ဖုန်းနှင့် tablet များကို ပြန်လည် မရောင်းချမီ အချက်အလက်များ ဖယ်ရှားခြင်း

10373716_10152546643802825_4968833114930015090_n.jpg

မိုဘိုင်းထုတ်ကုန် အဟောင်းများကို အခြားသူထံ ပြန်လည်ရောင်းချခြင်း မပြုမီ ၎င်းထုတ်ကုန်များအတွင်းရှိ အချက်အလက်များကို ဖယ်ရှားခြင်းသည် ကိုယ်ရေးကိုယ်တာ အချက်အလက်များ မသမာသူများ၏ လက်ထဲ ကျရောက်သွားမည့် ဘေးအန္တရာယ်ကို လျှော့ချပေးနိုင်သည်။ တစ်စစီ ကြေမွသွားသည့် သုံးစွဲသူ၏ မိုဘိုင်းထုတ်ကုန်မှ အချက်အလက်များကို မဖယ်ရှားခဲ့ပါက အခြားသူများအနေဖြင့် အဆိုပါ အချက်အလက်များကို tool များဖြင့် ရာနှုန်းပြည့် ပြန်လည်ရယူ သွားနိုင်သည်။

ထို့ကြောင့် မိုဘိုင်း ထုတ်ကုန်များကို အခြားသူ လက်ထဲ ရောင်းချခြင်း မပြုမီ အချက်အလက် ဖယ်ရှားနိုင်မည့် နည်းလမ်းများကို ဖော်ပြလိုက်ပါသည်။

အချက်အလက်များ ဖယ်ရှားခြင်း မပြုမီ အောက်ပါ အချက်များကို ပြုလုပ်သင့်ပါသည်။

– contact များအပါအဝင် အချက်အလက် အားလုံးကို backup လုပ်ပါ။

– SIM card ကို ဖယ်ရှားပြီး microSD card ကဲ့သို့သော external storage ကို ဖယ်ရှားပါ။

– email, social media စသည့် ဝန်ဆောင်မှုများမှ log out လုပ်ပါ။ ပြီးလျှင် အဆိုပါ app များမှ data များကို clear လုပ်ပါ။

– ထုတ်ကုန်အဟောင်းမှ mciroSD card ကို ထုတ်ကုန်အသစ်ပေါ်တွင် အသုံးပြုရန် အစီအစဉ်မရှိပါက အဆိုပါ card ပေါ်မှ အချက်အလက်များကို သီးခြား ရှင်းလင်းပါ။

– ဖုန်းနှင့် tablet များ၏ serial number များကို ဖိုင်တစ်ခုဖြင့် သိမ်းဆည်းပါ။

Android

Android ထုတ်ကုန်ပေါ်တွင် အချက်အလက်အားလုံးကို ရှင်းလင်းရန်အတွက် factory reset ဖြင့် ပြုလုပ်နိုင်သည်။ သို့သော်လည်း ၎င်းသည် application မှ အချက်အလက်ကိုသာ ဖယ်ရှားပေးပြီး SMS နှင့် chat message ကဲ့သို့သော အချက်အလက်များကို data recovery tool များဖြင့် ပြန်လည်ရယူစေနိုင်သည်။

ထို့ကြောင့် Android ဖုန်းနှင့် tablet မှ အချက်အလက်များကို မရှင်းလင်းမီ ပထမဦးစွာ Settings > Security > Encrypt phone ထံသွားပြီး device ကို encrypt လုပ်သင့်သည်။ ၎င်းလုပ်ငန်းစဉ်သည် အချက်အလက်များကို ဝှက်ပေးထားသည့် အတွက်ကြောင့် အချက်အလက်များကို အပြီးတိုင် မဖယ်ရှားခဲ့သည့်တိုင် အခြားသူမှ recover ပြုလုပ်သည့်အခါ special key တစ်ခု တောင်းဆိုမည် ဖြစ်သည်။

အချက်အလက် ရှင်းလင်းမှု လုပ်ငန်းစဉ် ပြီးဆုံးပါက security.google.com/settings/security/activity သို့သွားပြီး Google account ရှိ သက်ဆိုင်ရာ ထုတ်ကုန်ကို ဖယ်ရှားရန် လိုအပ်သည်။

iOS

iOS 5 နှင့်အထက် အသုံးပြုထားသော Apple ထုတ်ကုန်များတွင် passcode တစ်ခု သတ်မှတ်ထားသည့်အခါ hardware encryption ပြုလုပ်ပေးသည်။ အောက်ဖော်ပြပါ နည်းလမ်းအတိုင်း အချက်အလက်များ ရှင်းလင်းသည့်အခါ encryption key ကို overwrite ပြုလုပ်လိုက်သောကြောင့် အချက်အလက်များကို recover လုပ်သူများအတွက် အလွန်အခက်တွေ့စေမည် ဖြစ်သည်။

– Reset လုပ်ငန်းစဉ် မပြုလုပ်မီ Find My iPhone ကို စတင်ပိတ်သင့်သည်။ Settings > iCloud > Find My iPhone သို့သွားပြီး Apple ID password ဖြည့်ကာ ပိတ်နိုင်သည်။

– iCloud မှ sign out လုပ်ပါ။ Settings > iCloud တွင် စာမျက်နှာအောက်ဘက်ရှိ Sign Out ကိုရှာပါ။ iOS 7 ထုတ်ကုန်များတွင် Delete Account ကိုရွေးပါ။ iCloud ကို sing out မပြုလုပ်ဘဲ အချက်အလက် ဖယ်ရှားပါက iCloud မှ အချက်အလက်များပါ ပျက်သွားမည် ဖြစ်သည်။

– iMessage နှင့် Apple ID အပါအဝင် အခြားသော ဝန်ဆောင်မှုများကို ပိတ်ပြီး sign out လုပ်ပါ။ iMessage တွင် Settings > Messages သို့သွားပြီး iMessage option တွင် toggle ခလုတ်နှိပ်ကာ ပိတ်နိုင်သည်။ Apple ID အတွက် Settings > iTunes & App Store တွင် Apple ID email address ကိုနှိပ်ပြီး Sign Out ကိုနှိပ်ပါ။ ထို့အပြင် Facebook, Twitter ကဲ့သို့သော ဝန်ဆောင်မှုများ၊ app များနှင့် ချိတ်ဆက်ထားသမျှကို တစ်ခုချင်းစီ sign out လုပ်ပါ။

– ပြီးလျှင် Settings > General > Reset > Erase All Content and Settings ကိုနှိပ်ပါ။ Confirm လုပ်ပါ။

– Apple ထုတ်ကုန်ကို serial number နှင့် မှတ်ပုံတင်ထားပါက supportprofile.apple.com တွင် Apple ID နှင့် ဝင်ရောက်ပြီး သုံးစွဲသူ၏ support profile ကို ဖယ်ရှားပါ။

Windows Phone

လက်ရှိတွင် Windows Phone အတွက် encryption ကို business customer များအတွက်သာ ထောက်ပံ့ပေးထားသည်။ ထို့ကြောင့် Windows Phone 8 ထုတ်ကုန်တွင် အချက်အလက်ကို အလွယ်အကူဆုံးနည်းဖြင့် ရှင်းလင်းရန်အတွက် factory reset ဖြင့် ပြုလုပ်နိုင်သည်။ ထို့နောက် dummy data ကို load လုပ်ပြီး မူရင်း data ပေါ်တွင် overwrite ပြုလုပ်ရမည် ဖြစ်သည်။

– Main app list မှ Settings ကိုဖွင့်ပါ။ About ကိုရှာပြီး Reset Your Phone ကိုနှိပ်ပါ။

– လုပ်ဆောင်ချက်ကို Confirm လုပ်ပြီး အချက်အလက်ရှင်းလင်းပြီးသည်အထိ စောင့်ဆိုင်းပါ။

– ဖုန်းကို PC နှင့် ချိတ်ဆက်ပြီး My Computer ကိုဖွင့်ပါ။ Mac နှင့် ချိတ်ဆက်ထားပါက Windows Phone app ကို download လုပ်ပါ။ Removable device တွင် ပေါ်လာသည့် ဖုန်းကို ရှာပြီး ဖွင့်ပါ။

– အခြား folder မှ dummy data များကို ဖုန်းထံ drag and drop လုပ်ပါ။ Dummy data များတွင် personal ဓာတ်ပုံများနှင့် စာရွက်စာတမ်းများ မပါပါစေဘဲ ဗီဒီယို၊ သီချင်းဖိုင်များကိုသာ ထည့်ပါ။ Dummy data များကို တတ်နိုင်သလောက် များများထည့်ပါ။

– ပြီးလျှင် ပထမအဆင့်အတိုင်း ဖုန်းကို reset ထပ်လုပ်ပါ။ မူလ data များကို overwrite ဖြစ်နိုင်သည်အထိ dummy data ထပ်ထည့်ပြီး reset ထပ်လုပ်ပါ။