ပြည်တွင်း၊ ပြည်ပကုမ္ပဏီသုံးခု၏ ဆက်သွယ်ရေး ကွန်ရက်များ ယခုအချိန်ထိ တည်ငြိမ်မှု မရရှိသေးခြင်း

မြန်မာ့ဆက်သွယ်ရေးေ ဈေးကွက်တွင် ပြည်တွင်း၊ ပြည်ပဆက်သွယ်ရေး လုပ်ငန်းသုံးခုမှ အပြိုင်အဆိုင် လုပ်ကိုင်လာကြပြီ ဖြစ်သော်လည်း ဆက်သွယ်ရေးကွန်ရက်များ တည်ငြိမ်သည့် အနေအထားတွင် မရောက် ရှိသေးခြင်းကြောင့် မိုဘိုင်းဖုန်း အသုံးပြုသူများ အခက်တွေ့နေကြကြောင်း စုံစမ်း သိရသည်။

ကာတာဆက်သွယ်ရေးကုမ္ပဏီ Ooredoo Myanmar နှင့် နော်ဝေဆက်သွယ်ရေးကုမ္ပဏီ Telenor Myanmar တို့မှထုတ်လုပ် ရောင်းချသည့် ဆင်းမ်ကတ်များကိုသုံးစွဲသူ အရေအတွက်မှာ နှစ်သန်းနှင့် အထက် ရှိလာပြီ ဖြစ်သော်လည်း အဆိုပါ ကုမ္ပဏီနှစ်ခုသည် တည်ငြိမ်သည့် ဆက်သွယ်ရေးကွန်ရက်ကို မရရှိကြသေးခြင်းကြောင့် မိုဘိုင်းဖုန်းသုံးစွဲသူများ အခက်တွေ့နေကြခြင်းဖြစ်ကြောင်း ရန်ကုန်မြို့နေဖုန်းသုံးစွဲသူ အချို့က တညီတညွတ်တည်းပြောကြားသည်။

ယခုလက်ရှိအချိန်တွင် ရန်ကုန်မြို့နေမိုဘိုင်းဖုန်းသုံးစွဲသူ အများစုသည်  အနည်းဆုံးဆက်သွယ် ရေးကုမ္ပဏီနှစ်ခုမှ ဆင်းမ်ကတ် နှစ်ခုကိုကိုင်ဆောင်ထားနေကြပြီး ဆက်သွယ်ရေးနှင့် အင်တာနက် ကွန်ရက်များ မတည်ငြိမ်သေးခြင်း ကြောင့်  မကြာခဏဆိုသလို ဆင်းမ်ကတ်ကို ပြောင်းလဲ အသုံးပြုနေကြရခြင်း ဖြစ်သည်။

“ဟန်းဆက်တော့တစ်ခုပဲရှိ တယ်။ ဆင်းမ်ကတ်ကနှစ်ခု။ MPT မကောင်းရင် Ooredoo သုံးတယ်။ Ooredoo လိုင်းကျရင် MPT ပြန်ထည့်သုံးတယ်။ လိုင်းတွေက အခုထိမငြိမ်သေးလို့ ဆင်းမ်ကတ်ခဏ၊ ခဏ ပြောင်းသုံး နေရတော့ လုပ်ငန်း ကိစ္စ၊ လူမှုရေးကိစ္စ ဆက်သွယ်မှုတွေလုပ်တဲ့အခါ အခက်အခဲတွေ ဖြစ်လာတယ်” ဟု ရန်ကုန်မြို့နေ မိုဘိုင်းဖုန်းအသုံးပြုသူတစ်ဦးဖြစ်သည့် ကိုဇေယျာဖြိုးကပြောသည်။

ယခုရက်ပိုင်းအတွင်း  MPT  ၏ မိုဘိုင်းအင်တာနက်အမြန်နှုန်း အနည်းငယ်တိုးတက်ကောင်းမွန် လာခြင်းကြောင့်  နိုင်ငံခြားကုမ္ပဏီများမှရောင်းချသည့် ဆင်းမ်ကတ် များကို အသုံးပြုနေသူများသည် မြန်မာ့ ဆက်သွယ်ရေး၏ ဆင်းမ်ကတ်များကို ပြန်လည်အသုံးပြု နေကြရသည်။

“ကျွန်မဆီမှာ MPT ရော၊ နိုင်ငံခြားကုမ္ပဏီနှစ်ခုစလုံးက ဆင်းမ်ကတ်တွေရောရှိတယ်။ သုံးခုစလုံးရဲ့အင်တာနက်မြန်နှုန်းတွေက မတည်ငြိမ်သေးတာ့ မကြာခဏပဲ ဆင်းမ်ကတ်အပြောင်းအလဲလုပ်နေရတယ်။ အဲ့ဒါကြောင့် အလုပ်ကိစ္စနဲ့ပတ်သက်ပြီး ဆက်သွယ်မှုတွေလုပ်တဲ့အခါ တစ်ခါတစ်ခါ အခက်တွေ့တယ်။  တစ်ဖက်ကကိုယ့်ကို ဘယ်ဖုန်းနံပါတ်ဆက်ရမှန်း မသိဖြစ်တာမျိုးပေါ့” ဟု ရန်ကုန် မြို့နေ ပုဂ္ဂလိကနည်းပညာကုမ္ပဏီတစ်ခုမှ ဝန်ထမ်းအမျိုးသမီးတစ်ဦးကပြောသည်။

ယခုလက်ရှိအချိန်တွင် MPT ဆင်းမ်ကတ်များနှင့် မိုဘိုင်းဖုန်း ခေါ်ဆိုမှုများသည် အဆင်ပြေ လျက်ရှိသော်လည်း နိုင်ငံခြား ဆက် သွယ်ရေးကုမ္ပဏီနှစ်ခု၏  ဖုန်းခေါ်ဆိုမှုများသည် မကြာခဏဆို သလို ပြတ်တောက်မှုနှင့် ခေါ်ဆိုရန် ခက်ခဲသည့်အခက်အခဲများနှင့်ရင်ဆိုင်နေရဆဲဖြစ်သည်။

“ဆင်းမ်ကတ်ကတော့ အခု ထွက်နေတဲ့သုံးခုစလုံး ကိုင်ထားတယ်။ တစ်ခုခုကများလိုင်းပို ကောင်းမလား ဆိုတဲ့စိတ်နဲ့ သုံးခုစလုံးကိုင်ဖြစ်သွားတာ။ Ooredoo ဆို ကွန်ရက်မမိတဲ့နေရာတွေ တော်တော်လေး ရှိနေသေးတော့ ကိုယ်ကခေါ်လိုက်ရင် စက်ပိတ်ထားတယ်ဆိုမျိုး၊ လုံးဝခေါ်လို့မရတာမျိုးတွေဖြစ်တယ်။ Telenor ကကျတော့ အင်တာနက်မကောင်းဘူး” ဟု ရန်ကုန်တိုင်းဒေသကြီး၊ ကမာရွတ်မြို့နယ်နေ မိုဘိုင်းဖုန်း အသုံးပြုသူ အမျိုးသားတစ်ဦးကပြောသည်။

ပြည်တွင်း၌ MPT, Ooredoo Myanmar, Telenor Myanmar တို့ကြောင့် မိုဘိုင်းဖုန်းသုံးစွဲသူ အ များအပြားတိုးတက်လာခဲ့ပြီး မြို့ပြနေထိုင်သည့်လူများတွင် ကုမ္ပဏီဝန်ထမ်းနှင့် အရောင်းအဝယ်ပြုလုပ်သူ လူတန်းစားများတွင် အနည်းဆုံး ဆင်းမ်ကတ်နှစ်ခု ကိုင်ဆောင်သူများများပြားလာနေပြီ ဖြစ်ကြောင်းစုံစမ်း သိရသည်။