ငါးနှစ်အတွင်း ပျောက်ကွယ်သွားနိုင်သော အရာ (၅) ခု

tvremote.gif

လွန်ခဲ့သော ငါးနှစ်က ကမ္ဘာကြီးသည် ယခုအခြေအနေနှင့် လွန်စွာကွာခြားခဲ့သည်။ ၂၀၁၀ ခုနှစ်တွင် iPad စတင်ထွက်ရှိလာပြီး Kickstarter ကလည်း ရံပုံငွေရှာဖွေရန် တစ်ဦးတည်းပိုင် လုပ်ငန်းပုံစံကို မိတ်ဆက်ခဲ့သည်။ Square သည် မိုဘိုင်းထုတ်ကုန်များပေါ်တွင် ကတ်များ swipe ပြုလုပ်၍ ပစ္စည်းရောင်းချသူများ၏ ငွေပေးချေမှုများကို လက်ခံရန် ခွင့်ပြုခဲ့သည်။

လာမည့်ငါးနှစ်တွင်လည်း အဆင့်မြင့်သော ထုတ်ကုန်နှင့် ဝန်ဆောင်မှုများစွာ ထပ်မံထွက်ရှိလာမည်ကို သံသယဖြစ်စရာ မရှိပေ။ သို့သော်လည်း တိုးတက်မှုနှုန်း မြင့်မားလာသည်နှင့်အမျှ ပျောက်ကွယ်သွားနိုင်ဖွယ် ရှိသော အရာများလည်း ရှိသည်။ ယနေ့တွင် ကျွန်ုပ်တို့ အသုံးပြုနေသည့် အောက်ဖော်ပြပါအရာတို့မှာ ဆန်းသစ်တီထွင်မှု၊ နည်းပညာနှင့် နည်းလမ်းသစ်များကြောင့် ပျောက်ကွယ်သွားနိုင်ဖွယ်ရှိသည်။

ငွေကြေး၊ ချက်လက်မှတ်၊ အကြွေးဝယ်ကတ်များနှင့် ATM များ

ယနေ့ခေတ်တွင် မိုဘိုင်းငွေပေးချေမှုကုမ္ပဏီ Square သည် debit သို့မဟုတ် အကြွေးဝယ်ကတ်များနှင့် လုပ်ငန်းဆိုင်ရာ ငွေပေးချေမှုများကို လက်ခံလျက်ရှိသည်။ အခမဲ့ digital wallet ဝန်ဆောင်မှုပေးသော Venmo ကလည်း text message မှတစ်ဆင့် ငွေကြေးလွှဲပြောင်းကာ သူငယ်ချင်းနှင့် ငွေကြေးကို ခွဲဝေရှင်းသည့် ဝန်ဆောင်မှုကို ဖန်တီးထားသည်။ မကြာမီတွင် ကျွန်ုပ်တို့သည် မည်သည့် မိုဘိုင်းထုတ်ကုန်တွင်သာမက ကားအတွင်းမှလည်း ဘဏ်လုပ်ငန်းများကို လုပ်ဆောင်နိုင်တော့မည် ဖြစ်သည်။ အမေရိကန်နိုင်ငံတစ်လွှားတွင် ၂၀၀၀ မှ ၂၀၁၂ ခုနှစ် အတွင်း ချက်လက်မှတ်အသုံးပြုမှုမှာ ၅၇ ရာခိုင်နှုန်း လျော့ကျသွားကြောင်း ဖက်ဒရယ်အရန်ငွေကြေးဌာနမှ ထုတ်ပြန်ခဲ့သည်။

အသက် ၃၅ နှစ်အောက်ရှိ သုံးစွဲသူ ၉၄ ရာခိုင်နှုန်းသည် အွန်လိုင်းဘဏ်စနစ်ကို အသုံးပြုကြပြီး ငါးပုံတစ်ပုံမှာ ငွေပေးချေရန် ချက်လက်မှတ်များ အသုံးပြုခြင်း မရှိကြောင်း First Data ၏ The Unbanked Generation အစီရင်ခံစာတွင် ဖော်ပြထားသည်။ ဥရောပတွင်မူ ချက်လက်မှတ်ရေး၍ ငွေပေးချေပါက သူရူးတစ်ယောက်သဖွယ် အကြည့်ခံရမည် ဖြစ်သည်။ အိမ်ငှားရာတွင် ချက်လက်မှတ်များ အသုံးပြုလျက်ရှိ သေးသော်လည်း အိမ်ခြံမြေစီမံခန့်ခွဲသူများသည် လွယ်ကူသော အီလက်ထရွန်နစ် ငွေပေးချေမှုစနစ်နှင့် မိုဘိုင်းငွေပေးချေမှု စနစ်ကို ပြောင်းလဲအသုံးပြုလာသဖြင့် ချက်သုံးစွဲမှု လျော့ကျလာသည်။

ထို့အပြင် မဝေးတော့သည့် အနာဂတ်တွင် ငွေကြေးကို ကိုယ်တွယ် အသုံးပြုနိုင်ခြေနည်းပါးမည် ဖြစ်သည်။ ထို့ကြောင့် ငွေကြေးကိုင်တွယ် သုံးစွဲခြင်းမရှိလျှင် ငွေထုတ်စက် ATM လည်း ရှိနိုင်တော့မည် မဟုတ်ပေ။

USB Stick များသုံးစွဲမှု

၂၀၂၀ ခုနှစ်တွင် ကမ္ဘာ့လူဦးရေ ၇၀ ရာခိုင်နှုန်းက စမတ်ဖုန်း အသုံးပြုလာမည်ဟု Ericsson ၏ မိုဘိုင်းအစီရင်ခံစာတွင် ဖော်ပြထားသည်။ Mobile data ကွန်ရက်များက ကမ္ဘာ့လူဦးရေ ၉၀ ရာခိုင်နှုန်းကို လွှမ်းခြုံပေးမည် ဖြစ်သည်။ Apple, Box, Dropbox, Google နှင့် Microsoft ကဲ့သို့ cloud ဝန်ဆောင်မှုများက အခမဲ့နီးပါး ဈေးနှုန်းဖြင့် အကန့်အသတ်မရှိ storage များလည်း ပေးလာနိုင်သည်။ ထို့ကြောင့် သုံးစွဲသူများအနေဖြင့် storage ထုတ်ကုန်လိုအပ်ချက် နည်းသွားမည် ဖြစ်သည်။ ထို့အတူ လာမည့် ငါးနှစ်အတွင်း မိုဘိုင်းထုတ်ကုန်များအတွက် storage စံသတ်မှတ်ချက် မြင့်တက်လာမည် ဖြစ်ကြောင်း ခန့်မှန်းထားကြသည်။

Password နှင့် သော့များ

ယနေ့ခေတ်တွင် password များကို ကျယ်ပြန့်စွာ အသုံးပြုလျက်ရှိသောကြောင့် ပျောက်ကွယ်ရန် ခက်ခဲသည်။ ပျှမ်းမျှလူပုဂ္ဂိုလ်တစ်ဦးတွင် Password ၁၉ ခုရှိသော်လည်း ထက်ဝက်ခန့်မှာ ခန့်မှန်းရလွယ်သော password များအသုံးပြုကြကြောင်း ဆိုသည်။ သို့သော်လည်း သုံးစွဲသူများက ခန့်မှန်းရခက်ခဲသော password များကို အသုံးပြုပင်လျှင် ဖော်ထုတ်နိုင်သည့် နည်းလမ်းပေါင်းများစွာ ပေါ်ပေါက်နေပြီ ဖြစ်သည်။

Biometrics သည် မိုဘိုင်းများတွင် ပါဝင်လျက်ရှိသော ယနေ့ခေတ်၏ ရေပန်းအစားဆုံး နည်းပညာ ဖြစ်ကာ အွန်လိုင်းလုပ်ဆောင်မှုများအတွက် အဓိက လုပ်ဆောင်ချက်ဖြစ်လာသည်။ လက်ဗွေရာ၊ အသံနှင့် မျက်နှာမှတ်သားပေးသည့် နည်းပညာများသည် account များကို လုံခြုံမှုရှိစေရန် ကူညီပေးမည် ဖြစ်သည်။ ၎င်းတွင် လုံခြုံရေးဆိုင်ရာ အားနည်းချက်များရှိလာမည် ဖြစ်သော်လည်း စာလုံးများ ရိုက်ထည့်သော password များ ပျောက်ကွယ်သွားဖွယ်ရှိသည်။

ထို့အတူ ကျွန်ုပ်တို့ကိုယ်တွယ် အသုံးပြုလေ့ရှိသော သော့များလည်း ပျောက်ကွယ်နိုင်ခြေရှိသည်။ သော့များမှာ ကျွန်ုပ်တို့ အသုံးပြုနေသော စမတ်ထုတ်ကုန်များအတွင်း ပါဝင်လာဖွယ်ရှိကာ ၎င်းကိုအသုံးပြုရန် biometric နည်းပညာဖြင့် ချိတ်ဆက်ထားမည် ဖြစ်သည်။

အဝေးထိန်းခလုတ်

သုတေသနကုမ္ပဏီ Strategy Analytics က ၂၀၂၀ ခုနှစ်တွင် Internet of Things (IoT), စမတ်အိမ်နှင့် ဝတ်ဆင်နိုင်သော နည်းပညာအတွင်း ထွက်ပေါ်လာသည့် ထုတ်ကုန်ပေါင်း ၁၇.၆ ဘီလီယံကို အင်တာနက် ချိတ်ဆက်သွားမည် ဖြစ်ကြောင်း ခန့်မှန်းခဲ့သည်။ လက်ရှိအချိန်တွင်ပင် အသံဖြင့်ရှာဖွေမှုနှင့် စေခိုင်းမှုများ ပြုလုပ်နိုင်သော Amazon Echo ထုတ်ကုန်များ ထွက်ပေါ်လျက်ရှိသည်။ ၂၀၂၀ ခုနှစ်တွင် ထုတ်ကုန်သစ်များစွာကို အင်တာနက်နှင့် ချိတ်ဆက်ထားပါက အဝေးထိန်းခလုတ်အတွက် သီးခြား hardware တည်ဆောက်မှု ရှိတော့မည် မဟုတ်ပေ။

စာရွက်စာတမ်းများနှင့် စာရွက်စာတမ်းဆိုင်ရာ သဘောတူညီချက်များ

စာရွက်အခြေခံ လက်မှတ်များနှင့် လုပ်ငန်းစဉ်များအပြင် print ထုတ်ခြင်း၊ ဖက်စ်ပေးပို့ခြင်း၊ scan သို့မဟုတ် လုပ်ငန်းကိစ္စရပ်များ ပြီးပြတ်စေရန် လက်မှတ်ထိုးခြင်း၊ ဆုံးဖြတ်ချက်ချခြင်း၊ အတည်ပြုခြင်း၊ ပြန်လည်သုံးသပ် ခြင်းများအတွက် စာရွက်စာတမ်းများကို ညတွင်းချင်းပြုလုပ်ခြင်းတို့သည် ဒီဂျစ်တယ်ခေတ်တွင် အလွန် ခေတ်နောက်ကျသွားပြီ ဖြစ်သည်။ အနာဂတ်တွင် ကျွန်ုပ်တို့သည် လုပ်ငန်းကိစ္စရပ်များ စီမံခန့်ခွဲရန် “cloud agreement” ဟုခေါ်ဆိုသည့် စနစ်ကို မှီခိုအားထားရဖွယ်ရှိသည်။

Cloud agreements သည် လုပ်ငန်းလုပ်ကိုင်ရာတွင် ပါဝင်သော အဖွဲ့များနှင့် ချိတ်ဆက်ပေးမည် ဖြစ်သလို စာချုပ်ချုပ်ရာတွင် ရည်မှန်းထားသည့်အတိုင်း ငွေပေးချေမှု သဘောတူညီချက်များ ညှိနှိုင်းခြင်းနှင့် အချိန်တိကျစွာ လုပ်ငန်းကိစ္စရပ်များ ပြုလုပ်ရန် ဆက်သွယ်ခြင်းတို့ ပြုလုပ်နိုင်မည် ဖြစ်သည်။

အိမ်ခြံမြေလုပ်ငန်း၊ ဘဏ္ဍာရေးဝန်ဆောင်မှု၊ အာမခံလုပ်ငန်း၊ နည်းပညာမြင့် ကျန်းမာရေး စောင့်ရှောက်မှု ကုမ္ပဏီအပြင် ဘဏ္ဍာရေးအခက်အခဲတွေ့ကြုံလျက်ရှိသော အစိုးရများသည် လုပ်ငန်းများ ထိရောက်မြန်ဆန်လာစေရန် cloud-computing နည်းလမ်းများကို သုံးစွဲကြသည်။ ၎င်းနည်းလမ်းသည် စရိတ်လျှော့ချနိုင်ပြီး ပိုမိုကောင်းမွန်သော အတွေ့အကြုံကို ရရှိစေမည် ဖြစ်သည်။ မကြာမီတွင် စာချုပ်စာတမ်းဆိုင်ရာ စီမံခန့်ခွဲမှုများ ပျောက်ကွယ်သွားဖွယ်ရှိနေသည်။

Ref: TechCrunch