ဘဏ်များအတွက် နည်းပညာဆိုင်ရာ ဝန်ဆောင်မှုပေးအပ်ရန် Atos နှင့် MMG တို့ပူးပေါင်း

11174200_10207581951728070_2848393896277162610_o.jpg

ဥရောပ၏ ငွေကြေးဆိုင်ရာ ဝန်ဆောင်မှုလုပ်ငန်းတွင် နံပါတ်နှစ်နေရာ၌ ရပ်တည်နေသည့် Atos ကုမ္ပဏီနှင့် ပြည်တွင်း၌ System Integration နှင့် Telecommunication လုပ်ငန်းကို လုပ်ကိုင်နေသည့် Myanmar Millennium Group (MMG) တို့ ပူးပေါင်းလိုက်သည်ဟု သိရသည်။

၎င်းတို့နည်းပညာကုမ္ပဏီနှစ်ခုသည် ပြည်တွင်းရှိ ဘဏ်များ၊ ဘဏ္ဍာရေးအဖွဲ့အစည်းများနှင့် ဝန်ဆောင်မှုလုပ်ငန်းများ တိုးချဲ့လုပ်ကိုင်ရန် Atos Banking as a Service ဆိုသည့် Soluction ကို မြန်မာနိုင်ငံ အတွက် စတင်မိတ်ဆက်ခဲ့ကြောင်း၊ အဆိုပါ နည်းပညာသည် ဘဏ်လုပ်ငန်းလုပ်ကိုင် ဆောင်ရွက်ရသည့် စီမံမှုများကို ကောင်းစွာ အထောက်အပံ့ ပေးနိုင်မည်ဖြစ်ကြောင်း သိရသည်။

“Atos ဟာ Bank in the Cloud ဖြစ်တဲ့အတွက် မြန်မာနိုင်ငံမှာရှိတဲ့ ဘဏ်လုပ်ငန်းတွေအတွက် ပြုပြင်ပြောင်းလဲပြီး လက်တွေ့လုပ်ဆောင်ချက်တွေနဲ့ ထိုးဖောက်သွာမှာဖြစ်ပါတယ်။ ကုန်သွယ်မှုဆိုင်ရာ လုပ်ဆောင်ချက်တွေနဲ့ စရိတ်အကုန်အကျ နည်းပါးမှုကိုလည်း စီမံပေးပါတယ်” ဟု MMG ကုမ္ပဏီမှ ဥက္ကဋ္ဌဖြစ်သူ ဦးမင်းဇေယျာလှိုင်က ပြောသည်။

၎င်းတို့နည်းပညာကုမ္ပဏီနှစ်ခုသည် ဘဏ်နှင့် ငွေကြေးဆိုင်ရာ ဝန်ဆောင်မှုလုပ်ငန်း ပူးပေါင်းဆောင်ရွက်နိုင်ရန် ရန်ကုန်မြို့၌ သဘောတူညီမှု စာချုပ်ချုပ်ဆိုခဲ့ကြပြီး အဆိုပါစာချုပ်ချုပ်ဆိုခြင်း အခမ်းအနား၌ Atos ကုမ္ပဏီ၏ ပြောရေးဆိုခွင့်ရှိသူတစ်ဦးက ၎င်းတို့သည် အိုင်စီလမ်းကြောင်းကို ပြန်လည်ဆန်းသစ်စေပြီး နိုင်ငံတကာပြိုင်ဘက်များနှင့်လည်း ထိပ်တိုက် ယှဉ်ပြိုင်နိုင်မည်ဟု ပြောဆိုခဲ့သည်။