eGovernment အတွက် သုံးနှစ်ကျော်အတွင်း ကျပ် ၁၆ ဘီလျံ သုံးစွဲခဲ့

အစိုးရ၏ လုပ်ငန်းများ ပိုမိုထိရောက်စေရေး အတွက် eGovernment လုပ်ငန်းများဆောင်ရွက်ရန် ၂၀၁၁-၂၀၁၂ ဘဏ္ဍာနှစ်မှ ယခုအချိန် အထိ ငွေကျပ် ၁၆ ဘီလျံသုံးစွဲထားကြောင်း နိုဝင်ဘာလ ၂၁ ရက်နေ့ ကကျင်းပခဲ့သည့်  ပြည်သူ့လွှတ်တော် အစည်းအဝေးတွင် ဆက်သွယ်ရေးနှင့် သတင်းအချက်အလက်နည်းပညာ ဝန်ကြီးဌာန ဒုဝန်ကြီးဦးသောင်းတင်က ပြောကြားခဲ့သည်။

အဆိုပါနေ့က ကျင်းပခဲ့သော ပြည်သူ့လွှတ်တော် အစည်းအဝေး တွင် ပြည်သူ့လွှတ်တော်ကိုယ်စား လှယ် ဦးသိန်းဆွေက eGov-ernmentလုပ်ငန်းများအကောင်အထည်ဖော် ဆောင်ရွက်နေမှု အခြေအနေ အား မေးမြန်းရာတွင် ဒုဝန်ကြီးဦးသောင်းတင်က ပြန်လည် ဖြေကြားခဲ့ခြင်း ဖြစ်သည်။

၂၀၁၁-၂၀၁၂ ဘဏ္ဍာရေးနှစ် မှ ယခုအထိ ပြည်ထောင်စုအဆင့် အဖွဲ့အစည်းများ၊ ပြည်ထောင်စု ၀န်ကြီးဌာနများနှင့် တိုင်းဒေသကြီး ပြည်နယ်အစိုးရအဖွဲ့ စုစုပေါင်း (၆၅)ခုအတွက် eGovernment လုပ်ငန်းများဆောင်ရွက်ရန် ပစ္စည်းများ ဝယ်ယူခဲ့ခြင်း၊ အသုံးပြုခဲ့ခြင်းတို့အတွက် ကုန်ကျငွေမှာ စုစုပေါင်းကျပ် ၁၆၀၄၃.၈၈၅၅ သန်းရှိပြီဖြစ်ကြောင်း ဒုဝန်ကြီးက ပြောကြားခဲ့သည်။

eGovernment လုပ်ငန်း ဆို သည်မှာ အစိုးရလုပ်ငန်းစဉ်များ ဆောင်ရွက်ရာတွင် ပိုမိုကောင်းမွန်လာစေရန် အစိုးရ၏ လုပ်ထုံးများ၊ ဝန်ဆောင်မှုများအား သတင်းအချက်အလက်နှင့် ဆက်သွယ်ရေးနည်းပညာ အသုံးပြုခြင်းဖြစ်ပြီး မြန်မာနိုင်ငံတွင် eGovernment ဆောင်ရွက်သွားနိုင်ရန် လိုအပ်သည့် e-Government Master Plan ရေးဆွဲရန်အတွက် အာရှဖွံ့ဖြိုးရေးဘဏ် (ADB) အထောက် အပံ့ဖြင့် ဆောင်ရွက် သွားမည်ဖြစ် ကြောင်း ပြောကြားခဲ့သည်။