မြန်မာနိုင်ငံအတွင်း Telenor တာဝါတိုင် ၃,၃၈၀ ပြည့်ပြီ ဟုဆို

12193416_873381772776110_6032218336715782149_n.jpg

မြန်မာနိုင်ငံအတွင်း Telenor တာဝါတိုင် ၃,၃၈၀ ပြည့်ပြီဖြစ်ကြောင်း Telenor Myanmar မှသတင်း ထုတ်ပြန်သည်။

တစ်နှစ်အတွင်း အဆိုပါအရေအတွက် တည်ဆောက်ခဲ့ခြင်းဖြစ်ကြောင်း ပြောကြားထားသည်။ အဆိုပါ ကွန်ရက်သည် ပြည်နယ်နှင့်တိုင်းဒေသကြီး ၁၃ ခုတွင် ရောက်ရှိနေကြောင်း၊ ယင်းတို့မှာ ရန်ကုန်၊ မန္တလေး၊ စစ်ကိုင်း၊ ပဲခူး၊ မကွေး၊ ဧရာဝတီ၊ တနင်္သာရီ၊ ကရင်၊ မွန်၊ ကချင်၊ ရှမ်း၊ ကယားနှင့် နေပြည်တော် တို့ဖြစ်ကြောင်း၊ ရခိုင်ပြည်နယ်တွင် စတင်အသုံးပြုနိုင်ရန် အနည်းငယ် လိုအပ်နေသေးကြောင်း ဆိုထားသည်။ လက်ရှိတွင် ရခိုင်ပြည်နယ်၌ တည်ဆောက်ထားသော တာဝါတိုင် ၁၈ တိုင် ရှိနေကြောင်း ပြောကြားထားသည်။

“တစ်နှစ်အတွင်းမှာပဲ တာဝါတိုင် ၃,၃၈၀ ကျော်ကို တည်ဆောက်နိုင်ခဲ့ပါတယ်။ ရန်ကုန်က ကွန်ရက်ဆို တာဝါတိုင် ၉၂၀ ကျော် တိုးပွားလာပါတယ်။ ပြီးခဲ့တဲ့နှစ် အောက်တိုဘာလမှာ စတင်မိတ်ဆက်ချိန်က တာဝါတိုင် ၃၄၈ နဲ့ စခဲ့တာပါ။ လူဦးရေထူထပ်တဲ့ နေရာတွေမှာတော့ တာဝါတိုင် ပိုလိုအပ်တယ်ဆိုတဲ့ သဘောပါပဲ၊ ဒီလိုအပ်ချက်တွေကို ဖြည့်ဆည်းပေးနိုင်ဖို့ ဆက်လက်ဆောင်ရွက်နေပါတယ်” ဟု တယ်လီနောမြန်မာ၏ အမှုဆောင်အရာရှိချုပ် Mr. Petter Furberg ကပြောသည်။

“ကျွန်တော်တို့ အခုအချိန်မှာ ရခိုင်ပြည်နယ်အတွက် ဝန်ဆောင်မှုပေးနိုင်ဖို့ အရှိန်အဟုန်တိုးမြှင့် ဆောင်ရွက်နေပြီ ဖြစ်ပါတယ်။ ရေလွှမ်းမိုးမှုကြောင့် ဖိုက်ဘာချိတ်ဆက်မှုတွေမှာ နှောင့်နှေးခဲ့ရတာတွေ ရှိပါတယ်” ဟု ဆက်လက်ပြောကြားခဲ့သည်။

အဆိုပါ တာဝါတိုင်များမှာ ရာနှုန်းပြည့် 3G ကွန်ရက်ဖြင့် ချိတ်ဆက်ထားသည်ဟု ဆိုသည်။ Telenor မှာ မြန်မာနိုင်ငံအတွင်း ဆက်သွယ်ရေးဆိုင်ရာ ဝန်ဆောင်မှုများကိုပေးနေသည့် အော်ပရေတာသုံးခုထဲမှ တစ်ခုဖြစ်သည်။