အင်္ဂလိပ်စာစကားဝိုင်း ဒီဇင်ဘာလတွင် ပြန်စမည်

အင်္ဂလိပ်စာအဓိက ကျောင်းသားဟောင်း အချို့နှင့်တက်ရောက်နေဆဲ ကျောင်းသားအချို့မှ ပူးပေါင်း အကောင်အထည်ဖော်ကာ အပတ်စဉ် စနေနေ့တိုင်း နံနက် ၁၀ နာရီ မှ မွန်းတည့်  ၁၂ နာရီအထိ မန္တလေး တက္ကသိုလ်ဝင်း အတွင်းရှိ ရူဘီကဖေးတွင် ပြုလုပ်လျက်ရှိသော အင်္ဂလိပ်စာ စကားဝိုင်းကို မန္တလေးတက္ကသိုလ် စာမေးပွဲကာလ  ခေတ္တရပ်နားထားရာမှ ဒီဇင်ဘာလတွင် ပြန်လည်ပြုလုပ်မည် ဖြစ်ကြောင်း သိရသည်။

အဆိုပါ စကားဝိုင်းကိုနှစ်ပိုင်း ခွဲခြားထားမည် ဖြစ်သည်။ ပထမပိုင်းအနေဖြင့် မိမိစိတ်ဝင်စားသော ကိစ္စတစ်စုံတစ်ရာနှင့် ပက်သက်ပြီး အချိန်အနည်းဆုံးငါးမိနစ်မှ အများဆုံး ဆယ်မိနစ်အထိ တင်ပြပေးရမည်ဖြစ်ပြီး အဆိုပါတင်ပြထားချက်အပေါ် မေးခွန်းမေးချိန် ဆယ်မိနစ် သတ်မှတ်ထားခြင်း ဖြစ်သည်။ ဒုတိယပိုင်းအနေဖြင့်  Debate  အစီအစဉ်ပြုလုပ်သွားမည် ဖြစ်ကြောင်း ကိုမင်းမင်းစိုးက ပြောသည်။

အင်္ဂလိပ်စာစကားဝိုင်းအား ပြုလုပ်ရခြင်းမှာ အင်္ဂလိပ်စာတိုးတက်မှု ဖြစ်စေရန်နှင့် အင်္ဂလိပ်စာနှင့် ဆက်စပ်သောအလုပ်အကိုင်များကို ပိုင်ပိုင်နိုင်နိုင်လုပ်နိုင်ရန်အတွက် အချင်းချင်း အရည်အသွေးကို မြှင့်တင်လိုခြင်း ဖြစ်ကြောင်း သိရသည်။

စနေနေ့တိုင်းအပတ်စဉ် ပါဝင်လိုသူများ အနေဖြင့် အသေးစိတ်အချက်အလက်များကို ကိုမင်းမင်းစိုး ဖုန်း – ၀၉ ၂၅၆၁၇၀၁၂၁ နှင့် ကိုသီဟ ၀၉ ၄၀၂၅၇၀၆၀၉ သို့ ဆက်သွယ် စုံစမ်းမေးမြန်းနိုင်မည် ဖြစ်သည်။