ပညာရေးကဏ္ဍ လေ့လာ သုံးသပ်ရေး လုပ်ငန်း (CESR) များအား အဆင့်သုံးဆင့်ဖြင့် ဆောင်ရွက်

index_SMT_www.nippon-foundation.or_.jp_News_2015Oct23.jpg

ဘက်စုံလွှမ်းခြုံသော ပညာရေးကဏ္ဍ လေ့လာသုံးသပ်ရေး လုပ်ငန်း (Comprehensive Education Sector Review-CESR) ကို ပြည်တွင်း၊ ပြည်ပပညာရှင်များ၊ ဖွံ့ဖြိုးမှု မိတ်ဖက်များ ပါဝင်သည့်အဖွဲ့များမှ အဆင့်သုံးဆင့်ဖြင့် ဆောင်ရွက်ခဲ့ကြောင်း သိရသည်။

ပထမအဆင့် အနေဖြင့် အချိန်တို အတွင်းအကဲဖြတ်ခြင်း၊ ဒုတိယအဆင့်တွင် အသေးစိတ် လေ့လာဆန်းစစ်ခြင်းနှင့် တတိယအဆင့်တွင် ပညာရေးကဏ္ဍ စီမံကိန်း ရေးဆွဲခြင်းတို့ကိုဆောင်ရွက်ခဲ့ပြီး CESR ၏ ပညာရေးကဏ္ဍငါးနှစ်စီမံကိန်း (၂၀၁၆-၂၀၂၀) ကိုလည်း ပြုစုထားပြီးဖြစ်ကြောင်း သိရသည်။

လာမည့် ၂၀၁၆-၂၀၁၇ ပညာသင်နှစ်တွင် သူငယ်တန်း၏သင်ရိုးကို သင်ရိုးအသစ် ပြောင်းလဲသင်ကြားမည့် အစီအစဉ်ကို စတင် အကောင်အထည် ဖော်ဆောင်ရွက်သွားမည် ဖြစ်ပြီး အဆိုပါ သင်ရိုးအသစ် ပြောင်းလဲသင်ကြားခြင်းကို ပြဋ္ဌာန်းပြီးသည့် အမျိုးသားပညာရေး ဥပဒေနှင့် အညီ ပြုလုပ်ခြင်းဖြစ်သည်။

၂၀၁၅-၂၀၁၆ ဘဏ္ဍာနှစ်အတွက် ပညာရေးအသုံးစရိတ်အဖြစ် ငွေကျပ် ၁,၃၉၉ ဘီလီယံအထိ သုံးစွဲခဲ့ကာ ၂၀၁၁ ခုနှစ်မှ စတင်ကာ ၂၀၁၆ ခုနှစ်အထိ ငါးနှစ်တာ ကာလ အတွင်း လေးဆကျော် တိုးမြှင့်သုံးစွဲခဲ့ကြောင်းသိရသည်။

၂၀၁၅-၂၀၁၆ ဘဏ္ဍာနှစ်တွင် အခမဲ့ပညာရေးအတွက် စုစုပေါင်းငွေကျပ် ၂၉ ဘီလီယံသုံးစွဲမည်ဖြစ်ပြီး မူလတန်းအဆင့်ကျောင်းသားငါးသန်းအတွက် တစ်ဦး လျှင် ကျောင်းသုံး ပုံနှိပ် စာအုပ်၊ ဗလာစာအုပ်ခြောက်အုပ်နှင့် ကျောင်းဝတ်စုံတစ်စုံစီကို လည်းကောင်း၊ အလယ်တန်းကျောင်းသား ၂.၈ သန်းကျော် အတွက် ကျောင်းသုံး ပုံနှိပ် စာအုပ်များအား လည်းကောင်း၊  အထက်တန်းကျောင်းသားရှစ်သိန်းကျော်အတွက်  ကျောင်းသုံး ပုံနှိပ်စာအုပ်များကိုလည်း အခမဲ့ဖြန့်ဝေပေးခဲ့သည်။