အဝေးထိန်းလေယာဉ်များဖြင့် ကုန်ပစ္စည်းများ အိမ်အရောက်ပေးပို့ရန် Walmart ရည်မှန်းထား

12190994_10153259555507825_8698619502649062412_n.jpg

Walmart သည် Amazon ၏ အစီအစဉ်ကဲ့သို့ အဝေးထိန်းလေယာဉ်များဖြင့် ထုတ်ကုန်များကို အိမ်အရောက် ပေးပို့ရန် အဝေးထိန်းလေယာဉ် စမ်းသပ်ခွင့်အတွက် ခွင့်တောင်းစာကို ဖက်ဒရယ်လေကြောင်း ထိန်းသိမ်းရေးအဖွဲ့ (FAA) ထံသို့ ပေးပို့ထားကြောင်း Reuters မှ ဖော်ပြခဲ့သည်။

လက်ရှိတွင် အမေရိကန်နိုင်ငံ၌ စီးပွားရေး ရည်ရွယ်ချက်ဖြင့် အဝေးထိန်းလေယာဉ်များ ပျံသန်းခြင်းကို တရားဝင် ခွင့်မပြုထားပေ။ သို့သော်လည်း FAA သည် စည်းမျဉ်းများ မထုတ်ပြန်မီ ကုမ္ပဏီများအတွက် အဝေးထိန်းလေယာဉ် စမ်းသပ်ပျံသန်းခွင့်များ ချပေးလျက်ရှိသည်။ ဇွန်လတွင် အဝေးထိန်းလေယာဉ် များအတွက် စည်းမျဉ်းများ ၁ နှစ်အတွင်း ထွက်ရှိလာမည် ဖြစ်ကြောင်း FAA ကပြောကြားခဲ့သည်။ ထို့ကြောင့် ယခုနှစ် အားလပ်ရက်ရာသီအတွင်း ခရစ္စမတ်လက်ဆောင်အဖြစ် အဝေးထိန်းလေယာဉ် ၁ သန်းကျော် ရောင်းချပြီးမှသာ အဆိုပါ စည်းမျဉ်းစည်းကမ်းများ ထွက်ပေါ်လာဖွယ်ရှိသည်။

Walmart သည် DJI မှ ထုတ်လုပ်ထားသော အဝေးထိန်းလေယာဉ်များဖြင့် အဆောက်အဦအတွင်း စမ်းသပ်လျက်ရှိပြီး နောက်ပိုင်းတွင် ဟင်းလင်းပြင်တစ်နေရာတွင် စမ်းသပ်သွားမည် ဖြစ်သည်။ အဝေးထိန်းလေယာဉ်များကို ကုန်ပစ္စည်းများအား စတိုးများသို့ သယ်ဆောင်ခြင်း၊ ကုန်ပစ္စည်း အတင်အချပြုလုပ်ခြင်းကို စစ်ဆေးခြင်း စသည့် နေရာများတွင် အသုံးပြုလျက်ရှိသည်။ အဆိုပါ အစီအစဉ်အရ အဝေးထိန်းလေယာဉ်များကို စတိုးဆိုင်များမှ ကားရပ်နားနေရာသို့ ပစ္စည်းများ သယ်ဆောင်ပေးခြင်းနေရာတွင် အသုံးပြုဖွယ်ရှိသည်။ ထို့ကြောင့် ပစ္စည်းဝယ်ယူသူများအနေဖြင့် ဝယ်ယူပြီးကုန်ပစ္စည်းများကို ကားအထိ ကိုယ်တိုင်ကိုယ်ကျ သယ်ဆောင်ရန် မလိုအပ်တော့ပေ။

Ref: Quartz