မြန်မာ့ဆက်သွယ်ရေးကဏ္ဍ အပြောင်းအလဲကြောင့် အွန်လိုင်းဝန်ဆောင်မှုသုံးစွဲသူများ နှစ်အနည်းငယ်အတ

မြန်မာနိုင်ငံတွင် အင်တာနက် ဆက်သွယ်ရေးစနစ်များ သိသိသာသာ တိုးတက်ပြောင်းလဲလာမည် ဆိုပါက လာမည့်နှစ် အနည်းငယ် အတွင်း၌ အွန်လိုင်းဝန်ဆောင်မှုလုပ်ငန်းများကို သုံးစွဲသူပေါင်း သန်းငါးဆယ် အထိ ရှိလာမည်ဖြစ်ကြောင်း ဂျပန်နိုင်ငံ၏ အိုင်စီတီဆိုင်ရာ အကြံပေးလုပ်ငန်းစု တစ်ခုဖြစ်သည့် Nomura Research Institute က ခန့်မှန်းလိုက်သည်။

ပြည်တွင်း၌ အိုင်စီတီနှင့်ချိတ်ဆက်နေသည့် Mobile Payment,Internet Banking, ePayment, Mobile  Entertainment, e-Micro finance, Mobile Commerce အစရှိသည့်ကဏ္ဍများသည် ယနေ့အချိန်တွင် အသုံးပြုမှုများပြားလာသော်လည်း အင်တာနက်ဆက်သွယ်မှုမြန်နှုန်းများ မတည်ငြိမ်သေးခြင်းကြောင့် တိုးတက်ရန်နှောင့်နှေးနေဆဲဖြစ်ကြောင်း ပြည်တွင်း ကွန်ပျူတာလုပ်ငန်းရှင်နှင့် ပညာရှင် အချို့က သုံးသပ်ပြောကြားသည်။

မြန်မာနိုင်ငံတွင် မကြာသေးမီကမှ စတင်လုပ်ကိုင်နေကြသည့် နိုင်ငံခြားဆက်သွယ်ရေးကုမ္ပဏီ များနှင့် MPT တို့ကြောင့် ပြည်တွင်း အိုင်စီတီကဏ္ဍနှင့် ချိတ်ဆက်နေ သည့် အထက်ပါလုပ်ငန်းများမှာ အချိန် အနည်းငယ် အတွင်း အပြောင်းအလဲဖြစ်လာမည်ဟု အဆိုပါအိုင်စီတီဆိုင်ရာအကြံပေးလုပ်ငန်းစု၏တာဝန်ရှိသူတစ်ဦးဖြစ် သည့်  Mr.Kotaro Kuwadu ကဆိုသည်။

ထို့အပြင် အင်တာနက်စနစ် ချိတ်ဆက်ထားသော မိုဘိုင်းဖုန်းများကို အသုံးပြုပြီး ကုန်သွယ်မှုလုပ်ငန်းများကို လုပ်ကိုင်ဆောင် ရွက်ခြင်းနှင့် ဖျော်ဖြေရေးလုပ်ငန်းများကို အသုံးပြုကြသူပမာဏသည်လည်း တစ်ချိန်တည်းမှာပင် မြင့်တက်လာမည်ဟု အထက်ပါပုဂ္ဂိုလ်က ဆိုသည်။

ပြည်တွင်းဆက်သွယ်ရေးကဏ္ဍ ပြောင်းလဲမှုကြောင့် မြန်မာ့ဆက်သွယ်ရေးဈေးကွက်ကို အာရုံစိုက် ဝင်ရောက်လာသည့်နိုင်ငံများတွင် ဂျပန်နိုင်ငံက ထိပ်ဆုံးမှပါဝင်နေပြီး ယင်းနိုင်ငံ၏ KDDI ဆက်သွယ် ရေးကုမ္ပဏီသည် MPT နှင့် အမေရိကန်ဒေါ်လာ ၂ သန်းရှိသော ရင်းနှီးမြှုပ်နှံမှု တစ်ခုဖြင့် လက်တွဲထားပြီးဖြစ်သည်။