။ ယခုအခါ ရန်ကုန်မြို့တွင် (၇) ကြိမ်မြောက်ဖြစ်လာသည်။

BarCamp များကို ကျင်းပပြီးရရှိလာသော ရလဒ်များနှင့် ပတ်သက်၍ BarCamp စီစဉ်သူများက ဝင်ရောက်စွက်ဖက်မည် မဟုတ်ပေ။ ထို့ကြောင့် BarCamp ၏ သဘောသဘာဝအရ မိမိဆွေးနွေးလိုသော အကြောင်းအရာများကို လွတ်လပ်စွာ နှီးနှောဖလှယ်နိုင်မည် ဖြစ်သည်။ ၎င်းအပြင် BarCamp မှာ လူမှုရေး၊ နည်းပညာနှင့် စီးပွားရေး အစရှိသည့်ကဏ္ဍများစွာကို ပေါင်းကူးပေးသည့်အတွက် စီးပွားရေးအကြောင်း သိချင်သူများ၊ နည်းပညာအကြောင်း သိချင်သူများ၊ လူမှုရေးအကြောင်းအရာများ စသဖြင့် မိမိထွန်းကားရာ နယ်ပယ်အလိုက် ဆွေးနွေးလိုသူ အချင်းချင်း တွေ့ဆုံနိုင်မည် ဖြစ်သည်။

ကိုဇော်ဇော်မျိုးလွင်

(PR/Marketing Team) Barcamp Yangon 2016

ဒီနှစ်မှာ လာရောက် အသိပညာဝေမျှမယ့်သူ (Speaker) တွေက အရင်လို ဘုတ်ပေါ်မှာ ကိုယ်ပြောမယ့် စာရွက်ကပ်တဲ့ စနစ်မဟုတ်တော့ပါဘူး။ ကိုယ်က စကားပြောသူ (Speaker) အဖြစ်လာ ရောက်တာဆိုရင် ပထမဆုံး သတ်မှတ်စားပွဲကို သွားပြီး ဖောင်ဖြည့်ရပါမယ်။ ဖောင်အပ်တဲ့အခါ စာရွက်နှစ်ရွက်ထုတ်ပေးမယ်၊ အဲဒီစာရွက်နဲ့ အခန်းစီစဉ်တာတို့ Confirm လုပ်တာတို့ ဆောင်ရွက် ပေးသွားမှာပါ၊ အခန်းရရင်စာရွက် နှစ်ရွက်ရမှာ ဖြစ်ပြီး တစ်ရွက် ကအခန်းရှေ့ တစ်ရွက်က Topic Board  မှာ ကပ်ပေးသွားမှာပါ။ ဒီလိုလုပ်လိုက်ခြင်းအားဖြင့် ခေါင်းစဉ်တွေကို တစ်နေရာတည်းမှာ တစ်ခါတည်းစုစည်းပြီးသားလည်း ဖြစ်သွားမယ်၊ တချို့ ခေါင်းစဉ်တွေက လူအနည်းစုအတွက် ရည်ရွယ်ပေမယ့် အခန်းကအကျယ်ကြီးဖြစ်နေတာတို့၊ ခေါင်းစဉ်က လူအများကြီးလာနိုင်တဲ့ အကြောင်းအရာပေမယ့် အခန်းကျဉ်း ကျဉ်းပဲဖြစ်သွားတာမျိုးတို့လည်း မဖြစ်တော့ပါဘူး။

ကိုကိုရဲ (Organizer Team)

Colorful barcamp အဖြစ် လူအများဆုံးအကြီးဆုံးကနေ လေ့လာသိမှတ်စရာ အစုံအလင်ပါဝင်မယ့် event တစ်ခုဖြစ်ပါတယ်။ အရင်ထက်ပိုပြီး စုံလင်တဲ့ topic တွေရှိနေမှာပါ။ နည်းပညာ အသစ်အဆန်းတွေ Community အသစ်တွေလည်း မိတ်ဆက်သွားဖို့ရှိပါတယ်။ BarCamper register လုပ်တာတွေ topic board register တွေ အကုန်လုံး အသစ်အသစ်တွေ မိတ်ဆက်ထားပါတယ်။ Foss corner မှာလဲ နည်းပညာအသစ်ဆော့ဝဲအသစ် hardware အသစ်တွေ အများကြီး စ်ီစဉ်ထားပါတယ်။

 

ဟိန်းထက်ဆွေ (BarCamper)

ကျွန်တော် ရန်ကုန် ဘားကမ့်ကို ၂၀၁၂ ကနေ ၂၀၁၅ ထိ တက်ရောက်ခဲ့တယ်။ တစ်နှစ်နဲ့ တစ်နှစ် topic တွေ စုံလင်လာတာတွေရတယ်။ နယ်ကဘားကမ့်တွေနဲ့ စာ ရင် ရန်ကုန်ဘားကမ့်က topic ပိုများသလို နည်းပညာနဲ့ ပတ်သက်တာပိုမိုစုံလင်လှတဲ့ ရန်ကုန်က နည်းပညာသမားတွေအတွက် နည်းပညာပွဲတစ်ပွဲလို့တော့ ဆိုနိုင်တယ်။ နည်းပညာသမားတွေ လာတာများတဲ့အတွက် အခုနှစ်မှစတင် တက်ရောက်မယ့် BarCamper များအနေနဲ့ နည်းပညာအသစ်အဆန်းတွေလည်း မြင်တွေ့ ခွင့်ရနိုင်မှာ ဖြစ်လို့ တက်ရောက်သင့်တဲ့ ပွဲတစ်ပွဲဖြစ်ပါတယ်။