အခမဲ့ရယူနိုင်မည့် အသုံးတည့် မိုဘိုင်းဖုန်း ဆော့ဖ်ဝဲများ

ij+cover.jpg

အခမဲ့ ရယူအသုံးပြုနိုင်မည့် Apple App များ

Myanmar Blood

အရေးပေါ် သွေးလိုအပ်မှုကို အထောက်အကူပြုမည့် App ဖြစ်သည်။ တည်နေရာကို အခြေပြုဖန်တီးထားပြီး မိမိရောက်ရှိနေသည့် မြို့နယ်တွင်းရှိ သွေးလှူရှင်များကို အလွယ်တကူရှာဖွေ ချိတ်ဆက်နိုင်စေရန် ပြုလုပ်ထားသည်။ သွေးလှူရှင်များအား ရှာဖွေနိုင်ရန်အတွက် အင်တာနက်ချိတ်ဆက် အသုံးပြုရမည်ဖြစ်ပြီး မိမိ၏ အနီးအနားတွင်ရှိသည့် သွေးလှူရှင်များအား ဖုန်းဖြင့်တိုက်ရိုက် ဆက်သွယ်အကူအညီ ရယူနိုင်မည်ဖြစ်သည်။ သွေးလှူရှင်များ အနေဖြင့်လည်း မိမိသွေးအမျိုးအစားအား အရေးပေါ် လိုအပ်မှုရှိပါက App မှအလိုအလျောက် အသိပေးမည်ဖြစ်ပြီး သွေးလိုအပ်သည့် သူများသို့ ဆက်သွယ်လှူဒါန်းနိုင်ရန် ပြုလုပ်ပေးထားသည်။

iOS 7.0 နှင့် အထက် – https://goo.gl/YHDGQS

Yangon Trains

ရန်ကုန်မြို့တွင်း ပြေးဆွဲလျက်ရှိသော မီးရထား အချိန်ဇယားအား မိုဘိုင်းဖုန်းမှပင် ကြည့်ရှုနိုင်မည့် App ဖြစ်သည်။ မြို့ပတ်ပြေး ဆွဲလျက်ရှိသည့် ရထားများ၏ ထွက်ခွာမည့်အချိန်နှင့် ဘူတာသို့ ဆိုက်ရောက်မည့် အချိန်ဇယား၊ လမ်းမှတ်တိုင် ဘူတာများသို့ စတင် ထွက်ခွာသည့် အချိန်နှင့် ဆိုက်ရောက်နိုင်သည့် အချိန်အတိအကျကို ကြိုတင်ကြည့်ရှုနိုင်မည် ဖြစ်သည်။ ရထားစီးနင်းခ နှုန်းထားများ၊ လမ်းတစ်လျှောက်ရှိ ဘူတာရုံများကို အသုံးပြုသူ၏ တည်နေရာအလိုက် မြေပုံမှတစ်ဆင့်ကြည့် ရှုနိုင်ရန်လည်း ပြုလုပ်ထားပြီး အင်္ဂလိပ်-မြန်မာဘာသာ နှစ်မျိုးလုံးဖြင့် အသုံးပြုနိုင်မည် ဖြစ်သည်။

iOS 6.0 နှင့် အထက် – https://goo.gl/9ykrbz

Home City

အိမ်၊ ခြံ၊ မြေဝယ်ယူခြင်း၊ ငှားရမ်းခြင်းများကို မိုဘိုင်းဖုန်းမှပင် ပြုလုပ်နိုင်မည့် App ဖြစ်သည်။ Online ပေါ်မှ အိမ်၊ ခြံ၊ မြေအရောင်းအဝယ်များအား ကြည့်ရှု၍  မိမိနှစ်သက်သည်ကို အလွယ်တကူ ရှာဖွေဝယ်ယူနိုင်မည့်အပြင် ငှားရမ်းလိုသူများအနေဖြင့် သီးခြား အငှားဈေးကွက်မှ အိမ်ခန်း၊ ခြံ၊ မြေကွက်များကို ရှာဖွေကြည့်နိုင်မည် ဖြစ်သည်။ မိမိရှာဖွေကြည့်ရှုခဲ့သည့် အိမ်ခန်းများကို App တွင် သီးခြား မှတ်သားထားနိုင်မည်ဖြစ်ပြီး ငှားရမ်း၊ ဝယ်ယူလိုသည်များကိုလည်း အကျိုးဆောင် ကုမ္ပဏီများဖြင့် တိုက်ရိုက်ဆက်သွယ်၍လည်း ရောင်း၊ ဝယ်၊ ငှားပြုလုပ်နိုင်မည် ဖြစ်သည်။ အိမ်၊ ခြံ၊ မြေ ဝယ်ယူခြင်း၊ ငှားရမ်းခြင်းနှင့် ပတ်သက်သည့် အကြံပြုချက်များနှင့် အိမ်၊ ခြံ၊ မြေဆိုင်ရာ သတင်းထုတ်ပြန်ချက်များကို လည်း ဖတ်ရှုနိုင်မည် ဖြစ်သည်။

iOS 7.0 နှင့် အထက် – https://goo.gl/iqJmDC

Yote Shin

ရန်ကုန်၊ မန္တလေးနှင့် နေပြည်တော်မြို့များရှိ ရုပ်ရှင်ရုံများတွင် တင်ဆက်ပြသနေသည့် ရုပ်ရှင်ကားများနှင့် ပြသသည့် အချိန်များကို အလွယ်တကူ ကြည့်ရှုနိုင်မည့် App ဖြစ်သည်။ အင်တာနက်ချိတ်ဆက် အသုံးပြုရန် လိုအပ်ပြီး အပတ်စဉ်ပြသနေသည့် ဇာတ်ကားအသစ်များနှင့် နောက်ထပ်အသစ် ပြသမည့် ဇာတ်ကားကြော်ငြာများအား ကြည့်ရှုနိုင်မည့်အပြင် ဇာတ်ကားတစ်ခုခြင်းစီ၏ ဇာတ်လမ်းအညွှန်းများကို ဖတ်ရှုနိုင်မည် ဖြစ်သည်။ မိမိကြည့်ရှုလိုသည့် ရုပ်ရှင် ဇာတ်ကားတွင် ပါဝင်သည့် သရုပ်ဆောင်၊ ဒါရိုက်တာများကို သီးခြားကြည့်ရှုနိုင်ရန် ပြုလုပ်ထားပြီး ရုပ်ရှင်လက်မှတ် မှာယူခြင်းများကို App မှပင် အလွယ်တကူ ပြုလုပ်နိုင်မည် ဖြစ်သည်။

iOS 7.0 နှင့် အထက် – https://goo.gl/1IRqen

Shwebook Dictionary Pro

အင်္ဂလိပ်-မြန်မာ-တရုတ် ဘာသာစကားသုံးမျိုး စလုံးအတွက် တစ်မျိုးမှ တစ်မျိုး၏ အဓိပ္ပာယ်ဖွင့်ဆိုချက်များကို ဖော်ပြပေးနိုင်သည့် အဘိဓာန် App ဖြစ်သည်။ တရုတ်ဘာသာအတွက် ရှေးသုံးနှင့် ပုံမှန်စကားပြော ဝေါဟာရများကို အသံထွက်နှင့်တကွ ဖော်ပြပေးထားမည်ဖြစ်သည်။ ထို့ပြင်အင်္ဂလိပ်စာ လေ့လာသူများအတွက် အင်္ဂလိပ်ဝေါဟာရများ၏ အသံထွက်ကိုလည်း နားဆင်နိုင်ရန် ပြုလုပ်ပေးထားသည်။ ဝေါဟာရတစ်လုံး၏ အင်္ဂလိပ်၊ မြန်မာနှင့် တရုတ် အဓိပ္ပာယ်ဖွင့်ဆိုချက်ကို တစ်ပြိုင်နက်ကြည့်ရှု အသုံးပြုနိုင်မည့်အပြင် အင်္ဂလိပ်စာ အသံထွက်အား ဗြိတိန်၊ အမေရိကန် လေယူလေသိမ်းများဖြင့် နားဆင်နိုင်ရန် ဖန်တီးထားသည်။

iOS 7.0 နှင့် အထက် – https://goo.gl/lCKq4r

Myanmar Proverbs

မျိုးရိုးအစဉ်အဆက် ပြောဆိုခဲ့ကြသည့် ရှေးမြန်မာ စကားပုံများအား လေ့လာနိုင်မည့် App ဖြစ်သည်။ စကားပုံ တစ်ခုချင်း၏ ရှင်းလင်းချက်များကို ရှာဖွေဖတ်ရှုနိုင်မည် ဖြစ်သည်။ မိမိနှစ်သက် သဘောကျသည့် စကားပုံများ သီးခြားမှတ်သားထားနိုင်ရန် ပြုလုပ်ပေးထားပြီး သူငယ်ချင်း၊ မိတ်ဆွေများထံသို့လည်း Facebook, Twitter နှင့်  Gmail စသည်တို့မှ တစ်ဆင့်အလွယ်တကူ ပြန်လည်မျှဝေနိုင်မည် ဖြစ်သည်။

iOS 7.0 နှင့် အထက် – https://goo.gl/T27CJU

Wun Zinn

မိုဘိုင်းဖုန်း၊ Tablet PC များမှတစ်ဆင့် ပြည်တွင်းထုတ် စာအုပ်၊ မဂ္ဂဇင်း၊ ဂျာနယ်များအား ဝယ်ယူဖတ်ရှုနိုင်မည့် App ဖြစ်သည်။ အခမဲ့ Download ရယူဖတ်ရှု နိုင်မည့်အပြင် မိုဘိုင်းဖုန်း၏ ဖုန်းဘေလ်ဖြင့်ပင် စာအုပ်၊ စာစောင်များအား ဝယ်ယူဖတ်ရှုနိုင်ရန် ပြုလုပ်ပေးထားသည်။ စာအုပ်၊ စာစောင်များအား မဝယ်ယူမီ အမြည်းအနေဖြင့် ဖတ်ရှုနိုင်ရန် စီစဉ်ပေးထားသည်။ အင်တာနက် ချိတ်ဆက်အသုံးပြုရန် လိုအပ်ပြီး မိမိဖတ်မှတ်လိုက်သည့် စာတို၊ ဆိုရိုးစကား၊ ကမ္ဘာကျော်ပညာရှင်များ၏ မှတ်သားစရာ စကားများအား ဖုန်းတွင်သိမ်းဆည်း မှတ်သားခြင်းနှင့် မိတ်ဆွေ၊ သူငယ်ချင်းများသို့ Facebook မှတစ်ဆင့် ပြန်လည်မျှဝေခြင်းအား App မှ ပင် ပြုလုပ်နိုင်မည် ဖြစ်သည်။

iOS 6.0 နှင့် အထက် – https://goo.gl/TdAeRY

Yangon Buses

ရန်ကုန်မြို့တွင်း ပြေးဆွဲလျက်ရှိသော ဘတ်စ်ကားလိုင်းများနှင့် ထပ်မံတိုးချဲ့ ပြေးဆွဲလျက်ရှိသော ဘတ်စ်ကားလိုင်းများအား ဖုန်းမှပင် အလွယ်တကူ ကြည့်ရှုနိုင်မည့် App ဖြစ်သည်။ ဘတ်စ်ကားလိုင်း တစ်ခုချင်းစီ၏ ပြေးဆွဲသည့် လမ်းကြောင်းရှိ မှတ်တိုင်များ၊ လမ်းကြောင်းတစ်လျောက် ပြေးဆွဲလျက်ရှိသော တခြားဘတ်စ်ကား လိုင်းများကို ကြည့်ရှုနိုင်မည်ဖြစ်ပြီး ဘတ်စ်ကားလိုင်းအလိုက်၊ မှတ်တိုင်အလိုက်၊ နေရာအလိုက် ရှာဖွေအသုံးပြုနိုင်မည့်အပြင် မိမိရောက်ရှိနေသည့် နေရာပေါ်မူတည်၍အနီးဆုံး ဘတ်စ်ကားမှတ် တိုင်ကိုလည်း မြေပုံမှတစ်ဆင့် ရှာဖွေနိုင်ရန်ပြုလုပ်ထားသည်။ မြန်မာ-အင်္ဂလိပ် ပုံစံနှစ်မျိုးဖြင့် ရှာဖွေအသုံးပြု နိုင်မည်ဖြစ်သည်။

iOS 6.0 နှင့် အထက် – https://goo.gl/TemTEc

အခမဲ့ ရယူအသုံးပြုနိုင်မည့် Android App များ

GoBus Online Bus Ticketing

အဝေးပြေးကား လက်မှတ်များအား အလွယ်တကူ အွန်လိုင်းမှတစ်ဆင့် ဝယ်ယူနိုင်မည့် App ဖြစ်သည်။ မိမိသွားရောက်လိုသည့် နေရာအတွက် စီးမည့်ယာဉ်လိုင်းအား ရွေးချယ်၍ သွားမည့်ရက်အလိုက် ရရှိနိုင်သည့် ထိုင်ခုံနံပါတ်များကို ကိုယ်တိုင်ကြည့်ရှု ရွေးချယ်ဝယ်ယူနိုင်ရန် ပြုလုပ်ထားသည်။ ငွေပေးချေသည့် စနစ်များကိုလည်း မိမိနှစ်သက်ရာဖြင့် အသုံးပြုနိုင်မည်ဖြစ်ပြီး နိုင်ငံသားများအတွက် ဝန်ဆောင်ခ အခမဲ့အနေဖြင့် အသုံးပြုနိုင်မည် ဖြစ်သည်။

v4.0 နှင့် အထက် – https://goo.gl/f9t1xG

Myanmar Exchange Rates

နေ့စဉ်ငွေလဲလှယ်နှုန်းများကို ကြည့်ရှုနိုင်မည့် App ဖြစ်သည်။ အင်တာနက် ချိတ်ဆက် အသုံးပြုရမည့် Online App ဖြစ်ပြီး ဗဟိုဘဏ်၏ နေ့စဉ်ထုတ်ပြန်ချက်နှင့် အခြားပုဂ္ဂလိကဘဏ်များ၏ နေ့စဉ်ငွေကြေး လဲလှယ်နှုန်းများကို အလွယ်တကူ သိရှိနိုင်မည် ဖြစ်သည်။ ထို့ပြင် မိမိလဲလှယ်မည့် ငွေပမာဏကို တိုင်းတာတွက်ချက်နိုင်မည့် စနစ်ပါဝင်ပြီး ပြီးခဲ့သည့် အပတ်စဉ်နှင့် လစဉ်ငွေကြေး အတက်အကျ နှုန်းများအား ဂရပ်ဖြင့်ပြန်လည် ကြည့်ရှုနိုင်ရန်လည်း ပြုလုပ်ပေးထားသည်။

v4.0.3 နှင့် အထက် – https://goo.gl/ZLGaxM

English-Myanmar Dictionary

Offline အနေဖြင့် အသုံးပြုနိုင်မည့် အင်္ဂလိပ်-မြန်မာ အဘိဓာန် App ဖြစ်သည်။ ဝေါဟာရ အဓိပ္ပာယ်များကို အလွယ်တကူ ရှာဖွေနိုင်မည့်အပြင် နေ့စဉ်သုံးအင်္ဂလိပ် စကားပြောဆိုင်ရာ သင်ခန်းစာများကိုလည်း App မှပင် အသံထွက်နှင့်တကွ Offline အနေဖြင့် လေ့လာနိုင်မည် ဖြစ်သည်။  ဝေါရဟာ စကားလုံးများ၏ အသံထွက်ကိုလည်း နားထောင်နိုင်မည်ဖြစ်ပြီး မိမိလေ့လာမှတ်သားခဲ့သည့် စကားလုံးများအား သီးခြားမှတ်သား ထားနိုင်ရန်လည်း ပြုလုပ်ပေးထားသည်။ ထို့အပြင် အသုံးပြုသူမှလည်း အဘိဓာန် App တွင် မရှိသေးသည့် စကားလုံးအသစ်များကို ထည့်သွင်းခြင်းနှင့် စကားလုံး အဓိပ္ပာယ်များကို ထပ်မံဖြည့်စွက်ခြင်း စသည့်လုပ်ဆောင်ချက်များလည်း ပြုလုပ်နိုင်မည် ဖြစ်သည်။

v2.3 နှင့် အထက် – https://goo.gl/UMyT37

Myanmar Calendar 2016 ++

ဖုန်းတွင်မြန်မာစာစနစ် မပါဝင်သော်လည်း မြန်မာလိုမြင်တွေ့ အသုံးပြုနိုင်မည့် ပြက္ခဒိန် App ဖြစ်ပြီး ခုနှစ်၊ သက္ကရာဇ် ၁၉၁၀ မှ ၂ဝ၂ဝ ထိ ကြည့်ရှုနိုင်မည့် နှစ်တစ်ရာပြက္ခဒိန်လည်း ဖြစ်သည်။ အင်တာနက် ချိတ်ဆက်ထားစရာ မလိုဘဲ Offline အနေဖြင့်လည်း အသုံးပြုနိုင်မည်ဖြစ်ပြီး မြန်မာရက်နှင့် အင်္ဂလိပ်ရက် ပုံစံနှစ်မျိုးဖြင့် ကြည့်ရှုနိုင်မည်ဖြစ်သည်။ ထို့ပြင် မြန်မာသက္ကရာဇ်၏ ပြဿဒါး၊ ရက်ရာဇာ၊ ဥပုသ်၊ လပြည့်၊ လကွယ်စသည့် အသေးစိတ်ကိုလည်း ကြည့်ရှုနိုင်မည်ဖြစ်ပြီး မိသားစု၊ သူငယ်ချင်းများ၏ မွေးရက်များကို App တွင်ပင် မှတ်သားထား နိုင်မည်ဖြစ်သည်။ ထို့ပြင် ဖုန်း၏ Home Screen ပေါ်တွင် Widget အနေဖြင့်လည်း အသုံးပြုနိုင်အောင် ပြုလုပ်ပေးထားသည်။

v4.0 နှင့် အထက် – https://goo.gl/ymp59z

Dhamma Talks (Myanmar)

နိုင်ငံကျော် ဓမ္မကထိက ဆရာတော်ကြီးများ၏ တရားတော်များကို အလွယ်တကူ နာယူနိုင်မည့် App ဖြစ်ပြီး Online နှင့် Offline ပုံစံနှစ်မျိုးလုံးဖြင့် အသုံးပြုနိုင်မည် ဖြစ်သည်။ ဖုန်းတွင်အင်တာနက် ချိတ်ဆက်၍ မိမိနာယူလိုသည့် ဆရာတော် ဟောကြားခဲ့သည့် တရားတော်များအား တိုက်ရိုက်အွန်လိုင်းမှ stream ပြုလုပ်နာယူ နိုင်မည့်အပြင် Down-load ပြုလုပ်၍ လည်း Offline အနေဖြင့် နာယူနိုင်မည် ဖြစ်သည်။ ဆရာတော် တစ်ပါးစီအလိုက် ဟောကြားခဲ့သည့် တရားတော်များ၊ ပရိတ်၊ သုတ္တံများ၊ ၀ိပဿနာရှုနည်းများ၊ အလုပ်ပေး တရားတော်များကို သီးခြားစီခွဲခြား ပေးထားသည်။

v2.3 နှင့် အထက် – https://goo.gl/D4c0jQ

Myanmar Telephone Directory

မြန်မာတယ်လီဖုန်းလမ်းညွှန် App ဖြစ်ပြီး Online နှင့် Offline ပုံစံနှစ်မျိုးဖြင့် အသုံးပြုနိုင်မည် ဖြစ်သည်။ Myanmar Posts & Telecommunications နှင့် Advanced Communication Myanmar Co., Ltd တို့ပူးပေါင်း ဖန်တီးထားသည့် Official Yellow Pages App ဖြစ်သည်။ လုပ်ငန်းကဏ္ဍအလိုက်၊ လုပ်ငန်းနာမည်အလိုက်၊ မြို့နယ်အလိုက် ဖုန်းနံပါတ်နှင့် လိပ်စာများအား ရှာဖွေကြည့်ရှုနိုင်မည့်အပြင် အများသုံး ကဏ္ဍအလိုက်အနေဖြင့် ကြည့်ရှုရှာဖွေနိုင်ရန် ပြုလုပ်ပေးထားသည်။ ထို့ပြင် အင်္ဂလိပ်အက္ခရာ A to Z အနေဖြင့်လည်း မိမိသိရှိလိုသည့် ဖုန်းနံပါတ်ကို ရှာဖွေနိုင်မည်ဖြစ်သည်။

v3.2 နှင့် အထက် – https://goo.gl/dWoP4w

Myanmar Font Converter

စမတ်ဖုန်းသုံး မြန်မာစာ စနစ်များဖြစ်သည့် ဇော်ဂျီနှင့် ယူနီကုတ်ဖောင့်များအား တစ်မျိုးမှတစ်မျိုးသို့ ဖတ်ရှုရ အဆင်ပြေအောင် ဖုန်းမှပင် ပြောင်းလဲနိုင်မည့် App ဖြစ်သည်။ ဖောင့်၏ အရွယ်အစား၊ နောက်ခံကာလာများကို မိမိစိတ်ကြိုက်လိုသလို ချိန်ညှိအသုံးပြုအောင် ပြုလုပ်ပေးထားပြီး ဖောင့်စတိုင်များကိုလည်း ပြောင်းလဲအသုံးပြု နိုင်မည်ဖြစ်သည်။ မိမိ ပြောင်းလဲလိုက်သည့် ဖောင့်စာသားများကို ယှဉ်ရက်မြင်တွေ့ရ မည်ဖြစ်ပြီး ဖုန်း၏ မြင်ကွင်းပေါ်တွင် Floating Ui အနေဖြင့်လည်း အသုံးပြုနိုင်အောင် ပြုလုပ်ပေးထားသည်။

v4.0 နှင့် အထက် – https://goo.gl/FVlJ2y

Myanmar Unit Converter

မြန်မာယူနစ် တိုင်းတာတွက်ချက်မှုများကို အလွယ်တကူဖုန်းမှပင် ပြုလုပ်နိုင်မည့် App ဖြစ်သည်။ အရှည်အလျား (Length) ၊ အလေးချိန် (Mass) ၊ ထုထည် (Volume) စသည့်တို့ကို တစ်မျိုးမှ တစ်မျိုးသို့ တိုင်းထွာသည့် ယူနစ်များကို တွက်ချက်နိုင်မည်ဖြစ်ပြီး http://en.wikipedia.org/wiki/Burmese_units_of_measurement ကို အခြေခံပြီး ထုတ်လုပ်ထားခြင်း ဖြစ်သည်။ တိုင်းတာတွက်ချက်မှုတိုင်းအား မြန်မာ၊ Metric ၊ Imperial ယူနစ် သုံးမျိုးလုံးကို ဖော်ပြရန် ပြုလုပ်ပေးထားသည့်အပြင် မိမိတွက်ချက်လိုသည့် ယူနစ်အလိုက်လည်း ခွဲခြားပေးထားမည် ဖြစ်သည်။

v2.3 နှင့် အထက် – https://goo.gl/aGVYpl