ရွေးကောက်ပွဲ လေ့လာ စောင့်ကြည့်ရေး Kyeet (ကြည့်) Application ကို စတင်မိတ်ဆက်

10671437_1179146542100872_6018097007141659460_n.jpg

ရွေးကောက်ပွဲကျင်းပသည့် နေ့ရက်၌ ရွှေးကောက်ပွဲနှင့် ပတ်သက်သော သတင်းအချက်အလက်များ ၊ ရွေးကောက်ပွဲနှင့် ပတ်သက်သော အခက်အခဲများအပါအဝင် အဆင်မပြေမှုများကို အချိန်နှင့် တစ်ပြေးညီ တင်ဆက်ပေးမည့် ရွေးကောက်ပွဲ လေ့လာစောင့်ကြည့်ရေး Kyeet (ကြည့်) Application ကို စတင် မိတ်ဆက် လိုက်သည်ဟု သိရသည်။

Kyeet (ကြည့်) Mobile Application ကို MIDO နှင့် Center For Civic Technology (CCT) တို့ ပူးပေါင်းဖန်တီးခဲ့ခြင်းဖြစ်ပြီး ရွေးကောက်ပွဲ စောင့်ကြည့်ရန်နှင့် နည်းပညာပိုင်း ဆိုင်ရာ အကူအညီပေးအပ်ရန် မဟာမိတ်အဖွဲ့ ဖွဲ့စည်းထားခြင်း ဖြစ်သည်။

လူထုအခြေပြု ရွေးကောက်ပွဲ လေ့လာစောင့်ကြည့်ရေး Platform တစ်ခုကို တည်ဆောက်ခဲ့ခြင်းဖြစ်ပြီး ပထမဦးဆုံးအနေဖြင့် ရွေးကောက်ပွဲနှင့် ပတ်သက်၍ သိသင့် သိထိုက်သည့် သတင်းအချက်အလက်များကို တင်ဆက်ပေးမည်ဖြစ်ပြီး ဒုတိယအဆင့်သည် ရွေးကောက်ပွဲ ကျင်းပနေသည့် နေ့ရက် အတွင်း ဖြစ်ပေါ်လာသည့် ပြဿနာ အရပ်ရပ်ကို အဖွဲ့အစည်းများနှင့် ချိတ်ဆက်၍ ဖော်ပြပေးခြင်း ဖြစ်သည်။

ရွေးကောက်ပွဲနေ့ရက်၌ မဲပေးရာတွင် ကြုံတွေ့ရသည့်အခက်အခဲများ ၊ မသမာမှုများကို တွေ့ကြုံရပါက Kyeet (ကြည့်) Mobile Application သို့ ဆက်သွယ် သတင်းပေးနိုင်ကြောင်း၊ သတင်းအချက်အလက်များကို ဆက်သွယ် အကြောင်းကြားရာတွင် အင်တာနက်မရရှိသည့် ဒေသများ၌ SMS ဖြင့် ပြောင်းလဲပေးပို့နိုင်မည်ဖြစ်ကြောင်း သိရသည်။

“အင်တာနက်မရတဲ့ ဒေသတွေမှာဆိုရင် တိုင်ကြားချင်တဲ့ အချက်အလက်တွေကို Application မှာ ရိုက်ထည့်ပြီး ပို့လိုက်တာနဲ့ ဖုန်းက SMS ကို အသုံးပြုပြီး report လုပ်ပေးမှာပါ။ ရောက်လာတဲ့ report တွေကို မြေပုံပေါ်မှာ နေရာအလိုက် ပြန်ပြီး ပြပေးမှာဖြစ်တဲ့အတွက် ဝက်ဘ်ဆိုက်ထဲဝင် မြေပုံကြည့်လိုက်တာနဲ့ ဘယ် ဧရိယာတွေမှာ တိုင်ကြားမှု အများဆုံးလည်း ဆိုတာမျိုးကို အချိန်နဲ့ တစ်ပြေးညီ သိနိုင်မှာဖြစ်ပါတယ်” MIDO မှ တာဝန်ရှိသူက ပြောသည်။

ရွေးကောက်ပွဲ လေ့လာစောင့်ကြည့်ရေးအဖွဲ့များ၊ သတင်းမီဒီယာများနှင့် ချိတ်ဆက်၍ ရွေးကောက်ပွဲနေ့ရက်အတွက် သတင်းအမှန်များကို အတည်ပြုပြီး ပုံစံ တစ်မျိုးဖြင့် တင်ဆက်သွားမည်ဖြစ်ပြီး ဒေသအသီးသီးရှိ ပြည်သူများမှ ပေးပို့လာသော သတင်းအချက်အလက်များကိုမှု အတည်မပြုရသေးသော သတင်းအဖြစ် ပုံစံတစ်မျိုးဖြင့် တင်ဆက်သွားမည်ဖြစ်သည်။

အဆိုပါ Application သည် လူထုအခြေပြု ရွေးကောက်ပွဲ လေ့လာစောင့်ကြည့်ရေး Application တစ်ခုဖြစ်ပြီး Google Play တွင် မည်သူမဆို အခမဲ့ Download ပြုလုပ်နိုင်ကြောင်း သိရသည်။ အလားတူ ရွေးကောက်ပွဲနှင့် ပတ်သက်သော အခြေခံ သတင်းအချက်အလက်များကို Google Play တွင် တင်ဆက်ထားသော Vote Detail MM, Vote MM, မဲစာရင်း, Yway, mVoter 2015, Vote Up, Mae, MaePaySoh, Doh Sanda, Mae Pay Mal, Tara Vote အစရှိသည့် Applicaition များတွင်လည်း ကြည့်ရှုနိုင်ကြောင်း သိရသည်။